انا طالبه فرقه رابعه من اوائل دفعتي اول ما دخلت الكليه صاحبت بنات كانوا الاوائل بس كان ترتبيهم السابع والثامن وبعدين في تانيه بقوا أعلى وفي تالته لقيتهم مركز اول وتاني وانا التالت طيب كده ازاي الدكتور قال هما بيعملوا تحسين من سنه أولى يعني بياخدو مواد في الصيف ويحسنهوا المهم هما اصحابي وعملوا كده من ورايا ولم قلت ليه مقولتوش ليا قالولي كل واحد يخاف علي مصلحتوا وبقا يقولوا عليا اعداء النجاح وانا ببصلهم في نجحهم كرهوني في الكليه وفيهم واحده مش بتبطل كلام عليا حتي مع صحابي بنت فظيعه بجد مش عارفه اعمل ايه
عزيزتي، أقدر مشاعرك وحالتك الصعبة التي تمرين بها. يبدو أن الوضع الذي تواجهينه في الكلية يؤثر على نفسيتك وثقتك بنفسك. إليك بعض الأفكار التي قد تساعدك في التعامل مع هذا الموقف: التركيز على نفسك : من المهم أن تعملي على تحسين أدائك الأكاديمي دون الانشغال بآراء الآخرين. كل شخص لديه طريقته في التعلم والنجاح، فحاولي أن تركزين على وضع خطط واضحة لتحسين مستواك الدراسي. تحديد الأهداف : حددي أهدافًا واقعية لنفسك، مثل مواد معينة تودين تحسينها وموعد الوصول إليها، واعملي بجد لتحقيق هذه الأهداف. هذا سيساعدك على استعادة ثقتك بنفسك. التواصل مع أساتذتك : إذا كان لديك تساؤلات حول المواد أو تطوير مستواك، لا تترددي في طلب المساعدة من أساتذتك. هم موجودون لدعمك. البحث عن صداقات بناءّة : حاولي أن تفتحي مجال لصداقة جديدة مع زملاء آخرين إيجابيين يدعمونك في تحقيق طموحاتك الأكاديمية ويحفزونك على النجاح بدلاً من انتقادك. عدم الانجراف وراء السلبيات : تذكري دائمًا أن الأشخاص الذين يتحدثون بالسلب هم في الغالب يحاولون الهروب من مشكلاتهم. لا تدعيهم يؤثرون على نظرتك لنفسك. العناية بنفسك : احرصي على تخصيص وقت للأنشطة التي تسعدك، سواء كانت هواياتك المفضلة أو ممارسة الرياضة، فهذا سيساعدك على تحسين حالتك النفسية. تذكري أن النجاح ليس فقط ما تحققينه من درجات، بل هو أيضًا ما تكتسبينه من خبرات وتطور شخصي. كوني صبورة وقوية، وثقي أن كل جهد تبذلينه اليوم سيؤتي ثماره في المستقبل.
تم النشر الأحد، ١٦ فبراير ٢٠٢٥
السلام عليكم ورحمه الله وبركاته طيب احنا هنحتاج نعمل تعديل بس صغير هو اللي ان شاء الله يعني ايه يظبط معاك الموضوع خالص دول زمايلك في الكليه فقط لا غير هم مش صحابك هم مش اصدقاء هم مش في الدرجه دي من العلاقات الشخصيه هم مجرد زمالك المواقف اللي انت حكيتيها بتثبت ده احنا زمايل احنا يعني مجتمعين على فكره المحاضرات بتاعه الكليه والاخبار بتاعت الكليه والوقت بتاع الكليه وبس احنا مش مقربين من بعض لدرجه ان احنا يبقى في ما بينا اهتمام شخصي ولا ان كل واحد يخاف على مصلحه الثاني زي الصحاب هو بس المشكله انه انت اعتبرتيهم اصدقاء وعملتيهم بدرجه هم مش بيتعاملوا بنفس الدرجه. من بعد ما ادركتي الموقف ده؟ مفترض تفصلي منهم تماما تشوفيهم على قدر العلاقه اللي واضحه من المواقف دي هم زمايلك في الكليه لذلك هم مش مطلوب منهم انهم لما يكونوا بيعملوا حاجه ااا لمصلحتهم الشخصيه انهم يعرفوك بيها ليه ده على قد علاقتكم ببعض انه انتم مش صحاب انتوا. استاذه ميل والزمايل مش شرط يقولوا لبعض ااا احنا عندنا ايه او ما عندناش ايه احنا امورنا ماشيه ازاي او هنعمل ايه وتعالي اعمليه معانا لانه في هنا عنصر منافسه طبعا الزمايل مش بالضروره هيساعدوا بعض عشان ينافسوا بعض ده شيء طبيعي جدا شوفي الموضوع من الاتجاه ده وقف ايه تماما وابداي اتعاملي معهم على قد صباح الخير همم ايه الاخبار لو في حاجه هتقدروا تشترك فيها هتسالوا بعض بكل بساطه المحاضره امتى عندنا الامتحان ده كذا الدكتور فين هل عندكم اخبار وبس ما تزعليش منهم لو ما لو في حاجه ما قالوش عليها ما تزعليش لو في حاجه خبوها وما تتبسطيش لو هم قالوا على حاجه وطلعت حقيقيه يعني ده عادي وده عادي
تم النشر الأحد، ١٦ فبراير ٢٠٢٥
صباح الخير.. هو بعيدا عن الموقف دا الى بيدل على ان نفسيتهم مش كويسة وبيخافو ان حد ينجح ويتقدم زيهم وان هما غير أمينين معاكى ومش واخدين بالهم ان الرزق من عند الله مش بتعطيل غيررى او منافستة... عاوزك ماتخليش ترتيب الكلية كل تفكيرك - الا طبعا لو حابة تكملى اكاديمى - بس ف الحالتين ركزى ع حاجات تانية من كليتك ازاى تفكرى تحلى مشاكل تعملى صحاب بجد تطورى من شخصيتك تبدأى تكونى علاقات تشتغلى ع السوفت سكيلز تطورى من لغتك تعرفى الدنيا ماشية ازاى وتتحملى المسئولية تشتركى ف نشاطات وورش عمل وتدريبات هتنفعك فى حياتك عموما مش العملية وبس.. دى مجرد نصيحة ورأي الشخصي من واقع الحياة العملية ان ال GPA او ترتيب الدفعة مش اهم حاجة ف الكلية.. وبالنسبة لصحباتك اتعاملى معاهم فى حدود المصلحة وبس لان الاشخاص دول القرب منهم مش حلو خصوصا لما اعرف انهم مش حابين الخير ليا زاى ليهم..
تم النشر الأحد، ١٦ فبراير ٢٠٢٥
بصي احنا مش كلنا نفس الشخص والبنات اكثر حاجه بيحقدوا حاولي ما تركزيش معاهم امشي المشوار لوحدك بدونهم لو انت عايزه تتفوقي لازم تركز على هدفك بدونهم وتدوري علي نجاحك بنفسك محدش هيحبلك الخير والتفوق اكتر من نفسك والمثل بيقول العين متحبش حد احسن منها
تم النشر الأربعاء، ١٩ فبراير ٢٠٢٥
هو مين المفروض يقول الكلام دا 🧐
تم النشر الأربعاء، ١٩ فبراير ٢٠٢٥
it's war😾🥇☠️ اعملي زي ما بيعملوا واشتغلي عناد آه عناد ما تخليش حد يهز مكانك بسهوله اللي يتكلم ما يتكلم في الآخر الغيبة اللي بيعملوها دلواتي هيتحاسبوا عليها يوم القيامة مش انت
تم النشر الأحد، ١٦ فبراير ٢٠٢٥
لعرض السؤال في فدني اضغط هنا