السلام عليكم ورحمه الله وبركاته
انا متزوجه منذ خمس سنوات وللان لم انجب روحت لدكاتره كتير وكل دكتور بكلام ومشكله مختلفه عن الدكتور اللي قبله وكل المشاكل لدي انا
انا الموضوع دا بقا مآثر عليا جدا وكلام الناس بقا مخلي نفسيتي تحت الصفر
مبقاش عندي شغف لي حاجه خالص مبقتش عاوزه أخرج ولا اتكلم من جوزي ولا أقابل صحابي ولا ازور اهلي ولا اكلم اي حد في التليفون كل اللي يرن عليا ومردش ويرن علي تليفون جوزي ويقلب خدي كلمي فلان لما يسالني لي مبترديش بقيت ديما بخترع اي كذبه علشان متقولش الحقيقه ان مش عاوزه اكلم حد
انا دلوقتي بقيت يخرب حياتي بايدي انا بقيت بطلب الطلاق من جوزي لأن ديما برمي العيب عندي انا ودي حقيقه
انا مش عارفه اعمل اي ساعدوني انا بقت حياتي عن اوضه ضلمه قاعده فيها لوحدي واكتئاب وعياط مستمر اعمل اي
وعليكم السلام ورحمه الله وبركاته ،، متفهمه جدا احتياجك للأمومة ومشاعرها بس لازم يكون عندك يقين أنها رزق من الله وهذا ما قاله في كتابه ،، ثانياً الأخذ بالاسباب الوزن الزائد من عراقيل الحمل نتابع مع دكتور متخصص ونشوف عندنا مشاكل صحية ولا لا في حبوب اسمها الماكا بتساعد على زيادة الخصوبة اتكلمي مع طبيبك عنها وخديها ،، الحياة الزوجية ليست إنجاب وفقط انتي وزوجك شريكين في حياة لا يستحق منك أن تهمليه رعايته واجب عليكي عيشي حياتك مع زوجك بحب وخذي بالاسباب واتركي الأمر كله لله ، رزقك الله بالخلف الصالح ،، تحياتي
تم النشر الخميس، ١١ يوليو ٢٠٢٤
السلام عليكم ورحمه الله وبركاته. بتبقى صعبه الابتلاءات اللي من منع صعبه وصدقيني الابتلاءات اللي بتبقى بالعطاء تبقى اصعب يعني ممكن حد فينا يبتلى بانه يدي له الذريه ويكونوا هم دول ابتلائه لانهم بيكونوا للاسف ذريه عاقه او صعبه او تصرفاتهم هتكون مؤذيه في الحياه وبيكونوا ابتلاء فالوضع الحالي بتاعك هو ابتلاء بالمنع او بالتاخير فانت عايزه تعاملي مع الابتلاء ازاي الابتلاء اولا بيترفع لما يكون راضيين عليه يعني لما تقول يا رب رضيت. انا راضيه بالابتلاء بتاعك حتى لو انت هتاخر عليا او مش هتكتب لي النوع ده من الرزق خالص فانا ردي والرضا يكون حقيقي من جواكي لان احنا بنكون بنجهل ايه اللي ورا الموضوع هو ربنا ما ادانيش ولاد دلوقتي ليه ربنا ما بيديناش الحاجه في توقيت معين لانه عارف انه في التوقيت ده مش هيكون ده احسن حاجه لينا طبعا احنا ما بنشوفش ده ولا عمرنا هنشوف ليه لان قدراتنا البشريه محدوده لكن القدرات ربنا اكبر بكثير وهو اللي عارف علم الغيب وعارف. هيحصل بكره فعرف انه دلوقتي لو احنا اخذنا النعمه دي او الرزق ده مش هنعرف نتعامل معاها اه نتعامل معاه غلط او هيحصل لا قدر الله حاجات سيئه لكن في توقيت ثاني لا احنا الدنيا هتمشي احسن. هو اعلى مننا سبحانه وتعالى طيب في احتمال اصلا ان احنا ما يتكتبلناش النوع ده من الرزق. احنا بقى قررنا ايه قصاد؟ انواع الارزاق اللي جايه لنا من عند ربنا والله. اذا انت قررتي انك توقفي حياتك على نوع واحد من الارزق. فهيكون قرارك انت اختيار لانه يعني دي الامانه اللي احنا متحملينها امانه الاختيار فده هيكون اختيارك مش هتقولي انه ده نصيبي في الحياه لا هو هيكون اختيارك انك وقفتي حياتك على انه في شيء مش رزقك في الدنيا مثلا. او تقدري تختاري الاختيار الثاني يبقى انك ما توقفيش حاجه وتستمتعي بكل ارزاق ربنا ليكي يعني سبحان الله رغم ان انت ربنا منع عنك لحد دلوقتي وان شاء الله ربنا يكتب لك الرزق ده بس يعني محجوب عنك دلوقتي رزق الذريه. الا انك ربنا رزقك بزوج يعني بيتعامل معاك كويس ومتحمل هو كمان الابتلاء ده يعني ما فكرش يحملك انت اللون. ويعمل مثلا زي حد ثاني ويقول لا انا هتزوج مره ثانيه بس. ده رزق انت مش واخده بالك منه انك طيب مش مستمتعه بيه ليه بتفردي على نفسك وبتقري لنفسك انه الحياه تتوقف لي فكري اكتر وصدقيني استمتعي بكل اني اعمل اللي عندك واا يعني ركزي اوي في الايه اللي ربنا سبحانه وتعالى قال فيها ولا ان شكرتم لازيدنكم اشكري ربنا حتى على المنع شوفي ربنا هيزيدك ازاي من الرضا وهيزيدك ازاي من العطايا عشان انت بتشكريه بتشكريه حتى لو انت بيتمنع عنك حاجات انت عايزاها ويعني يا رب يا رب يا رب يرزقك ويعطيك ويرضيكي لحد اخر الدنيا ويمن عليك بالذريه الصالحه اللي تكون خير لك في الدنيا وفي الاخره.
تم النشر الأربعاء، ١٠ يوليو ٢٠٢٤
حبيبتي كتر خيرك طبعا أمر صعب لكن صدقيني علمتنا الحياه أنها لما تمسكي في الحاجه وتبقي عاوزاها قوي مش بتاخديها لما تهمليها بتيجي لحد عندك طبعا نفسيتك ليها دور كبير في عدم الأنجاب فحاولي فعلا تشوفي أخصائي نفسي يساعدك حاجه كمان ثقي إن البنون ميراث من الله فآمن وخلي عندك إيمان إن لو الطب قال مستحيل مافيش مستحيل عند ربنا وربنا يديك ويفرح قلبك وإن شاء الله أنا واثقه إن ربنا هيفرحك وقريب هاتقوليلنا إنك حامل بإذن الله كلنا هندعيلك وربنا هيسمع وهيستجيب
تم النشر الأربعاء، ١٠ يوليو ٢٠٢٤
الحل الوحيد هو الرجوع إلى الله وصلاه قيام الليل والدعاء بالحاح ومن نفس منكسره ومطره واقول لك عن تجربه مريت بها أنا وعدت إلى الله واكثرت من الوعاء في صلاه قيام الليل وكذلك الإكثار من الصدقه وهو افضل علاج واسالك بالله أن تدعيلي
تم النشر الأربعاء، ١٠ يوليو ٢٠٢٤
وعليكم السلام ورحمة الله وبركاته، أولاً، أحب أقولك إنك مش لوحدك في الموضوع ده. كتير من الناس بيمروا بنفس اللي بتمري بيه، والضغط النفسي من الحاجات اللي بتأثر على حالتنا النفسية والجسدية. الحاجة الأولى اللي لازم تعمليها هي إنك تركزي على نفسك وصحتك النفسية أولاً. ممكن تعملي الخطوات دي: طلبات العلاج النفسي: ما تتردديش من اللجوء لمعالج نفسي. الكلام مع حد مختص ممكن يساعدك تفهمي مشاعرك أكتر وتعرفي تتعاملي معاها. الراحة النفسية: حاولي تبعدي عن الأشخاص أو الأماكن اللي بيزيدوا من ضغطك النفسي. ما تسمحيش لكلام الناس يأثر عليكي. ركزي على المحبة والدعم اللي حواليك، سواء من جوزك أو من أصدقائك وأهلك المقربين. الهوايات والاهتمامات: رجعي اهتماماتك اللي كنتي بتحبيها زمان أو جربي حاجات جديدة. الهوايات دي بتبقى متنفس رائع وبتدي شعور بالإنجاز. التمارين الرياضية: الرياضة بتساعد كتير في تحسين المزاج والحد من الاكتئاب. ممكن تبدأي بشيء بسيط زي المشي. التواصل مع زوجك: حاولي تتكلمي مع زوجك بصراحة عن مشاعرك وقلقك. وجود شخص بجانبك بيدعمك بيقلل من التوتر والقلق. الصبر والإيمان: الأمور دي بتاخد وقت، ومهم تفضلي إيجابية قدر المستطاع. الخيارات الطبية: اسألي أطباء مختلفة أو شوفي خيارات علاجات جديدة ممكن تفيدك. اقبلي نفسك بكل عيوبها وسلبياتها وكوني رحيمة مع نفسك. الأمور ممكن تتحسن، وربنا يرزقك اللي تتمنيه.
تم النشر الأربعاء، ١٠ يوليو ٢٠٢٤
لعرض السؤال في فدني اضغط هنا