توضيح بسيط كده الاول انا طالبة وعمري لا يتخطي 16 سنة ومشكلتي هيه ان انا برغم اني في شله كبيرة وعندي صديقات كتير الا اني دايما بحس ان انا وحيدة رغم اني عندي صديقة مقربه ودايما معايا بس برضوا الاحساسا ده دايما ملازمني ان انا وحيدة وان غيابي مبنهم مبيفرقش ودايما بحس ان عادي انهم يستبدلوني فالموضوع ده بيأثر عليا دايما بالسلب ودايما بيخليني في حالة حزن فممكن اي مساعدة ان ازاي اخرج من الحالة دي
ايه المشكلة انهم يستبدلوكي او تستبدليهم،؟ عادي جدا دي علاقات انسانيه، يعني ممكن تنتهي ف الابتدائي او اعدادي او ثانوي او جامعه او بعد الشغل او الجواز او بعد الولاده، احنا بشر بنمر بمراحل كتير أثناء حياتنا، وكل مرحله لها أصحاب، ف حد ممكن يكمل اه عادي، طب لو مكملش؟ عادي بردو، حتى لو مكملش معاكي باختياره ممكن ميكملش غصب عنهم، زي مثلا تدخلي علمي وهما ادبي او تدخلو كليات مختلفه او حد يتجوز وينشغل. الحياه كدا، المهم نعيشها لنفسنا اولا ثم نعيشها للي بنحبهم ثانيا.
تم النشر الاثنين، ٢٠ نوفمبر ٢٠٢٣
ابحث عن صحبة صالحة والبدعاء كل شئ ينجز وارجعي لربك
تم النشر الثلاثاء، ٢١ نوفمبر ٢٠٢٣
لعرض السؤال في فدني اضغط هنا