لست سعيدة بخطيبي، فالجيمع يقولون لي سوف تحبينه، ولكن أنا لا أحبه وأفكر في الانفصال؟

Question

مخطوبه بس مش فرحانه خطوبتي زي البنات هو كويس بس انا مش فرحانه بيه ولا الخطوبه ولا حتى بلبس الدبله اهلي بيقولو لسه قدام هتحبيه بس انا مخطوبه من يوم 1/1 اول السنه مش بحبه شخصيا بس بحب اسلوبه معايا زي الطيبه والحنيه عايزه افسخ بس خايفه ملقيش حد احسن خايفه القى اسؤ واتبطر اختي مخطوبه برضو بس لما بشوف خطيبه بزعل في نفسي شويه ان خطيبها زي ماانا كنت عايزه بس انا ولا عمري بصيت ليها بحقد او حسد او غيره والله يشهد الله ان انا الي كنت يقنعها بيه عشان توافق حاسه انه حمل عليا غصب عني بتكلم معاكم معنديش حد يفهمني مش عاوفه اعمل اي في البدايه انا كنت رافضها بس بابا قعد يضغط عليا لحد ما وافقت الخطوبه وكل حاجه جت في نفس الأسبوع عملنا كل حاجه عشان هو مسافر هو كان بيجي يقعد معايا كنت بقعد اسرح وبهزر معاه بس مش بعتبره كزوج بعتبره كصديق دلوقتي هو مسافر وانا مش مقتنعه بيه عايزه ارفضه بس عايزه الأول استشير حد حكيم محدش يقولي لو تفضلتم اتكلمي مع خَحد من أهلك لأنهم برضو مش عارفين وهما مرجحينه وقالو انتي كبيره وممكن ميجيش زي الي انتي عايزاه ممكن ترجحو ليا حد اسأله مثلا ع الانترنت او اي حاجه انا مش عارفه دا تبطر ولا اي؟

Accepted Answer

الفرحه الفظيعه اللى انتى بتشوفيها فى ناس كتير مش هى المقياس ان ده مناسب او لا والحب اللى انتى بتدورى عليه وفاكراه هيكون سبب تكملى او تفسخى بردوا مش اللى انتى بتشوفيه حواليكى ( الشراره والهيام اللى من اول نظره ده) الفتره بتاعت الخطوبة اصلا جميل انك شوفتى فيها انه صديق ..لان دى نقطة مهمه جدا وده معناه ان فى منطقة من الاريحيه فى الكلام انتى لسه متعرفيش يعنى ايه تشوفيه كزوج اوى او انك يعنى تحسى انك منجذبه ليه بحب . الموضوع بس ممكن يكون كله بسبب انك حسيتى انك مغصوبه فحاسه انك عاوزه تعدلى الاحساس ده وتتخلصى من الحاجة اللى انتى مغصوبه عليها ساعات الغصب ده بيبقى بس مجرد زقه عشان نشوف حاجة حلوه ...زى ما حد يتحايل عليكى تجربى اكله ويحطها فى بقك بالعافيه ..بتضايقى فى الاول ..بس لو طلعت حلوه بتقولى ياريتهم دوقونى بالعافيه من بدرى . اتعاملى معاه انه شخص بتستكشفيه وبلاش تاخدى منه موقف كده بدون داعى ..وسيبك من اهلك دلوقتى ..لان فى الاول والاخر لو حسيتى انك مش مرتاحه فانتى حقك ترفضى الزواج

Answer

مساء الفل يا قمر .. طيب انا محتاجه اوصلك وجهة نظر معينة وطبعا محتاجه منك تقوليلي انتي شايفه الموضوع ازاي؟ هو مش مطلوب في الفترة ديه انك تحبيه؟ او يبقى الموضوع زي اللي بنشوفه الايام ديه، يسهروا بالساعات على الفون، ويتكلموا وبيحبوا بعض وكل الكلام ده. ده كله اساسا مينفعش مش شرعي اساسا. مرحلة الخطوبة مطلوب فقط انك تكوني متقبلة الشخص، يعني انتي موافقة ان الشخص ده يشاركك حياتك .. ومتقبلة شخصيته، ومعجبه على الاقل بيه كشخص. لكن الحب ولع في الدرة .. لا مش وقته خالص 😂🤚🏻 ف لو هو فيه كل المواصفات اللي انتي عايزاها في زوجك .. وعلى الاقل معجبه به كشخص، وفيه قبول، ف انتي مش محتاجه اكتر من كده. اما الحب ده مش هيجي حتى كده، الحب نفسه هيجي بعد العشرة والمواقف اللي انتوا هتعدوا بيها سوا .. وانه يكون لكي زوج صالح وبيتقي الله فيكي .. هتحبيه اكيد بعد كل ده. اما ك حب مش هيجي في الوقت ده بالسهولة ديه. ممكن يكون اولها اعجاب لكن حب لا. ف محتاجه اعرف وجهة نظرك، انتي ايه اللي مضايقك بالظبط فيه؟

Answer

بصي انا حاسه بيكي اوي وفهماكي ممكن تكوني بتدوري علي فارس الاحلام زي م كنا بنسمع في الروايات والقصص وكده ودي مش حاجه وحشه بس في نفس الوقت عايزاكي تعرفي أن الشخص المناسب لما يجي كل المعايير دي هتختفي حتي ولو كان فيه صفات عكس اللي انتي كنتي بتضوري عليها اصلا ، عايزه اقولك أن الحب مش كل حاجه الاحترام اهم ، العشره اهم ، التفاهم اقوي، دي حاجات مهمه جدا في اي علاقه الحب مهم بس دول اهم ، الحاجات دي زي الشراره الأولي اللي بتولع والحب مجرد الحطب اللي بنحطه علشان النار متطفيش ، ادي نفسك فرصه كمان حاولي تتكلمي اكتر معاه ادي نفسك مثلا deadline لغايت م ينزل إجازته الجايه ولو مفيش حاجه اتغيرت أو انك لسه حاسه بنفس الشعور اتكلمي معاه هو قوليله انك حاسه بإيه علشان متظلمهوش معاكي وفي نفس الوقت انتي متتظلميش، فهميه في الاول انك متلغبطه وفيه مشاعر داخله في بعضها ومش عارفه تعملي ايه متتردديش في حاجه زي دي ، في المستقبل القريب أن شاء الله لو ربنا أراد ده هيبقي زوجك هتبقوا مع بعض في كل حاجه في وقت الزعل والفرح وقت الجد والهزار و وقت المشاكل الصغيره قبل المشاكل الكبيره فكري كويس ومتقوليش خلاص محدش فاهمني وتبيعي القضيه لا متتظلميش نفسك ابدا وواظبي علي الصلاه والدعاء لربنا بنيه أنه يبينلك الخير ليكي وصلي استخاره ادعي ربنا أنه لو مكنش خير ليكي يبعده عنك ويلهمك الصواب والطريق الصحيح ليه دايما وأنه لو خير ليكي يثبت قلبك من ناحيته وربنا مش بينسي اي عبد من عباده ، ربنا أمرنا بالدعاء ادعي ومتيأسيش بس ...🤍

لست سعيدة بخطيبي، فالجيمع يقولون لي سوف تحبينه، ولكن أنا لا أحبه وأفكر في الانفصال؟

نفسية

اجتماعية

حب

زواج

علاقات

سؤال من احد أعضاء فدني

تم النشر الاثنين، ١١ مارس ٢٠٢٤

3 إجابة

28 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك