فاضل اقل م شهر ع الامتحنات وانا حرفيا معرفش حاجه ف المنهج ولما باجي احفظ بنسي بسرعه جدا يعني اكون ليه حافظه كلمه اجي اسمعها لنفسي انسها ونا حاليا ف تالته اعدادي ولو مجبتش مجموع اهلي هيزعلو مني جدا ف انا عايزه اي حاجه تخليني اعرف اذاكر كويس واحفظ
نصيحة بعد عمر وتفنيد، امشي بمبدأ الضرورة والحتمية .. انك لازم تذاكري .. لازم ضروري .. طالما ماشية ف طريق العلم وعمرك بيتناقص يبقى بفايدة وأكبر فايدة، لازم تتشجعي بعد كده انك تحبي التحصيل والمعرفة الافضل لطبيعة البشر .. بالنسبة لنسيان المادة والمحتوى والموضوع، ده علاجه الوحيد هو حل التمارين والتدريب على الاسئلة، مش هتحفظي الدرس أبدا ولا تجمعي نقاطه كلها إلا لما تقابلي اسئلة عليه وتحليها كذا مرة في كذا نموذج.. ده ضروري التطبيق ضروري
تم النشر الجمعة، ٢٢ ديسمبر ٢٠٢٣
اول حاجة هتفصلى نفسك تماما عن اى سوشيال ميديا او تليفزيون او اى حاجة شبيهه ( لان لازم نسيب المخ فاضى عشان نعرف نملاه واللى فيه ميروحش ) تانى حاجة هتستخدمى اكبر قدر من الحواس وانتى بتذاكرى ...( يعنى وانتى بتقرأى اقرأى بصوت مسموع ليكى واكتبى بأيدك ولو ممكن ارسمى رسمهة تعبر عن الحاجة اللى بتقرأيها او ميزيها بحركة بايدك) دى من اكتر الحاجات اللى تساعدك باذن الله نظمى وقتك كويس...وحافظى ع الصلاه فى وقتها ..وان شاء الله ربنا هيساعدك لما تحبى تاخدى وقت راحه ..اقعدى فى هدوء وريحى عينك من اى ضوء عالى عشان تقدرى تواصلى ربنا معاكى وتفرحى اهلك ان شاء الله
تم النشر الجمعة، ٢٢ ديسمبر ٢٠٢٣
لعرض السؤال في فدني اضغط هنا