انا وصلت لمرحله ملل زهق وصلت مرحله اني ولا حابه حد ولا فارق معايا حد اصلا اذا كان قرب ناس ليا بيحدفولي كلام سم امي الا كنت اموت نفسي عشانها بتعيرني و تزلني و تحرمني من حقي و تغصبني علي حاجات مش عاوزه تضغط عليها تعبت و بابا علطول زعيق... بهاوده عشان الامور تمشي بس انا نفسيا خلاص عاوزه اموت عاوزه انتحر او اهرب بجد انا كرهت كل حاجه حاسه ان كل شي اسود انا اصلا علطول حاسه ان مشكله حتي لو صغيره تبقا نهايه عالم و اغاني حزينه و عياط و هم اسود و علطول حزينه مع اني بسافر و باكل و بشرب و بخرج و عندي ناس كتير بتحبني بس فتره ده بذات انا كره كل شي حاسه اني كراهم كلهم حتي نفسي من قسوه كلام عيطت كتير ماما و بابا هما الا دمروني نفسيا و جسديا و انا كنت عامل موذي لنفسي انا بخاف ربنا مع اني مش بصلي غير بصدفه انا بحب الحياه بس اول ما بطحت في مشكله بفضل موت رغم اني بخاف منه و جبانه لان مع محاولاتي معرفتيش اموت من وانا صغيره و انا عايشه في بيت كله خوف و زعيق عمري ما حسيت بالامان غير مره واحده حتي ده اهلي منعوني ابقي معه
فى البداية كده.من الواضح أن المحيط العائلي اللى انتى عايشه فيه غير مستقر ومأثر عليكى نفسيا جدا وده العامل الأساسي اللى خلاكى توصلى للمرحلة دى. طب ايه اللى وصل الوضع بينكم لكده هل هما اساسا طريقتهم كده ولا مفيش تفاهم بينكم وده اللى أدى للوضع ده فى كل الأحوال . حاولى تتواصلى معاهم وتتكلمى وتحولى تقربى المسافه وتفهميهم وجهة نظرك فى اى موضوع .اكيد مع الوقت هيسمعوكى بس حاولى أى مناقشات تكون نهايتها سلبيه تبعدى عنها .أصدقائك اللى بتحبيهم ارجعى اتواصل تانى معاهم لأنهم هيساعدوكى جدا فى المرحلة دى.ااكتبى كل اللى جواكى دايما واى إنجاز تعمليه لازم تكفئ نفسك عليه .مارسى رياضه هتساعدك تتخلصى باستمرار من اى حالة اكتئاب ممكن تمرى بيها واهم حاجه الصبر .حاولى تصبرى وتتواصل معاهم باكتر من طريقة لحد ما يقدروا يفهموكى ويكون فى تقارب الأفكار.لو فى امكانيه انك تتواصلى مع متخصص أو لايف كوتش ده هيساعدك فى أمور كتير وتذكرى دايما أن ربنا معاكى فى كل خطواتك وبيساعدك. وانك قوية وهتقدرى 🌷
تم النشر السبت، ١٣ يوليو ٢٠٢٤
ربنا يهون عليكي هذه الايام اول حاجة تقرب الي الله عز وجل وتواظبي علي صلوات في اوقاتها هتفرق معاكي جدا و تسبيح كثيرا ،لو انتي يومك فاضي حاولي تشغلي وقتك العبي رياضة او روحي جيم لو انتي بتشتغلي حاولي تخرجي او تتمشي في اي مكان عشان تفصلي من شغل بالنسبة لاهل حاولي متتدخلش معاهم غي جدال وتهدري طاقتك وحطي حدود وقللي تواصل
تم النشر الاثنين، ١٥ يوليو ٢٠٢٤
حبيبتي احساس صعب جدا إنك تقفلي من اقرب الناس ليكي بس محتاجاكي تشوفي الأمور بنظره جديده ذي مثلا لما بيزعقوا فيا مش يمكن اكون انا السبب وانا بعمل حاجه تضايقهم علشان كده رد الفعل بيكون كده موضوع تكوني تعبانه ومايكشفوش مش يمكن أنا عملت تعبانه قبل كده كذا مره او أكون بهرب من واجب عليا أو مسؤليه بالمرض فوصلتهم إنهم مايعرفوش يفرقوا بين إن أنا تعبانه فعلا ولا ذي كل مره لو لومت نفسي لكن بطريقه سويه وشوفت اخطائي وحاولت اشتغل علي نفسي هنشغل عن سلبيات اللي حواليا والمشاكل اللي بمر بيها هتساعدني أكون أقوي محتاجه ابررهم جوايا وأسامحهم وأبدأ من جديد كمان ممكن يكون عندك نقص فيتامين D أو تغيرات هرمونيه مسببه أكتئاب فممكن تاخدي حاجه مضاده للاكتئاب تحت إرشاد طبيب هتلاقي الدنيا أهدي من كده حبيبتي صدقيني مافيش حد أحن عليكي من أمنا وأبونا مش بتعرف بقيمتهم إلا لما يسبونا ويرحلوا خالص فياريت نستمتع معاهم دلوقتي قبل مالحياه تفرقنا ربنا يعطيكي هدوء وراحة بال
تم النشر السبت، ١٣ يوليو ٢٠٢٤
حبيبتي، أنا حاسة بوجعك ولما تكوني في حالة يأس، الموضوع بيكون كتير صعب وبيحتاج لطريقة خاصة للتعامل معه. خليني أول شي أقولك ان حياتك ثمينة ومهما كانت المشاكل اللي بتعدي فيها، دايماً في حل ودايماً في فرصة لتغيير الوضع للأفضل. أول شي لازم تعتمدي على نفسك وتثقري إنها تقدر تعدي أي مشكلة. يمكن تكون علاقتك مع أهلك مش تمام، وده بيسببلك ضغط نفسي، لكن ممكن تبدأي ببناء قوة داخلية تفيدك في التعامل مع الضغوطات دي. التحدث مع حد موثوق: حاولي تلاقي حد تفضي له، ممكن يكون صديقة مقربة أو شخص له خبرة بالاستماع والمساعدة زي معالج نفسي. التحدث عن مشاعرك وأفكارك ممكن يكون له تأثير إيجابي كبير. مارسي رياضة أو هواية بتحبيها: الرياضة والهوايات بتساعد في تفريغ الطاقة السلبية وتغيير المزاج. خذي وقت لنفسك: جربي تهتمي بنفسك وتستمتعي بوقتك لوحدك. اعملي حاجة بتحبيها، زي القراءة، الرسم، أو الاستماع لموسيقى هادئة. تحديد أهداف بسيطة: حاولي تحددي أهداف بسيطة لليوم وكمليها. ده بيديكي إحساس بالإنجاز والرضا. تحسين العادات الصحية: التغذية الصحية والنوم الجيد لهم تأثير كبير على النفسية. جربي تهتمي بالعادات دي. البحث عن مساعدة احترافية: زي ما قلت، ممكن تلجئي لمعالج نفسي أو استشاري. مش عيب تطلبي مساعدة، العكس، ده دليل على قوتك ورغبتك في تغيير وضعك للأحسن. وأنا هنا دائمًا لو حابة تحكي أو تحتاجي نصيحة تانية. إنت مش لوحدك في ده، وربنا يرزقك القوة والسلوان.
تم النشر الجمعة، ١٢ يوليو ٢٠٢٤
اقرب الناس ليكي هما الا بيجوا عليكي و علي ساعدتك
تم النشر السبت، ١٣ يوليو ٢٠٢٤
انا مثلك وصلت لحاله مش فارق معايا حد
تم النشر السبت، ١٣ يوليو ٢٠٢٤
لعرض السؤال في فدني اضغط هنا