انا نفسيتي في الارض حرفيا
صدمات كتير وقرف كتير وبقيت مش حاسه بالدنيا حوليا
كل م بعيط بيبقي عشان حاسه اني لوحدي عشان محدش عارف اللي فيها
نفسي اعرف اتكلم بكل حريه مع حد يفهمني او يبقي اخصائي نفسي
الاخصائي النفسي هو أحد الحلول الجيدة لو مش هيلجأ للعلاج الدوائي، يعني يفضل يكون هيتعامل علي تعديل السلوك وتحسين النفسية وإيضاح الرؤية الخاصة بحضرتك، وفي الحالة التانية هو يلعب علي تبرير المواقف وتعديل أسس العلاقات ونمط الحياة الخاصة وبالتالي هينعكس علي حياتك بشكل عام وعلي النفسية والإنتاجية بشكل خاص .
تم النشر الخميس، ١٥ يونيو ٢٠٢٣
انا يشرفنى مساعدتك الصدمات والمواقف الحلوة والوحشه كلها حاجات مؤقته لما بنفضل فى الحزن على الحاجات المؤقته بنبقي بايدينا بنسجن نفسنا فى المؤقت . كل اللى محتاجينه ناخد العبره ونكمل اذا محتاجة حد يسمعك انا موجوده
تم النشر الخميس، ١٥ يونيو ٢٠٢٣
انا بردو ع طول لوحدي بس اكتشفت اني لما اكون لوحدي احسن مليون مره من ناس غداره و منافقه ممكن يكون عندك كذا صاحب و بتعتبريهم اخواتك زي ما انا كنت بعمل و هم كانوا بردو بيقولوا أن انا زي اختهم بس ده كان مجرد كلام بس . و لما احتاجتلهم ف وقت كنت تعبانه جدا فيه محدش فيهم وقف جمبي و اتعرضت لمواقف كتير اوي وحشه و هم حتي مفكروش يقولولي كلمه تشجعني و تساعدني نصيحتي ليكي ركزي كويس جدا في دايرت معارفك و صحابك لازم تختاري ناس شبهك و بيحبوكي بجد و صدقيني هتعرفي تفرقي بين الوحش و الحلو بس بيبقي في حته جواكي متعلقه ب الشخص الوحش و بتقولي يمكن يتحسن و يبقي كويس بس ده مش هيحصل صدقيني انت اللي هتتعبي اوي لما تلاقي نفسك خسرتي كل حاجه بسبب حد أنتِ مش فرقاله اصلا ملحوظه صاحب واحد كويس احسن من 100صاحب مش شبهك و مش بيتمنالك الخير
تم النشر الخميس، ١٥ يونيو ٢٠٢٣
اولا الفروض بنتظام بدون تاخير والمواظبه عليها ممكن يكون الامر صعب في الاول بس نبدا واحدة واحدة ثانيا اذكار الصباح والمساء تحفظك من اي اذي واي شر وحرفيا هاتفرق معاكي ثالثا ورد قران ولو نص صفحة في اليوم اوب لتقدر بعد كل فرض وازمي الحوقله وخلي ذكر الله ورسولة ديما علي لسان بجد بجد هاتفرق كتير ربنا يصرف عنك السوء يهديكي سبل السلام
تم النشر الخميس، ١٥ يونيو ٢٠٢٣
بصي هو انا مش كبير اعتقد بدرجه كافيه بس انا مريت بحجات يامه اوي وصلتني في مره اني كنت عاوز انتحر بس قبل كل ده اعرفي ان ليكي رب كبير وان ده امتحان منه ...... وان الله اذا احبا عبدا ابتلاه فا انتي اصبري وبس ...... ثانياااا والاهم ممكن تملي وقتك بحجات حلوه اجتهدي واشتغلي غلي نفسك اتعلمي حاجه جديده اقرأي كتب امثله { فن الامبالاه . الاب الغني والاب الفقير .....الخ }. اشتغلي علي مواهبك وخليكي عندك علم باغلب المجالات الجديده
تم النشر السبت، ١٧ يونيو ٢٠٢٣
تكلمي معايا وأنا حسمعك للآخر
تم النشر الخميس، ١٥ يونيو ٢٠٢٣
مش شرط اخصائي نفسي ممكن تكتبي رساله كانك هتبعيها لحد بس في الاخر انت بتكبيها لنفسك اكتبي كل الي انت حاسه بيه ولو مشاعر وحشه او مشاكل اكتبيها وقطعي الورقه واحرقيها الموضوع ده انا شخصيا استفد منه حسيت كان المشاكل الي كتبتها خلاص راحت وبقيت مش عايزه احكي لحد والمشاعر السعيده او المواقف كنت بكتبها واخليها معايا علشان تكون ذكره اما بحرق المشاعر السلبية والمواقف الوحشه علشان مش عايزه افتكرها عايزه انساها اعملي كده وهترتاحي وربنا معاكي ويسعدك يارب ♥️
تم النشر الخميس، ١٥ يونيو ٢٠٢٣
طبعا مش تقليل من الاخصائين النفسين بال بالعكس انتي محتاجة فعلا اخصائي بس قبل دا لازم تكوني محافظة علي شوية حاجات لو التزمتي بيهم دنيتك هاتتظبط بجانب اللاخصائي لكن لو روحتي لمليون اخصائي نفسي وانتي مش بتعملي كام حاجة دول مايكون في فايدة الحاجات دي
تم النشر الخميس، ١٥ يونيو ٢٠٢٣
لابد من تكوين صداقات لأشخاص جديده لهم مكانه محترمه واخلاق طيبه..لعلي وعسي أن تكون بدايه جديده لتغير حياتك لتكون الافضل واستعيني بهم في حل الأزمات..ولكن عليكي الاختيار الصحيح للأشخاص التي تثقي بيهم
تم النشر الخميس، ١٥ يونيو ٢٠٢٣
ربنا يهون عليكي ربنا يشفي نار قلبك و يذهب همك و يفتح عليكي من البركات قومي اتوضي و صلي و ربنا كريم و قولي كل حاجة تعباكي في السجود او لو مش قادرة قولي يارب و اسكوت يارب خلاص كل شيء انتهى في عيني و ان شاء الله هتنامي و تقومي تلاقي الحل او علامة فرج من ربنا
تم النشر الأربعاء، ١٤ يونيو ٢٠٢٣
لعرض السؤال في فدني اضغط هنا