انا فضلت خمس سنين بحب شخص من وانا في تالته اعدادي واحنا قد بعض في السن وفضلنا نحب بعض سنين وكنا مستنيين الوقت المناسب والسن المناسب عشان يتقدملي وكان معرف اهله وانا كنت معرفه والدتي لحد ما جه في يوم وابن عمتي اتقدملي وانا رفضت لكن اهلي ضغطو عليا لحد ما وافقت واتخطبت وسيبت اللي كنت بحبه وجرحته وفضلت شهر مخطوبه لابن عمتي بس مقدرتش احبه ولا قدرت استحمل كنت بموت في اليوم الف مره واتكلمت مع والدتي بس مفيش فايده لان للاسف هو ابن عمتي والموضوع حساس وصعب ف كنت ضعيفه جدا مكنتش لاقيه حل غير اني احاول انتحر يمكن اهلي يخافو عليا والخطوبه تتفشكل وبالفعل حاولت انتحر ولحقوني وبعدها الخطوبه اتفشكلت ورجعت للي بحبه وعوضته علشان سيبته وكنت بحاول افرحه وافاجأه لدرجة اني كنت بعمله اكل وادهوله في الوقت اللي يكون جعان فيه واهله ميهتموش بيه وعدا سنه وشويه واستحملت حاجات كتير جدا معاه عشان كنت بحبه وكنت مستعده اموت عشانه وفي الاخر اكتشفت انه بيخوني وجالي انهيار عصبي وتعبت جدا وسيبته وعدا علي الموضوع ده حوالي 8 شهور ومن ساعتها محاولش انه يتأسفلي حتي وقولت خلاص عمري ما هسامحه وهعتبره ميت وبعدها قابلت زميل ليا في الكليه واعترفلي انه بيحبني وعايز يتقدم وفضلت مرتبطه بيه تلت شهور وحسيت اني مرتاحه ومعجبه بيه وجاب اهله وجم قرينا فاتحه ولبسنا دبل بس حصل تغيير كتير ومبقتش بحس اني مرتاحه بالرغم انه بيحبني جدا جدا بس هو كان ناوي يسافر برا مصر عشان يكون نفسه وللاسف مقدرش يسافر عشان الجيش وقال انه لازم يقدم في الجيش ولو خد اعفاء هيسافر واحتمال ياخد اعفاء لانه وزنه تقيل شويه ، ومبقتش مرتاحه معاه في حاجات كتير ، مبقاش بيهتم بنفسه ، خد عليا شويه ، وبسبب ظروف اننا قاعده في بلد وهو في بلد واتعرفنا علي بعض في الكليه ف احنا مبنشوفش بعض كتير ، وبيعرف اهله حاجات عننا ، وكلامه بيتغير بيعشمني بحاجات ومبيعملهاش مبشوفش من اهله حاجه ولا بيجبولي حاجه وعرفت مامتي كل الكلام ده وعرفت خطيبي انه لو دخل الجيش انا مش هتحمل افضل مخطوبه خمس سنين لانه لو دخل ف لما يطلع لسه هيكون نفسه ، واكتشفت ان اهله مش حيلتهم اي حاجه ، ف ياجماعه انا مبقتش عارفه اعمل ايه لان الناس مبترحمش ولو فشكلت تاني هشمت فيا عيلة بابا لاني كنت مخطوبه لابنهم وسيبته والناس هيتكلمو عليا ف انا مبقتش عارفه اعمل ايه وخطيبي بيحبني انا عارفه بس الحب مش كل حاجه وانا بحبه بس اتقفلت منه بسبب الكلام اللي لسه قيلاه وبقالي كام يوم مقفوله من ناحيته وغصب عني وبجد مبقتش عارفه اعمل ايه والله وتعبت من حظي ده💔
صباح الخير.... بعد ما قريت اللي كتاباه ... برضه مقدرش احكم عليكي او عليه... معرفش ظروفك وظروف بيتك ولا اعرف ظروفه.... معرفش حتى عندك كام سنة... فمقدرش اقولك تعملي ايه..... بس بتحليلي للي قريته على اد المعلومات اللي انتي عرضتيها ...... حبك الاول كان من وانتي صغيرة اوي...تالتة اعدادي... وعملتي كل حاجة وضحيتي بحاجات كتير علشانه... فخيانته دي زي ما وصفتيها تعتبر صدمة في حد ذاتها انتي لم تتعافي منها لسة.... فدخلتي علطول في خطوبة تانية ...ومن احساسي بكلامك مخك بيعمل حيل دفاعية لحمايتك ودة انك شايفة عيوبه بس ...انا مش بضغط عليكي او بلومك .... بس علشان تبدائي حياة جديدة مع حد جديد لازم لازم تكوني قفلتي القديمة خااااالص.... خلصت فعلا.... متخليش مخك يضحك عليكي ويعمل مقارنات بين الجديد والقديم ..او يقارن مشاعرك مع خطيبك الحالى ومشاعرك ايام زمان ويقولك هو ليه مش حاسين نفس الاحاسيس.... مفيش حب يكون زي الحب الاول... فلازم تتعافي منه الاول علشان تعرفي تسعدي نفسك مع خطيبك وتحكمي على الامور اللي بتمروا بيها سوا صح.... وربنا معاكي ياقلبي
تم النشر الخميس، ٢١ سبتمبر ٢٠٢٣
فشكلي الخطوبة .....متخافيش من حد دي حياتك انتي والخطبة بتبين التوافق الاجتماعي والفكري ...مفيش توافق يبقا خلاص ....مش احسن من جواز وبعدها طلاق
تم النشر الخميس، ٢١ سبتمبر ٢٠٢٣
خذي بعض الوقت لنفسك للتفكير. لا تتخذي أي قرارات سريعة بشأن علاقتك. خذي بعض الوقت لنفسك للتفكير في مشاعرك وما تريده من العلاقة. تحدثي إلى شخص تثق به. تحدثي إلى صديق أو أحد أفراد الأسرة أو مستشارة أسرية عن مشاعرك. يمكن أن يساعدك التحدث إلى شخص تثق به في فهم مشاعرك بشكل أفضل واتخاذ قرار مستنير. فيما يتعلق بمشاعرك الحالية تجاه خطيبك، يبدو أنك تشعر بالارتباك وعدم الرضا. من المهم أن تتحدثي معه عن مشاعرك. أخبريه بما تشعرين وما الذي يجعلك غير سعيدة. إذا كان يهتم بك حقًا، فسيبذل قصارى جهده لتغيير الأمور.
تم النشر الأربعاء، ٢٠ سبتمبر ٢٠٢٣
اتخطبى للى جاهز يا حبيبتى وهيعيشك مرتاحة ...لان ده المهم بالنسبالك انتى بقالك كتير بتهزرى وبتضحكى على نفسك وبتضيعى وقت
تم النشر الأربعاء، ٢٠ سبتمبر ٢٠٢٣
بصي م الاخر ده جواز يعني حاجه كبيره جدا وشخص هتسيبي اهلك وتعيشي معااه...شوفي اطباعه دي هتنفع معاكي لما تتجوزيه ولا مش هتستحملي عشان ماتجبيش عيل واتنين وتندمي... فكري كويس جداً جداً قبل ماتاخدي اكبر خطوه ف حياتك.. ولو مميزاته اكتر من عيوبه يبقى وافقي بس بردو فكري كويس اوي
تم النشر الأربعاء، ٢٠ سبتمبر ٢٠٢٣
هو الحظ ملوش دعوة اولا بأي حاجه .. ديه تجاربك وعليكي انك تتعلمي منها .. اولا هو خطيبك الان لما جه واتقدم هو مش فهمك كل حاجه من البداية؟ يعني قالك مثلا انه هيكون جاهز امتى؟ وهل انتي عايزة تفشكلي علشان فيه عيوب وانتي مش قادرة تتحمليها؟ ولا علشان انتي مش عايزة تستني كتير؟
تم النشر الأربعاء، ٢٠ سبتمبر ٢٠٢٣
جماعه انا عمري ما كان ليا حد اتكلم معاه ولا ليا صحاب مليش حد طول عمري لوحدي حتي مفيش حد ينصحني وفكرة ان احنا نقرا فاتحه ويسافر يكون نفسه وييجي يخطبني دي كانت فكرة ماما لأن اخويا عرف اننا مرتبطه وحصل مشاكل ف والدتي قالتلي الفكرة دي عشان المشاكل ف انا اتمني يرجع بيا الزمن تاني وكنت استنيت لما يكون نفسه الاول بس انا غلطانه واستعجلت وللاسف ملقتش حد ينصحني ويتكلم معايا وندمت دلوقتي
تم النشر الأربعاء، ٢٠ سبتمبر ٢٠٢٣
الاستخاره
تم النشر الأربعاء، ٢٠ سبتمبر ٢٠٢٣
لعرض السؤال في فدني اضغط هنا