انا دايما بفكر في حاجات كتيرة جدا و مش بقدر اوقف تفكير و بقيت بكره وجودي حوالين الناس و الكل بقي ملاحظ اني غريبة و بعزل نفسي عنهم و كمان مش بقدر اركز كويس في المذاكرة و دايما بفكر و كمان بقيت شايفة ان معنديش صحاب و هو فعلا معنديش صحاب بس عندي زملاء دراسة و بعزل نفسي عنهم برضو لأني بحس اني مزعجه و ان هم مش فاهميني و اني غريبة أطوار و كمان الدراسة كانت شيء مهم جدا بالنسبة ليا و كنت شبه مستحيل اني اروح امتحان و انا مش مذاكرة لكن دلوقت هي لسه مازالت مهمه ليا بس بقيت مش بقدر اذاكر كويس و درجاتي بدأت تقل بشكل انا ملاحظاه و أغلب وقتي ان مكنش كله عايشة في خيالي و بخترع شخصيات في خيالي و بقيت بنام كتير و لما بصحى ببقى عاوزة انام تاني حتى لو مش نعسانه و بقيت بكسل بشكل كبير في المذاكرة و لما بجبر نفسي اذاكر مش بقدر اركز كويس و المشكلة محدش فاهم و كلهم مفكرين اني بدلع بس انا مش عارفة اذا بدلع و لا لا و كمان عندي تقلبات مزاج تعتبر كبيرة يعني مثلا ابقى قاعدة بضحك و مبسوطة و بعدها بشوية يبقى معنديش طاقة و عاوزة انام و بقيت مهووسة بمظهري الخارجي و بقيت بفكر كتير في اني عاوزة انهي كل حاجه و هنا مش قصدي الموت بس بفكر دايما في اني عاوزة اختفي و انهي كل شيء و انه اي يعني لو بقيت عايشة ذي جثة هامدة بس بعد كده بفكر انه اذاي بعد كل شيء اعمل كده و ابقى بالشكل ده و ان حرام أصلا و ان لازم اسعى و اتعب بس بجد مبقيش عندي طاقة لأي حاجه و انا في سنة مهمه جدا (تالته ثانوي) بس دايما بفكر اني عاوزة اخد السنة دي راحة و بعد كده ارجع اكمل دراستي بس مش عاوزة سنة من حياتي تضيع بالشكل ده بس في نفس الوقت انا مبقتش عارفة انا مين و لا انا ايه و بعمل ايه في الحياة دي و بجد مش عارفة اعمل ايه و كل الأفكار دي يعتبر بفكر فيها كل يوم و كمان بقيت بشتاق لشخصية خيالية صنعتها من خيالي و مأثرة عليا في تركيزي و مش عارفة ابطل تفكير فيها .......آسفة اذا كلامي كتير بس ياريت لو حد فاهم اي ده يقولي ضروري جدا
انا عارفه أن اللي بتمري بيه ده غصب عنك بس مش عايزاكي تقلقي لان كلنا بنمر بفترات انعدام شغف ،نصيحتي ليكي انك تقاومي الاحساس ده ومتستسلميش للعزلة والاكتئاب ،كوني صدقات حتى لو غصب عندك والحاجه اللي مش قادره تعمليها التحدي نفسك فيها واعمليها ومع الوقت اللي كان مشكلة هيبقى حاجه عاديه جدا وربنا معاكي
تم النشر الجمعة، ٦ أكتوبر ٢٠٢٣
محدش يعرف ولا يقدر يساعدك غير نفسك عشان كده اى نصيحه او اى علاج للوضع ده هيبقى لازم من جواكى ... نفسك هى المفتاح عشان كده انا هقولك إللى انا عملته لما كنت فى حالتك ... حبيت نفسى... شوفتها بتنبسط بايه وكنت بعملهولها... كنت بحب اتمشى وانا حاطه السماعات... بحب أجواء الكلاس فى الجيم .. اشتركت فى جيم وبقيت بحضر كلاس عشان اضحك وانبسط وأخرج طاقه سلبيه جوايا... اى مصدر لأى طاقه سلبيه حوليكى ابتدى عنه لان الطاقه السلبيه بتتنقل.. وخدى بالك محدش هيشوفك غريبه اطوار الا لما انتى تغيرى نظرتك لنفسك..... ده كده قله ثقه بالنفس.... محدش هيبصلك بصورة افضل من صورة نفسك فى عنيكى.... بمعنى حبى نفسك وبصلها بصه انها فعلا حاجه كويسه صدقينى هتلاقى ده فى عيون اللى حوليكى..... ابتدى بنفسك صدقينى وعن تجربه حياتك هتتغير حرفيا
تم النشر الجمعة، ٦ أكتوبر ٢٠٢٣
هتحتاجي تقييم كويس من خلال متخصص تقدري تتابعي معايا علي الرقم 01019008608 ومشكلتك بتتحل ان شاء الله
تم النشر الخميس، ٥ أكتوبر ٢٠٢٣
حبي حاجه وعمليها انتي عايشة بلا هدف اعملي اي حاجه مفيده اتعلمي اي حاجه جديده
تم النشر الخميس، ٥ أكتوبر ٢٠٢٣
هو بصي انا بمر بنفس ده بظبط بكل تفصيله والموضوع ده بدا معايه من سانتين ف هقوليك بتجربتي مع الموضع اولن انا اي حولت اقراء، كتب عن تجديد الطاقه وكده وهقوليك انا اي نعم استريحت شويه ف بردو لقيت زي اي بردو الموضوع لسه عندي ف رحت لدكتور نفسي كتبلي دواء بيعلاج الاكتئاب وكده و حالين انا مخدش الدواء لانو بيلعب على السترونين ف الدم مش عارف كاتبو صح ولا لا بس هو ده هرمون السعاده وده الدواء الي الدكتور كتبهولي علشان يرفع الهرمون ده ف حالين انا مخدهوش ونصيحه مني ف سنك ده بلاش ادويه اكتئاب و هقوليك بردو تجربه انا اي نعم استريحت منها شويه حاولي تكتبي اي حاجه بتضايقك اكتبي الي جواكي و مع ده ابعدي عن اي سخصيه سالبيه اعرفي ناس اجبيه اعرفي صحاب اخرجي معاهوم هزر اضحكي انا جربت ده اي نعم استريحت شويه وجربي مش هتخسري حاجه بس دي فتره المراهقه كلها كده يعني متيئاسيش كلنا كده فتره وبتعدي + قربي من ربنا ودي حاجه اساسيه هترتاحي والله وزي مقولتيلك فتره و هتعدي
تم النشر الخميس، ٥ أكتوبر ٢٠٢٣
ربنا يفك كربك
تم النشر الجمعة، ٦ أكتوبر ٢٠٢٣
لعرض السؤال في فدني اضغط هنا