أنا تعبت وزهقت من حياتي وكرهي لنفسي وللحواليا بيزيد زهقت من كل حاجة مش عايزة أعيش معنديش طاقة عشان اكمل اي حاجه بعملها مش عايزة أعيش تعبت من أهلي اللي مش بيقدروا ولا بيراعوا ولابيحسوا بيه تعبت من كلامهم اللي كل ما افتكره ببقي عايزة اموت نفسي وارتاح مش عارفة اكمل حياتي كل حاجة مقفلة ونفسيتي اللي بقت في الأرض من كتر اللي بيحصلي نفسي ارتاح من العذاب والحزن والهم اللي أنا فيه ده أنا مستهلش إن يحصلي كده مستهلش إن بدل ما ادعي لنفسي دعوه حلوه اتمني إني أموت عشان أخلص من كل اللي أنا فيه واريحهم زي ما هما بيقولوا وعايزين كده انا خلاص صبري خلص وطاقتي خلصت معتش في حاجة فارقة معايا مش عارفة اذاكر كويس واللي بذاكره بيتنسي لدرجة أني داخلة الامتحان وناسية اسم الماده اللي همتحنها وهما مش مقدرين اللي أنا فيه ولا اللي بيحصلي مش قادرين يحسوا بيه وبتعبي مش قادرين يحاسبوا علي كلامهم ولا مقدرين مشاعري ولا متخيلين حالتي بتبقي عاملة ازاي لما بيكلموني بطريقتهم ولا حتي الكلام اللي بيقولوا مش قادره استحمل اكتر من كده معنديش حل حاولت اطنش كتير واصبر واحاول أعيش حياتي زي ما هي بس والله معت قادرة استحمل اكتر من كده خلاص مش عايزة حاجة غير إني أرتاح
متفهمه احساسك بالحاجات اللى بتضغط عليكى. بس هو المشكلة مع اغلبنا فى الوضع اللى زيك كده ....حصلنا كده فى مرحلة الاعدادى او الثانوى ويمكن كملت للجامعة. بنكون بدأنا نكبر وبدأنا نوسع نظرتنا للدنيا ونشوف اننا كبرنا ولينا حقوق وفاهمينها ...لما بنلاقى نفسنا مش واخدين جزء من حقوقنا بنبدأ الثورة بقى على اهلنا لان دلوقتى مش شايفين غيرهم. طب احنا بنشوف الحقوق ...ليه مش باصيين على مسؤوليتنا. طب وليه باصين على اهلنا بس اصلا ومش باصين لربنا. حياتنا ووجدنا فيها فى الاساس عشان نعبد ربنا ..مش بنعيش ونكمل فى حاجة عشان الاهداف التانيه ولا عشان تستاهل ولا متستاهلش. طيب واحنا بنبص للميزان ونقول استاهل ولا لا ...هل شوفنا مسؤوليتنا وواجبتنا وعلينا ايه نعمله ووفينا وركزنا فيه . بسبب المرحلة العمرية دى ومرحلة النضوج دى بيحصل كل اللغبطة دى. اهدى وركزى الاول فى اللى عليكى واعذرى اهلك لو مش بيوفوا جزء من اللى عليهم بسبب قلة معرفه فقط مش عاوزين ولا قاصدين يزعلوكى.
تم النشر الاثنين، ٢٣ يناير ٢٠٢٣
طيب محتاجين نفهم كذا حاجة مع بعض .. فيه أهل ممكن يأذوا مشاعر أبنائهم من غير اصلا ما بيكونوا عارفين اللي بيعملوه ده صح ولا غلط .. اه فيه فيه اهل ممكن يكونوا بيتصرفوا بطريقة غلط ومؤذية وهما بيبقوا في نيتهم العكس وانهم كده بيعملوا الصح .. اه فيه فيه اهل بيبقوا اساسا قاصدين.. اه فيه طيب الحل ايه؟ هل الحل الكلام معاهم .. انتي بالفعل عملتي كده ومفيش نتيجة طيب هعمل ايه؟ في الحالة ديه لإما تعملي محاولة معاهم بإنك تتكلمي معاهم هو انتوا شايفني مثلا مليش لازمة ليه؟ طيب ليه بتتكلموا بالاسلوب ده؟ طيب انا مضيقاكوا في حاجة؟ طيب في حاجة انا بعملها غلط وانا مش عارفه؟ اعرفي كل التفاصيل ديه ... طيب لو عملتي كده والنتيجة هي هي. يبقى متحاوليش خلاص تعملي حاجة معاهم تاني، طيب هتعملي ايه هتعملي لنفسك تجاهلي .. انتي عاوزه تموتي نفسك على الفاضي؟ اصل تمام هتموتي نفسك طيب ها وبعدين؟ هتخسري ليه دنيا واخرة؟ يعني ولا هتبقى اتمعتي بالدنيا زي ما انتي عايزة ولا هتبقى اخدتي الجنة. طيب ليه تعملي في نفسك كده وانتي عارفه انها معصية. مفيش حل اخير غير انك تتجاهلي .. وتركزي على نفسك فقط، لان نفسك هي اللي باقية ليك في الاخر نفسك يعني شغلك يعني دراستك يعني حياااتك. الدنيا لسه فيها حاجات حلوة كتير .. ليه تحرمي نفسك منها .. اعتبري ان كل ده ليه حكمة لا يعلمها الا الله ... اكيد في حكمة من كل اللي بيحصل ده. ربما تكوني شخصية اقوى بعد كده، ربما تعرفي بعد كده ازاي تعاملي اولادك صح وتربي اشخاص اسوياء فيما بعد. كل موقف في حياتنا لو اخدناه بان الحل الوحيد هو الموت ... يااااه كان زمان مفيش حد له وجود على وش الدنيا .. كنا زمانا كلنا موتنا من زمان. اتمنى انك تكوني احسن في اقرب وقت .. ولو طبعا عايزة تروحي لمختص نفسي يساعدك على تخطي ده طبعا لا تتردي وروحي. اتمنى يكون كلامي افادك في شئ ما
تم النشر الأحد، ٢٢ يناير ٢٠٢٣
انتي محتاجه تفرغي مشاعرك دي كلها اكتبيها كل حاجه انتي حاسه بيه حتى المواقف الي بتضايقك اكتبيها لانك محتاجه تفرغي مشاعرك دي على طول وكمان طول منتي مضغوطه من تجارب ومشاعر وافكار سلبيه هتنسي مش هتقدري تركزي وهتحسي بوجع ف جسمك ويارب يكون ليكي صديقه مقربه تحكيلها ع طول عشان تحسي بالمسانده والدعم من اشخاص مقربين منك وللأسف اوقات الاهل مش بيبقوا مدركين ان تعليقاتهم وانتقداتهم لاولادهم ممكن تكون مؤذيه ..ف اتكلمي معاهم وعبري عن مشاعرك دي وكل التفاصيل الي جواكي حتى لو عارفه انهم هيواجهوها بشكل سلبي وانتي اكيد تستاهلي حياه حلوه وسعيده وانك تحققي الي نفسك فيه وخليكي متأكده ان لسه في كتير محققتيهوش ولسه هتحققيه وان الفتره دي من حياتك مجرد فاصل وهترجعي اقوى وهتقدري تبقي احسن هتلاقي طلقتك اكتر وصبرك موجود وفي امال واحلام بتحققيها بس اديلها شويه وقت وثقه ف ربنا ثم كفائتك وانجازاتك ومجهودك وانك هتبقي شخص تاني ف المستقبل شخص ناجح في مجاله وسعيده جدا على المستوى النفسي وعلاقاتك بالي حوليكي افضل بس انتي حاولي متقفيش ومتيأسيش وواجهي مشاعرك دي واي حد يقلل منك اتناقشي معاه وعرفيه ان كلامه مؤذي بس طبعا تختاري الاسلوب الي هتتكلمي بيه مع مامتك وبباكي غير اسلوب مع صحابك وتحفظي الحدود الطبيعي تكون موجوده مع الكبار في الكلام ..وان ان شاءالله هتكوني افضل
تم النشر الأحد، ٢٢ يناير ٢٠٢٣
ده اختبار من ربنا ساعات بيطول بس نقول الحمد لله ونستعين بيه وكل ما يطول ذنوب بتتمسح وبنزداد خبره ف متقلقيش خير..قربى من ربنا صدقينى حياتك هتتغير احمديه كتير اوى على كل حاجه هيكرمك اقرأى قرأن واذكار وقيمى الليل وادعى ربنا كتير ب كل اللى نفسك فيه... لو حتى محققش ومستجبش ف ده خير متقلقيش وهو هيعملك اللى فيه الخير وادعيه أنه يعملك اللى فيه الخير ديما ...صدقينى الموت مش سهل سكرات الموت صعبه اوى وحساب الآخر صعب جدا لو سمعتى فيديوهات عنها بجد هتخافى ف قربى من ربنا .اقرأى كتب اهتمى ب دراستك وعلاقتك ب ربنا واثبتى نفسك وركزى ف اللى تحت ايدك دلوقتى واشتغل عليه واتعلمى واعرفى عن كل حاجه ..الدنيا دى كلها على بعضها اختبار من ربنا احنا بنعبده سواء بالصلاه أو بالعمل أو بالصبر أو بالتعليم او اى حاجه ..ف انتى ب صبرك ده بتعبدى ربنا...محتاجه كل فتره أو ما يوم اللى تحبيه وينسبك فرغى اللى ف دماغك ف ورق ومهم اوى تعملى كده ..انجحى واسعى انك تثبتى نفسك علشان الفرحه اللى بجد بتبقى ف النجاح ف انجحى واثبتى نفسك ف مجالك وربنا هيكرمك بس قربى منه اوى علشان قربك منه هيريحك وهيغير حياتك واجتهدى واهتمى ب دراستك وبس وربنا معاكى ويوفقك يا قمر ❤️
تم النشر الأحد، ٢٢ يناير ٢٠٢٣
اتبعي الخطوات التالية التي لا تنفع مع أحد والخطوات لا أحد يملكها سوى صاحب الملك ف أخبري صاحب الملك الذي هو الله أنك عل حق واطلبي ماتحتاجيه وهو سوف يعطيكي ماتريدين هذا ليس وعدي بل هذا وعد الله فهو وعدنا أنه يجيب الدعاء
تم النشر الثلاثاء، ٢٤ يناير ٢٠٢٣
ممكن نحسبها عن طريق انك لازم تقربي لربنا و لازم تفصلي عن العالم اللي انتي فيه ده حتي لو ساعه بلص انك افتكري الحاجه اللي بتحبيها عشان توصلي للسعاده الأبديه محتاجه تحافظي ع الاربع أركان الاساسيه اللي ف حياتك اول ركن و هو الركن الديني و دا علاقتك مع ربنا تاني ركن و دا ركن البدني او الجسدي اللي هو لازم تحافظي ع صحتك حتي لو بحاجات بسيطه انك مثلا اول ما تصحي تشربي ميه عشان تنعش أعضاء جسمك ثالث ركن هو الركن العقلي و دا بقا انك لازم تدربي عقلك مثلا بالغاز او العاب زكاء او حتي كلمات متقاطعه و دا هيحل معاكي موضوع النسيان رابع ركن و هو الركن العلاقات يعني لازم تحافظي ع علاقه باصدقاء او حتي العيله و تحاول تتواصلي معاهم من وقت للتاني او حتي شريك حياتك و دا بعيد عن أي مشتت ساعه بدون موبيل معاهم ولازم تفهمي اني السعاده هيجيلك لما تتقبلي المعاناه و الألم و تقبلي سلبية الشي
تم النشر الأحد، ٢٢ يناير ٢٠٢٣
لعرض السؤال في فدني اضغط هنا