السلام عليكم
انا بواجه مشكله كبيره وهي ان من اسبوع بالظبط ويومين كنت محتاج لي فلوس فلقيت بالصدفه قدامي برنامج ليه اعلان علي انستجرام فحملت البرنامج وبعد ما صورت بطاقتي وش وضهر واتصورت سيلفي ودخلت رقم محفظتي وهكذا بعتولي ٣٨٥ جنيه ودلوقتي عيزني ارجعهم ٧٠٠
انا امتعنت عن الدفع لقيت أرقام بتكلمي علي الواتس اب الأرقام دي دوليه مش مصريه وبيتكلمو بيهددو وبعتتلي اسكرين شوت فيها صور بطاقتي وصورتي واسكرين فيها جميع الأرقام الموجودة علي موبيلي وقالو لو الفلوس متحولتش دلوقتي هنفضحك وكلام مش لطيف فقلت مش دافع برضو لقيت بعدها اصدقاء ليا مبعوت ليهم صورة بطاقتي وصورتي ومكتوب جنبها كلام اخر قله الادب وحاطين رقم والدتي في الصور دي وكاتبين انها بتعمل حاجات مش كويسه عشان تصرف عليا وتسدد قروضي واني اسف جدا قواد ليها وبعتو الكلام دا لي عدد كبير من الأرقام الموجودة عندي ودلوقتي أرقام برايفت بتتصل واللهجه مش مصريه خالص وبيتكلمو بتهديد وتسدد يا هتشوف ايام سوده هخليك تتمني انك تنتحر او يحصلك حاجه تشيلك من علي وجهه الارض انتا وأهل بيتك انا الموضوع دا بجد تعبلي نفسيتي جدا ومش عارف ولا فاهم حاجه والناس دي مين واخرهم ايه
اسم التطبيق هماليا او همالايا وعلي جوجل بلاي اسمه كريدت بوكس حد يقولي اعمل ايه واتصرف ازاي لاني بجد حاسس اني ممكن اعمل حاجه في نفس بسبب اللي حصل ومنظري اللي بقي مش كويس قدام اهلي واصحابي ارجوكم ساعدوني
السلام عليكم ورحمه الله وبركاته اولا اولا. ما تعملش خالص انهم بيقولوا لك عليه لو انت بدأت تدفع فلوس فهما هيستمروا انهم يبتزوك علشان ياخذوا فلوس تقدر انك تعمل بلاغ بلاغ الكتروني ده هيفيدك اكيد كثير ان شاء الله تقدر تعمل كده بوست عندك على السوشيال ميديا وعلى الستوري اللي عندك انه يا جماعه انا في ناس عملت هاكينج على الموبايل عندي. واخذت حاجات شخصيه وارقام شخصيه بيبعتوا كلام مش مضبوط عني فيا ريت اي حد اتبعت له حاجه عني يعمل بلوك للاكونت او للرقم اللي هيبعت له الكلام ده وبس يعني دي افضل حاجه انك تعملها علشان خاطر تحمي نفسك قصاد الناس اللي حواليك كلهم ولو قدرت بقى انك تغير رقم تليفونك انت الشخصي ده هيكون افضل وتقفل المحفظه اللي عليه ده هيكون افضل علشان تنتهي من الموضوع ده ويبقى ده درس انك يعني ما تتصرفش التصرف ده مره ثانيه ومش بندخل في اي حاجه مجهوله يعني فلوس لانه ما حدش يكسبك فلوس وانت معملتش حاجة حقيقية.
تم النشر السبت، ١٥ فبراير ٢٠٢٥
وعليكم السلام ورحمة الله وبركاته. أخي الكريم، أعلم أن ما تمر به هو تجربة صعبة للغاية ومؤلمة. من المهم أن تتصرف بحذر وأن تقيم خياراتك بطريقة جيدة في هذه الظروف. التوثيق : اجمع كل الأدلة التي لديك حول التهديدات التي تتلقاها، مثل لقطات الشاشة والرسائل الصوتية وأرقام الهواتف. هذا يمكن أن يكون مفيدًا في حال قررت إبلاغ السلطات. الإبلاغ : من الضروري أن تبلغ السلطات المختصة عن هذه التهديدات، خصوصًا إذا استمرت. تهديدات مثل هذه تُعتبر جريمة، ويجب أن تأخذها على محمل الجد. يمكنك الذهاب إلى مركز الشرطة المحلي وتقديم بلاغ. حماية خصوصيتك : لأنهم حصلوا على معلوماتك الشخصية، قم بمراجعة إعدادات الخصوصية على مواقع التواصل الاجتماعي الخاصة بك واعتبر تغيير أرقام هاتفك إن لزم الأمر. الدعم النفسي : من الطبيعي أن تشعر بالخوف والقلق بسبب هذه التجربة. ابحث عن الدعم من الأصدقاء أو العائلة أو حتى متخصص نفسي إن احتجت. من المهم ألا تتعامل مع هذه المشاعر بمفردك. تجنب التعامل مع هذه الأنواع من القروض : كن حذرًا في المستقبل عند التعامل مع أي تطبيقات أو مواقع تقدم قروض، خاصة عندما تتطلب معلومات شخصية حساسة. تذكر أن هذه الأوقات صعبة، ولكن بإمكانك تجاوزها. تواصل مع الأشخاص الذين يمكنك الوثوق بهم، ولا تتردد في طلب المساعدة من محترفين إذا شعرت بالحاجة لذلك. أنت لست وحدك، وهناك من يمكنه دعمك في هذه المحنة.
تم النشر السبت، ١٥ فبراير ٢٠٢٥
هتاخد اسكرين بالمحادثات واسم البرنامج هتكلم المرفق القومي لتنظيم الاتصالات وهتكلم جهاز حمايه المستهلك وجهاز حماية المستهلك ليه برنامج هياخدو اجراء وهيحظرو البرنامج على الاقل عشان محدش يتعرض لنفس الموضوع
تم النشر الأحد، ١٦ فبراير ٢٠٢٥
بص نصيحتي ليك مينفعش تحولهم فلوس ابدا علشان ده مش حل لانهم هيستغلوك وهيطلبو اكتر واكتر وبصراحه انت غلطان من البدايه مينفعش اي برنامج تثق فيه حتي لو هيبعتلك فلوس مينفعش اي برنامج تشارك فيه صورك مينفعش كل ده لان كل البرامج دي اصلها تهكير ف اهم حاجه دلوقتي ممنوع تحولهم جنيه واحد 💔
تم النشر السبت، ١٥ فبراير ٢٠٢٥
اعمل ابلاغ في شرطة الانترنت وهما هيتصرفو معاهم
تم النشر الأربعاء، ١٩ فبراير ٢٠٢٥
اعمل بلاغ في الأرقام اللي بتجيلك
تم النشر الأربعاء، ١٩ فبراير ٢٠٢٥
أنت ماينفعش تحول ليهم الفلوس علشان كدا كل شوية هتلاقيهم بيبتزوك
تم النشر الأربعاء، ١٩ فبراير ٢٠٢٥
السلام عليكم ورحمة الله وبركاته. ممكن تكلم جهتين وتبعت اسكرينات بال
تم النشر الأحد، ١٦ فبراير ٢٠٢٥
لعرض السؤال في فدني اضغط هنا