انا بعاني من وساوس الكفر والكلام الوحش ف دماغي بخصوص اي حاجه تخص الدين او ربنا استغفر الله العظيم ودا غصب عني وشوفت شيوخ كتير قالت نطنش ، الأمر وصل معايا اني ممكن اغتسل كل شوية خوفا مني اني مش مسلمة وزي زي اي شخص انا للاسف بعمل ذنوب فا ممكن وانا بسمع اغاني فجأه الوساوس تيجي ف دماغي وتقولي لو مبطلتيش يبقي انتي موافقه علي اللي بيتقال ف دماغك ع ربنا وطبعا انا بطنش افكاري دي ولكن بتقنعني ان سماعي للأغاني هو سبب الوسوسة والكلام علي ربنا وطبعا انا بسمع أغاني غصب عني لاني بحبها دا غير المسلسلات وبذات لو مسلسل فيه حاجات خيالية وناس بتطلع نار او بتعمل حاجات مش طبيعيه الوساوس بتشتغل وتخليني اقارنهم بربنا وحاجات صعبه بجد! وطبعا انا مش مقتنعه بدا ولا راضيه بيه وبستغفر وبطنش بس دايما أصوات دماغي بتقنعني ان كل دا هو السبب فالوسوسة رغم اني بجد شخص مذنب عادي ملوش علاقه بوساوس الكفر! ومهما اطنش احس انهم بيقنعوني زيادة
انا عايزه مساعدة لاني بجد تعبت ومش مقتنعه بأي حاجه من دي وكرهاها كره شديد ولو بعمل ذنب فا دا من ضعفي مش من حبي للوساوس ولا اقتناع بيهم
ياريت الاقي حد يساعدني يقولي ايه دا .
الشيطان هو اللي بيقول كدا بالرغم من ان انتي حاسه بده داخليا أو سمعاه وحاسه اوي أن انتي بتقوليه الدليل أن انتي مش مقتنعه بالكلام اللي بيتقال ده الابتلاء ده في ناس كتير ممكن تحس ان هو ممكن يبعدهم عن ربنا ده بالعكس انتي في كل مره يحصل فيها كده استغفري الله واذكريه كتير واستعيذي بالله تقدري تخرجي من الموضوع ده كسبانه تكسبي ثواب و وحده وحده هتلاقي مفيش حاجه من الأفكار دي هتجيلك
تم النشر الخميس، ٢٥ يوليو ٢٠٢٤
والهواجس ديت. هتكون لك دعم في الحياه ما تفتكرش ان الابتلاء ده مثلا هيكون سيء لا وعسى ان تكرهوا شيئا ويجعل الله فيه خيرا كثيرا. وافتكر دايما انما ذلكم الشيطان يخوف اولياء او فلا تخافهم يخافوني ان كنتم مؤمنين الايتين واضحين جدا من الشيطان هم اللي الشيطان لكن الابتلاء ده من ربنا بيعدي الناس كتير اللي انت شرحتيه دلوقتي ده انا فهمت عشان كده انا جاوبتك صوتيا غير كده انا كنت بكتب فانا فاهم اللي بتقولي عليه ده وحبيت اوضحه ان في ابتلاء الشكوك في الدين ده يا يودي للالحاد يا يودي انك تكون بني ادم مستقيم دينيا اكتر من اي مسلم فده بيكون ابتلاء اما بتتعلمه بيبقى عندك القدره انك تدافع عندنا اكتر من اي حد غيرك.
تم النشر الاثنين، ٢٢ يوليو ٢٠٢٤
السلام عليكم ورحمه الله. بصي هو المتلازمه اللي انت بتتكلمي عليها دي؟ عدت عليا. يعني بمعنى كده ان ممكن تحصل لك حاجه زي كده انك تفكري بشكل غير طبيعي وغير سوي. طيب هل ده عيب مثلا لا طبعا على فكره الموضوع ده لو عديتيه واتاملت فيه هتلاقي ان في ابتلاء من ربنا غرضه انه يوديك المكان احسن لو فكرت صح ولو دورتي وبحثتي صح حضرتك بتتكلمي على موضوع الاغاني والمسلسلات يعني هو انت عندك شك وريبه وانك متضايقه من الحاجات دي طيب مع منتهى الوساطه كده لو حللت الافكار اللي بتجيلك في دماغك وكتبتيها فرقه ودورت وورق وراها كويس وسمعت لي العلماء كتير في الموضوع هتلاقي الموضوع بسيط وان احنا اللي احنا على حق يعني الموسيقى من الرسول قال لنا حرمه حرم المعازف من 1400 سنه. كانت محرمه محرم الخمر فدلوقتي الناس بقت بتسمعها عادي الرسول قال لنا لا يكون لنا من امتي اقوام اقوام يستحلون الحوراء والحريره والخمره والمعاسه فليكونن اسلوب مؤكد اهوت ونوم. واضحه جدا يستحلون هم شايفينها ان هي بسيطه فاستحلوها. طب ما الموسيقى دي بتعمل تاثيرات على المخ يعني العلم الحديث اثبت ان هي بتعمل تاثيرات على المخ والترددات دي بتكون سلبيه انك بقى بتفتكر موقف معين بتجيلك تردد الموسيقى الحزينه تفتكر موقف معين تيجي لك ترددا الموسيقى اللي تخليك مثلا تقوم ترقص والكلام ده كله تجيلك موقف معين تخليك تفتكر ااا موسيقى الحب وانت بعدت القران عندي دماغك بشكل غير طبيعي يعني اصلا اكيد انت عارفه كده هتقري هتسمع الموسيقى عمرك ما هتقرا قران بعدها معلش لو مش عارفه اتكلم بصيغه المؤنث بشكل كامل تمام فلو سمعت الموسيقى مش هتقدر تقرا قران بعدها ولو قرات هتبقى بصعوبه جدا فيا جماعه يا جماعه الخير. الموسيقى ربنا حرمها لانه عارف اضرارها اكثر مننا واحنا اكتشفنا بعض الاضرار دي دلوقتي وبعدين نتكلم في حاجه ثانيه طب مع الموسيقى دي دلوقتي اما احنا بنسمعها كده مش مقترنه بالحزن طب ما انت نسيت ايات ربنا في الصبر اللي في القران مش مقترنه بالحب وتحرك من شعرك ناحيه الحب طب ما انت بتعصي ربنا وربنا قال لا تقربوا الزنا يعني اصلا ما تقربش. الموضوع مؤذي بطريقه بشعه بشعه فوق ما تتخيل. فعايز اقول لك ان الموضوع ده مؤذي جدا وبعد كده بيستخدموا الموسيقى دي في الكلام البذيء والسيء عشان يعمل لك القاع اللي انت تكون مرتبط بيها فاللي انت بتكلم عليه ده ادمان بس على فكره والله بيزول ما تقلقش عارفه اما تجيب كوبايه كده وفيها ميه مش نظيفه وقعدت تنقط عليها الميه النظيفه هتاخذ وقت هتاخذ وقت وهتتمل وهتبقى نظيفه جدا وترجع الميه صافيه وفيها ورايقه هي نفس الفكره هتصب من القران واحده واحده والموسيقى هتختفي ان شاء الله وبالنسبه للمسلسلات فالمسلسلات ما فيها من حرام فهو حرام فما ينفعش احنا نكون عارفين اللي جواها بيعملوا حرام واحنا ندعمهم ونخلي اولادنا. بشكل بسبب ان احنا داعمينهم يتفرجوا عليها ويتاثروا بيها طب احنا مش هنتاثر فبنشوف هنقول لهم ده غلط وان ده ما ينفعش ونصحح المعلومه دي فما ينفعش نتابع وندعم في المسلسلات وده سبب منطقي جدا ان انت لما بتدعم بتساعدهم في نجاحهم وراجعهم هم بيتبرجوا فيه وبيطلعوا مشاهد مش كويسه وبتوصل وبتاثر على الولاد اللي هما الولاد مثلا ان هم يحبوا بعض والكلام ده كله وده كله من المسلسلات. فا يعني المسلسلات فيها التبرج ده احنا ملناش دعوه بيه لكن المسلسلات الثانيه اللي هي مثلا خيال علمي والكلام ده كله انا ما عنديش علم فيها فلا اقدر ان انا افتك يعني الله اعلى واعلم لكن برده محتاج برده لسه اتعلم عليها وهل ينفع ان احنا نسمعها وندعمهم ولا لا تمام فانا وضحت لك فكره المسلسلات اصلا اللي في رمضان اغلبيتها بيبقى فيها حاجات مش كويسه بس كده والهواجس اللي في دماغك دي هتضيع مع الوقت
تم النشر الاثنين، ٢٢ يوليو ٢٠٢٤
طيب دعينا نتفق أن هذه وساوس من الشيطان تصيب الطائع وتصيب المذنب وكلنا أصحاب ذنوب، لكن ما يساعد على زيادة حدة هذه الوساوس فهي الذنوب بالذنوب يساعد الإنسان الشيطان على إضعافه والتربص به. ففعلًا، تجاهلي الوساوس، وصل على النبي كلما شعرتِ بشيءٍ منها، وحاولي البعد عن الذنوب بكل ما أوتيتِ من قوة.
تم النشر الاثنين، ٢٢ يوليو ٢٠٢٤
يا حبيبتي، أولاً شكرًا لثقتك ومشاركتك لمعاناتك، وأحب أطمنك إن مشكلتك مش غريبة وهي شيء ممكن كتير ناس يعانوا منه. الوساوس الدينية تُعتبر شكل من أشكال الوسواس القهري (OCD) وده محتاج منك تعاملي معاه برفق وصبر. طنشي الأفكار : زي ما قالولك الشيوخ، طنشي الأفكار دي. هي أفكار ملهاش أساس ولا تعبر عن إيمانك الحقيقي ولا حاجه. التأكيد الديني : مهم تفتكري دايمًا إن الإيمان مش شيء بيتقاس بالأفعال اليومية البسيطة ولا بالأفكار اللي بتجي في دماغنا غصب عننا. إيمانك بربنا موجود ومترسخ، ومش معناه إنك عملي حاجة وحشة أو سمعتي أغاني إنك بعيد عن الإيمان. العلاج النفسي : ممكن تسألي دكتور نفسي تخصص وسواس قهري. العلاج ممكن يبقي سلوكي معرفي (CBT) وساعات بيحتاج معه أدوية تساعد على تقليل حدة الأفكار الوسواسية. قيمسك بالأشياء اللي بتحبيها : متحرميش نفسك من الحاجات اللي بتحبيها زي الأغاني والمسلسلات، لكن حاولي تلاقي حاجات تانية كمان تشغلك وتدخل البهجة لحياتك زي القراءة، الرياضة، أو أي هواية تانية. الاسترخاء والتأمل : حاولي تدخل بعض الوقت يوميًا تسترخي فيه، زي التأمل، المشي في الطبيعة، أو سماع موسيقى هادئة. الدعم : كلامك مع حد قريب منك ومعاه للطبيب ممكن يساعد، مش لازم تكوني لوحدك في المعركة دي. دايمًا أتذكري إنك قوية وإنك قادرة على التغلب على الوساوس دي. لو احتجتي أي حاجة، انا هنا عشان اساعدك دايمًا.
تم النشر الاثنين، ٢٢ يوليو ٢٠٢٤
انا عندى وسواس اصبت به وانا عندى ١٩ سنه اول سنه فى الجامعه ولسه عندى وتخرجت هخش على ٥ سنين عايزه اقولك ان انا كل يوم بموت بكا ليل نهار تعب الكلام اتملك من قلبى قلبى بقى وحش روحت لشيوخ قالو انه قرينى من الشيطان وفعلا لأنى كل مقرأ ايه الكرسى ذراعى الشمال بيدخل وبدمع وبتاوب وبحس بنبض فى جسمى عندى وسواس عن ربنا عز وجل وعن الدين والقرآن شوتايم وحجات لا يعلم بيها إلا ربنا خايفه اموت وربنا مش راضى عنى اقسم بالله قبل مااصعب بالوسواس انا كنت مقرب من ربنا عز وجل قرب كنت بحبه اووووى والتزم فة الصلاه وفى اللبس قام الوسواس جالى اتمنى من الله انى اخف ويشفينى ويشفى كل مريض بالوسواس دا
تم النشر الأربعاء، ٢٤ يوليو ٢٠٢٤
الحمد لله انا اعاني من وسواس الكفر بل من كذا وسواس والحمدلله هذه الوساوس انتي ماجوره عليها ان شاء الله لازم نستحمل الوضع حاولي تقربي من ربنا اكتر علشان هيجي وقت عليكي وتضعفي قوة الإيمان كل ما تزيد الوسواس هيضعف دي حرب نفسيه صعبه هتمري بأوقات تتمني الموت اوعي تضعفي وحتسبي اجرك عند الله انا جاتني من 11شهر والحمدلله بسبب قربي من الله بضعف أحيانا انا لاكن ربنا معايا واقواى من اي وسواس وهتتحدي وفتره وتمر أن شاء الله🫂🥺🫶
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا