السلام عليكم
عندي مشكلة ومحتاجة اخد رايكو فيها
انا متجوزة من 6 شهور وانا بعاني من تشنج مهبلي بيحصل علاقة بيني انا وجوزي بس من غير دخول العضو عشان التشنج اللي عندي انا حاليا بتعلاج منو بس انا لقيت افلام إباحية علي تلفون جوزي هو ومخبيها بس انا شوفتها من وراه وهو مش يعرف بس هو بيسبلي تلفونو وعارفه الباسورد
دلوقتي عايزه اتكلم معاه في الموضوع دا عشان الموضوع دا بيجيب الفقر وحرام جدا بس خايفة يتضايق، خفت اسأله مش يقولي الصراحة ومعرفش اواجه عشان مش اطلعوا كدب دلوقتي دلوقتي انا محتارة جداا مش عارفه اوجه ولا اسالو
وتاني حاجه هل التعب للي عندي يخلي يتفرج علي الافلام دي
الموضوع بقالو اسبوعين ولحد دلوقتي مش عارفه اتصرف ازاي وياريت بلاش كلام وحش وللي عندو كلمة كويسة يقول للي مش عندو يسكت واسفة علي اطالة
بصي بلاش تواجهيه وتجاهلي وحلي الموضوع من زاوية تانيه لان احتمال كبير اوى هو لجأ لكدا بسبب تعبك وانه مش بيحس بأشباع ف العلاقه ف الموضوع أثر عليه بشكل سلبي ف لجأ لكدا واحتمال بردو الحل دا هو مش مبسوط منه بس هو بيحاول يشبع الرغبه اللي جواه بطريقه مختلفه ف عشان كدا انا من رأيي انك تحاولي تقربي منه اكتر وحاولي تشغلي وقته بيكي متخليهوش يبقي لوحده حاولي تستغلي وقته دا تشوفوا فيلم مثلا سوا تسهروا سوا تتكلموا مهم جدا التواصل بينكم اتكلموا حتي ف العلاقه بحيث توصلي هو ايه مضايقه ايه بيحبه ايه مش بيحبه وخليه دايما فيه تجدد يعني حاولي تسمعيه وتتناقشي معاه باسلوب لطيف صدقيني الموضوع دا هيفرق جدا وحاولي تجددي م نفسك اكتر وحاولي تصاحبيه بحيث انه تخليه يوصل لمرحلة انه يجي بنفسه يحكيلك ايه اللي وصله انه يعمل كدا م غير م يخاف تشوفيه بصوره مش تمام وتحلوا الموضوع سوا وتقربوا من بعض اكتر ف انا من رأيي بلاش مواجهه وحاولي انتي تحتويه اكتر وتقربي منه اكتر وتستمرى ع علاجك وتجددي م نفسك وان شاء الله الموضوع يتحل وترجعوا احسن من الاول .
تم النشر السبت، ٢٦ أكتوبر ٢٠٢٤
وعليكم السَّلام ورحمةُ اللَّـهِ وبركاته ^^ شوفي هو موضوع التشنج اللي عند حضرتك ممكن يكون بيتفرج على افلام اباحيةة بسببةة بس ده طبعاً مش مُبرر للذنب تمام لان في ستات طبيعية بس ازوجهم بيتفرجو على الافلام دي وده بيكون على حسب الشخص ده هو اساسا كان كده من زمان ولا لاء ممكن تريحي دماغِك خالص من الموضوع ده ومش توجهيه خالص لان في ناس لما بينكشف سترهم قدام حد بيعملو الذنب قدامه عادي فَ مش هنوصلها للدرجةة دي تمام. بخصوص التشنج اللِّي عند حضرتك شوفي التشنج بتكون مشكلةة نفسية اكبر من كونها جسديةة وده فِ الغالب حاولي كده تبحثي جوه نفسك اي اللِّي حصل يخليكي تخافي مثلا من الإيلاج ( دخول العضو الذكري داخل المهبل) اي هيا معتقداتِك حول الموضوع ده تمام وافهمي العلاقةة الجنسيةة دي حاجةة جميلةة كده لدرجة ان ربنا وضعها داخِل إطار الزواج حفظا ليكِ وانك من حقك تتبسطي بالموضوع ده وده نش بيكون من اول مره مع الوقت هتكتشفي احاسيس جميلةة وكده وهيكون عندك خبره من تحربتك مع جوزك فاهمةة. انا ممكن اساعدك بخصوص حاجةة في قناة على يوتيوب تبع واحده اسمها رضوى جلال صدقيني هتستفيدي منها كتير وكده وربّ يبارك فيكِ وألف سلامةة عليكِي
تم النشر السبت، ٢٦ أكتوبر ٢٠٢٤
وعليكم السلام ورحمه الله وبركاته اولا شفاك الله وعافاك وباذن الله الامور تكون احسن والعلاج يكون عاجلا غير اجل باذن الله اولا هل اللي انت فيه سبب انه زوجك يعمل كده ممكن يكون هو ده الدافع اللي خلاه ضعيف قدام ان هو يروح ورا حاجه زي دي لانه عنده احتياج جنسي وللاسف ههه بالوضع الحالي مش بيحصل له اشباع. فده ممكن يكون دافع موجود اييي وقعه في الخطا ده وارد برده انه هو اصلا يكون بعيدا عن الحاله الموجوده دلوقتي عندك ان هو يكون كان متعود يعمل ده من قبل كده وايدي معلومه اكيد ما كنتيش تعرفيها ففي كل الاحوال هل اول حاجه نعملها هي المواجهه الصريحه الافضل لا ولكن خلينا نتبع الاسلوب الغير مباشر افضل كتير في النصح يعني وخصوصا في الامور اللي زي دي لانه. سواء انت تعرفي شخصيته او ما تعرفيهاش انت ما تعرفيش هو حيتعامل مع حاجه زي دي لو اتكلمت فيها بشكل صريح ازاي فخلينا نقول ان افضل شيء ممكن وانتم قاعدين مع بعض بتتفرجوا مثلا على التلفزيون عادي او بتتفرجوا على اي حاجه عادي. تقولي له. كتمهيد للموضوع يعني انه ده انا يعني عرفت ان فيه ممكن ازواج يقعدوا يتفرجوا على افلام فيها مشاهد جنسيه او يتفرجوا كمان على حاجات اباحيه انا كنت اول مره اعرف حاجه زي دي واستغربتها جدا ازاي ان هم يعملوا حاجه زي دي دي حاجه حرام وحاجه هتجيب يعني باب للشيطان جوه البيت وحاجه مش كويسه ومش عارفه ازاي يعملوا كده وابداي تنقشي معاه في الموضوع شوفي رايه ايه شوفوا وجهه نظره ايه لو بداتي تلاقي ردوده في سياق انه عادي وايه المشكله وكده فهتبداي بقى توضحي له ان لا طبعا ما ينفعش حاجه زي دي تبقى عادي لانه ده نظره الى عورات قبل اي شيء. وبعد كده بيبقى تعود على حاجه حرام ومش واذا كان ليها يعني ميزه ان هي هتخلي في شغف في العلاقه ما بين الزوجين ولكن الاثر بتاعها على البيت المسلم وجود الملايكه هيكون اثر اصعب من الجزء الاستمتاع اللي هم ممكن يعيشوه وتبداي تفهميه قد ايه انت فهمتي ان الموضوع ده سيء جدا جدا واستنكرتيه جدا وااا مجرد ما الفكره جت قدامك انت كنت مش مائزه جدا من ان شخص ممكن يبقى ربنا ميسر له الحلال ويبقى بيعمل كده. حتى لو كان في مثلا تقصير من الزوجه ممكن بقى ساعتها تساليه بشكل مباشر هو انت ممكن تعمل كده حاجه زي دي اييي في وضع مثلا الحالي او في وقت انا كنت تعبانه فيه فتلاقي نفسك رايح تتفرج على حاجه زي دي اساليه بشكل بريء وكانك ما شفتيش حاجه وما تعرفيش حاجه عن اللي بيحصل ااا هتشوفي بقى هو رده ايه ونبقى بالطريقه دي وصلنا راينا والرساله بدون ما ندخل فيها ممكن نرد افعال تبقى فيها مشكله ما بينكم لا قدرات
تم النشر الأحد، ٢٧ أكتوبر ٢٠٢٤
وعليكم السلام ورحمة الله وبركاته، عزيزتي. بدايةً، أشكرك على ثقتك بي ومشاركتك لمشكلتك. من الطبيعي أن تواجهي مشاعر مختلطة عندما تكتشفين شيئًا مثل هذا، وأفهم تمامًا شعورك بالحيرة والقلق. التواصل مع زوجك : من المهم أن تتحدثي مع زوجك بوضوح ولكن بلطف. يمكنك أن تفتحي الحديث عن مشاعرك وأفكارك دون أن تتهمي. يمكن أن تقولي شيئًا مثل: "لقد لاحظت شيئًا على هاتفك يثير قلقي وأنا أتمنى أن نتحدث عنه بصراحة." التعب الجسدي وتأثيره : معاناتك من التشنج المهبلي قد تؤثر على العلاقة الحميمة، مما قد يدفع بعض الأزواج للبحث عن بدائل مثل المواد الإباحية. ومع ذلك، فهذا ليس تبريرًا لسلوك زوجك بل يجب أن يتعامل مع مشاعره بطريقة صحية. توضيح المشاعر : يمكنك أيضًا أن تعبري عن مشاعرك تجاه مشاهدة الأفلام الإباحية وكيف تشعرين حيالها، خصوصًا في إطار علاقتكما والهواجس التي قد تؤثر على استقرارها. الصراحة والمواجهة : من المحتمل أن يتطلب الأمر بعض الوقت والهدوء لشجاعته في مواجهة مثل هذه المواضيع. كوني صادقة وأظهري مشاعرك بدون حكم مسبق. أتمنى لكما القدرة على التواصل بطريقة بناءة، وأن تجدا الحلول التي تعزز علاقتكما. إذا احتجت إلى دعم إضافي، فلا تترددي في استشارة متخصص في العلاقات. كانت رسالتك مهمة، وأنت تستحقين السعادة والدعم.
تم النشر السبت، ٢٦ أكتوبر ٢٠٢٤
لو تعرفي تنبهيه لخطورة الموضوع ده من غير ما يحس ان انت عرفتي فده يكون احسن كتير مثلا عن طريق ان انت تشغلي محاضرة مثلا دعوية عن خطورة الحاجة دي وهو موجود او تجيبها له باي طريقة غير مباشرة فده يكون احسن كتير بالنسبة لك و بالنسبة له
تم النشر السبت، ٢٦ أكتوبر ٢٠٢٤
لا ممكن الافلام دي من قبل الزواج
تم النشر الاثنين، ٢٨ أكتوبر ٢٠٢٤
للاسف الاحتمالات كتيرة والموضوع متشعب ربنا يتم شفاكي على خير وان شاء الله فترة علاجك متطولش وحاولي تبقي قريبة منه حتى لو العلاقة خارجية هتفرق معاه والحكم بتاع انه مدمن وكدة ميبانش غير لما تخفي وتبقى العلاقة بينكم طبيعية واكيد كلامي مش مبرر لحاجة ولاي تصرف غلط ربنا يصلحلكم الحال
تم النشر الأحد، ٢٧ أكتوبر ٢٠٢٤
لأ صرحي و اتكلمي معاه لأن الحجات دي هتعملو ادمان عليها بعدين ومش بعيد وانتي بعد ماتخفي هتلاقيه بيتفرج عليها لسه وهتخلي عنده خمول عن الشغل وعن الحركة عمتا وغير كده أن دا حرام
تم النشر السبت، ٢٦ أكتوبر ٢٠٢٤
لا بلاش مواجهة على العكس حاولى تقربيه من ربنا وتحاولى تروحى لدكتورة نسا تعالجى التشنج وحاولى على قدر الامكان انك تبعديه بشكل غير مباشر عن الحاجات دى واشغليه بأمور تاخده
تم النشر السبت، ٢٦ أكتوبر ٢٠٢٤
الله واعلم وحتي ولا قبل الجواز الوضع دلوقتي اتغير
تم النشر الثلاثاء، ٢٩ أكتوبر ٢٠٢٤
يارب
تم النشر الاثنين، ٢٨ أكتوبر ٢٠٢٤
لعرض السؤال في فدني اضغط هنا