أنت سألتها عن طريقة مذاكرتها وأجابتك في المجمل، هل فيه أي داعي تفضل تسألها على طول لحد ما السنة تخلص كل ما ييجي في ذهنك سؤال؟؟ معتقدش أن فيه حد محتاج لحاجة زي كدة. أنت محتاج تكون صريح مع نفسك - ربنا سبحانه وتعالى قال (بل الإنسان على نفسه بصيرة)
تم النشر الثلاثاء، ١٩ نوفمبر ٢٠٢٤
وعليكم السلام ورحمة الله وبركاته، أفهم تمامًا رغبتك في الحصول على النصائح والمشورة من زملائك، وبالأخص من ذوي الخبرة، حيث أن السنة الأخيرة في الثانوية العامة تمثل مرحلة حاسمة ومهمة في مسيرتك الأكاديمية. من المهم أن تواصل سعيك للحصول على المعلومات التي تساعدك في تحسين أدائك الدراسي. بالنسبة للسؤال عن الأمور الشخصية المتعلقة بالدراسة، يجب أن نكون حذرين في كيفية تعاملنا مع هذه الأمور. إذا كانت المعلومات التي تود معرفتها تتعلق بالدرجات والنتائج، فيجب عليك أن تتذكر أن هذه المعلومات تعتبر شخصية للبعض، وقد لا يشعر الجميع بالراحة في مشاركتها. ومع ذلك، يمكنك الاستفسار عن الطرق التي ساعدتهم في الدراسة أو استراتيجياتهم لتحقيق النجاح، دون الخوض في تفاصيل درجاتهم الشخصية. يمكنك الاستفادة من النصائح الأكاديمية العامة التي تعزز من قدراتك، مثل تنظيم وقتك، وضع أهداف واضحة، والبحث عن موارد تعليمية إضافية. حاول أن تبني علاقات مع زملائك من خلال القيام بأنشطة دراسية مشتركة مثل الاجتماعات الدراسية أو مجموعات المذاكرة، حيث يمكنك تبادل المعرفة والخبرات بشكل مفتوح. بالمجمل، التركيز على التعلم وتبادل المعرفة هو المفتاح. وأسأل الله أن يوفقك في دراستك وتحقيق أهدافك.
تم النشر الثلاثاء، ١٩ نوفمبر ٢٠٢٤
يبقي تكتب عاليوتيوب أفضل طرق للمذاكرة فثانوي و هتلاقي بدل الواحد مليون و كلهم طب و هندسة و شوف الطريقة اللي تعجبك و أعمل بيها
تم النشر الثلاثاء، ١٩ نوفمبر ٢٠٢٤
ممكن تشوف ولد يصديقي هيبقي أفضل ليك كتير و زي ما قولتلك نتقِ الشبهات و ده رأيي الشخصي و في الأول و الأخر ده قرارك
تم النشر الثلاثاء، ١٩ نوفمبر ٢٠٢٤
صديقي أنت سألت و استفسرت و خلاص كدة الموضوع اقفله و غير كدة مفيش حاجة اسمها لو جايبة درجة كويسة في مادة يبقي طريقة مذاكرتي ليها هتنفعك و تخليك تجيب نفس الدرجة كل واحد ليه طريقة مختلفة حتي لو السياق هو هو نفسه و الصراحة مش هفتي في الدين و اقول حلال ولا حرام بس رأيي الشخصي نتقي الشبهات و توكل علي الله و ذاكر بكل قوتك اللي تقدر عليه و متنساش أن ثانوية عامة توفيق من ربنا سبحانه و تعالي و مش مجهود والله ربنا يكرمك و يوفقك يارب العالمين
تم النشر الثلاثاء، ١٩ نوفمبر ٢٠٢٤
حضرتك هو عشان قاعد تقولي حلول ولقتتني عاملها يبقي أنا بتحجج ليه مثلا😏 هو انا مثلا مش عارف إن لو فيه طريقه تانيه هسأل وأشوف وكان زماني خلصت من زمان اوي علي العموم ربنا اعلم بالنوايا وشكرا خلاص
تم النشر الثلاثاء، ١٩ نوفمبر ٢٠٢٤
بص يصديقي أنا شايف أنك واخد قرارك مسبقا بأنك عايز تسألها لأن بقولك أكتر من حل و حل فعال بلاقيك بتجيبله عذر عامة أتقِ الشبهات و متكلمهاش محدش عارف الشيطان بيدخل منين و ربنا يكرمك بأذن الله
تم النشر الثلاثاء، ١٩ نوفمبر ٢٠٢٤
ما هو انا عملت كدا حرفيا شوفت كل فيديوهات اليوتيوب حرفيا يعني واستفدت منها بس المشكله برضوا إن في اسئله كتير جدا جاوبوا عليها بس بيقولوا كدا وخلاص ولا قالوا تتعمل ازاي ولا اي حاجه وقاعد ابعتلهم اسألهم محدش فيهم بيرد خالص في الكومنتات
تم النشر الثلاثاء، ١٩ نوفمبر ٢٠٢٤
ما هو المشكله مش عندي اصدقاء ولاد اكبر مني ومعرفش حد حتي اللي علي الفيس مش بيؤدوا عليا
تم النشر الثلاثاء، ١٩ نوفمبر ٢٠٢٤
فاهم قصدك بس مين قال إني همشي بنفس طريقتها كل واحد ليه طريقه مخصصة في المذاكره بس ميضرش لوقالتلي حاجه في طريقه مذاكرتها وممكن اشوف إن في حاجه في طريقه مذاكرتها جابت معاها اوي فممكن استخدمها فتنفع معايا فاهمبني حضرتك أنا باخد بس اللي بشوف إنه هينفع معايا مش طريقتها كلها
تم النشر الثلاثاء، ١٩ نوفمبر ٢٠٢٤
لعرض السؤال في فدني اضغط هنا