خلصت جيش من شهر ويارتني ماخلصت بالرغم ان كان نفسي اخلص وكنت بعد الايام عشان اطلع لاكن طلعت الدنيا اسودت قدامي اوي اهلي وحشين اوي معايا وبعمل كل حاجه لوحدي انا انطوائي ومريض اكتئاب ومش قادر اتحمل الوحده دي نفسي اشتغل واتعالج واتجوز واكون اسره وابعد عن اهلي لانهم كانوا السبب في اللي انا عايش فيه ده وابعد ع البلد اللي عايش فيها دي لاني ماليش حد فيها وليا ذكريات فيها مش حلوه خالص..
والوقتي داخل في حاله عزله واكتئاب مش عارف اعمل اي ولا ابدأ منين
أنا آسفة لسماع ذلك. تمر الكثير من الأشخاص بمرحلة عسيرة بعد إنهاء فترة الجيش، ولكن من المهم ألا تفقد الأمل والتركيز على الخطوات التي يمكن أن تساعدك في الشفاء. الخطوة الأولى هي الحصول على العلاج النفسي. يمكنك البحث عن مركز علاج نفسي أو معالج نفسي يمكنه مساعدتك. كما يمكنك ممارسة الرياضة أو تلقين دروساً في اليوغا أو الرقص للمساعدة في تحسين حالتك النفسية. بالنسبة لخططك المستقبلية، فمن المهم تفكير بشكل واضح عما تريده في الحياة وبالنسبة لمن تريد أن تصبح. تدريب نفسك بأن تكون إيجابياً هو الخطوة المهمة لتحقيق أهدافك، وعليك البحث عن عمل يمنحك الدخل الذي تحتاجه. بالإضافة إلى ذلك، قد يساعدك انشغالك بنشاطات مختلفة مثل الانضمام إلى مجموعة أو نادي يشارك فيها أناس يشبهونك، مثل الهوايات أو الأنشطة الاجتماعية. ستساعد هذه التجارب على تقليل الحس الوحدة لديك وتجعلك تشعر بالسعادة والإيجابية في حياتك. في النهاية، أود أن أذكرك بأنك لستَ وحدك في هذا المشوار، ولا تتردد في البحث عن المساعدة والتدخل عندما تحتاج إليها.
تم النشر السبت، ٢٥ مارس ٢٠٢٣
اولا كفارة انك خلصت جيش احنا ف ايام مفترجة حاول تقرب من ربنا اكتر دي اهم حاجه بعد كده ابدء شوف موضوع الشغل لو هتشتغل ف مجالك او انك تتعلم حاجه اونلاين وتركز فيها وتتعملها وتبدء تشوف شغل المهم تبدء ف حاجه وشوف بقا لو ناوي تسافر أو تتجوز حتى لو هتتجوز بعيد عنهم مثلا جمب مكان شغلك أو انت جبت شقة بعيد عنهم المهم متقطعش معاهم دول مهما كان اهلك واكيد بيتمنولك الخير ولازم تودهم دا حقهم عليك وربنا أمرنا بكده وف النهاية ياخويا متشلش هم أكبر من همك وخد الدنيا ايزي وسيبها ع الله وربنا مش هيضعيك
تم النشر الاثنين، ٢٧ مارس ٢٠٢٣
اعمل اى حاجة من كل اللى انت بتقوله وبتفكر فيه ده متقعدش تقول عاوز وعاوز امسك حاجة واحده واشتغل عليها
تم النشر الأحد، ٢٦ مارس ٢٠٢٣
أولا مبارك عليك إنك خلصت الجيش وثانيا أسفه علي إحساسك تجاه أهلك بس إيه وصلك لكده بيعملوا معاك إيه بظبط؟ ثالثا تبدأ بانك تستغل كل لحظه فرمضان تدعي و تلح علي ربنا يهديهملك ويرزقك ويبدل حزنك فرح،، وتظبط ال cv بتاعك وواحدة واحدة تدور علي فرصنا ووظف ولينكد و تليجرام وتشوف إيه مهارات محتاج تزودها وتشتغل عليها وممكن تبدأ فوظيفه مؤقته تساعدك ماديا عشان تعرف تطور نفسك وتوصل لنفسك فيه.. حاول تخلي أهلك حافز يحركك إنك تحقق ال بتتمناه واصبر عليهم واحتسب برك ليهم عند ربنا واحكي تفاصيل مع نفسك اكتبها أو أحكيها مع حد قريب منك عشان تفرغ كل حاجه شغلاك ومزعلاك
تم النشر السبت، ٢٥ مارس ٢٠٢٣
مبروك انك خلصت الجيش ..رغم انك ممكن تكون قابلت حجات وحشه من وقت خروجك بس دي مش النهايه خالص ف عز الضلمه في نقطه نور بعيده هنساعدك تعدي وتطلع من الضلمه دي تعال نرتب هنعمل ايه واحده واحده اول حاجه ضبط الcvبتاعك وابعته لأماكن شغل وممكن تعمل اكونت ع لينك دي ان وتدور ع الوظايف المتاحه ليك وبعده مش محتاج غير انك تفتكر اي حاجه كانت بتسعد بتفرحك وتجمعها وتبدأ تنفذها ف يومك وهبعتلك الجدول الي تقدر تمشي عليه ف الموضوع ده وممكن تسجل كل مشاعرك وافكارك والمواقف الي بتحصل معاك يوم بيوم لازم تفرغها عشان تحس بأرتياح واعمل نشاط يدني لو متاح تنزل الجيم خير او انزل اتمشى كل يوم عشر دقايق وافتكر ان حياتك قيمتها حلوه جدا ممكن تكون شفت حجات وحشه بس لسه في حجات حلوه جدا انت مجربتهاش
تم النشر السبت، ٢٥ مارس ٢٠٢٣
ربنا مش هيسيبك اتمسك بيه
تم النشر السبت، ٢٥ مارس ٢٠٢٣
لعرض السؤال في فدني اضغط هنا