تمام بصي كان معايا بنوته اثناء شغل المعرض .. معرض ها يعني كل الاعمار واللغات وخلطه ايه فل .. يعني كل واحد ليه اسلوبه وده يقبل غيره يعترض وده يحب وغيره ينقض وهكذا .. المهم البنوته كانت بتمسك دايما بابلز تفرقعها فجيبها عشان تضيع التوتر وده ساعدها وفي زي الكوره الضاغطه دي.. هي الفكره انك تركزي فحاجه تلهي مخك عن التفكير فالناس وارائها وحكمها وتعيدي وتزيدي مع نفسك انه ال يحكم يحكم وال يشوف يشوف المهم انتي..فاتنفسي كويس خدي نفس علي 6 عدات واحبسيه 4 عدات وطلعيه علي 8 عدات ركزي فده هيهديكي وقتها .. ركزي فالاذكار وانك تدعي ربنا ييسرلك الصعب كله ويحبب فيكي خلقه الطيبين ويزيدك حكمه .. موضوع مره قلب ب panic بعد الشر كرري اي جمله كتير اوي ورا بعض او عدي الارقام بالعكس .. فهمتي الفكره> انك تشتتي قلقك ده وقتها ومره علي مره هتزداد ثقتك .. كمان شوفي فيديوهات عن الكاريزما وعن شخصيات الناس وطوري نفسك ازاي تقدري تفهمي ال قدامك وتتعاملي مع كل واحد بعقله لكن باسلوبك المميز بتاعك انتي .. بس كل ده مع بعض باذن الله هيضيع التوتر وصدقيني كلنا والله بنتوتر هي الطبيعه البشريه كده بتتوتر من اي حاجه جديده بس حتي عادي اننا منخبيش توترنا الدنيا مش هتتهد.. كتير جدا فانترفيو بقولها بصي انتي وترتني و too much spot عليا وهي بتعتذر لان ال hr الشاطر ال يختبرك بس بمرونه والكلام يبقي مريح فاهمه قصدي انه عادي بمنتهي الثقه لو حد وترك قوليله في اي متهدي كده واقلبي الكلام فصفك بعفويه ومرونه .. انا فضلت 5 ايام بشرح لناس كتاب غلط واتلغبطت وجات واحده انقذتني قالتلي بس ده قصه الكتاب التاني .. قولتلها الله يباركلك انك فوقتيني ويارب الناس تنسي ال قولتوهلهم راحت ضحكت وبقينا صحاب عشان حابت اني صريحه فاهمه .. خليكي عفويه ومرني نفسك واحده واحده
تم النشر الجمعة، ٢٤ فبراير ٢٠٢٣
لعرض الإجابة في فدني اضغط هنا