خطيبي احنا مكتوب كتابنا يعني بيتقمص اوي بيزعل من اي حاجه زي ما يكون بيتلكك و على طول انا اللي بعدي لكي هو بيدقق في كل حاجه ولما هو يزعل مش بيبعتلي واتس او بيتصل عليا وهو مسافر ف لما يجي يكلمني انا اللي برن ومره كنت تعبانه ومرنتش هو زعل ف بعتله واتس ان انا تعبانه شافها ومردش وبقاله اسبوع مش بيكلمني وجيت امبارح بعتله واتس عاجبك اللي احنا في دا شافها ومردش هو مفكر كدا انه هيكون كدا متحكم فيا ويعمل دور سي السيد عشان هو عنده كبرياء شويه عايز الناس كلها تتكلم عنه
مش عارفه بقا اتصرف ازاي هل اتصل عليه واعاتبه بما ان انا قولتله كذا مره ان انا مش بحب الصفه دي فيه وبتزعلني لكن هو على طول كدا ولا اتجاهله خالص بس لما اتجاهه دا مخليني زهقانه ومش عارفه اذاكر لكليتي
كلامي هيبقى تقيل وجاف ولكن أنا اتضايقت من كلامك نوعًا ما. ممكن يكون هو بيتلكك وممكن تكون انتي اللي بتغلطي كتير وبتضايقيه. إحنا كرجالة مبنعملش الزعل علشان نبقى "سي السيد" وتفكيرك ده ادانا نبذة عن تصرفاتك معاه وهي المناطحة "رأس برأس". علشان يعيش لكي زوج لازم تدي للراجل مكانته، مهما أثرت فيكي حقوق المرأة ورضوى الشربيني برضو هتفضل الفطرة إن الراجل له الكلمة على الست وهيفضل هو المتحكم في بيته لأن ببساطة هو ده دوره. محدش خد دورك ولا انتي هتاخدي دور حد. لو مش هتعجبك طريقته كلميه قوليله انا بحب كذا ومبحبش كذا عجبه كملتم معجبوش اتطلقتم! الموضوع بسيط. وملحوظة: اسمعي كلام زوجك في الحلال ومتسمعيش كلامه "بأدب برضو" في الحرام، واتدلعي على زوجك بالكلام الحلو والمعسول وقتها هتاخدي عينه وقلبه!. احنا كرجالة عندنا إستعداد منتجوزش أصلاً لو كان الطرف التاني داخل يضايقنا؟! انا ليه اضايق نفسي ما انا لوحدي هبقى مرتاح!.
تم النشر الاثنين، ١٠ أبريل ٢٠٢٣
بصي هسالك سؤال ولازم تقفي عنده .. هل انتي متقبلة الشخصية ديه بكل عيوبها ومميزاتها بعدين ولا لأ؟ لان الواحد فيه الوحش والحلو، ف انتي هتقبلي العيوب اللي فيه واللي منها القمص كل شوية. ومش شايفة بصراحه من كلامك انه بيحتوى الامور، يعدي الشائع عند الرجال انهم بيمشوا المواضيع، والراجل المفروض يحتوى الامور علشان متكبرش. بس انا شايفة انه بيكبر اوي المواضيع وبتاخد حجم مش حجمها ... +مينفعش تقعدوا طول المدة ديه وانتو مش بتتكلموا مع بعض في الموضوع ده. + مينفعش انتي اللي طول الوقت بتعتذري ومن الواضح انتي عودتيه ع كده .. اللي غلطان هو اللي يعتذر مينفعش هو يبقى غلطان وانتي تروحي كمان تعتذري .. ده هيبقى طبع فيه بعد كده في الجواز. لازم تكلميه وتواجيه بكل حاجه ... وتدي لنفسك فرصة علشان تعرفي اذا كانت المواضيع ديه كلها اتحلت فعلا ولا لسه زي ما هي.
تم النشر الثلاثاء، ١١ أبريل ٢٠٢٣
القمص صفة سيئة جدا طبعا واكيد انتى لمستيها وانتوا مخطوبين وقررتى تتعايشي معاها...ممكن بقي يبقي اثرها زايد شوية دلوقتى عليكى عشان هو مسافر وانتى عندك ضغط مذاكرة. اللى بيتقمص ده بيبقي بيدلع على اللى حواليه بزيادة حبتين تلاته عشره كمان ....فاحنا برد فعلنا نظبطله النسبه ...يعنى لما يزعل نبادر احنا ونكلمه ونديله حبة دلع بتوع ...لا منقدرش على زعلك وانت مهم عندنا وهكذا....اما نلاقيه بقي متقل العيار كده ...نقوله هسيبك براحتك وابقي مختصرة معاه فى السؤال اوى ...حتى لو مردش ...ازيك..عامل ايه...يارب تكون بخير ..وبس كل ما هيحس منك ان القمصه بتاعته مخلياكى متوترة ومخلياكى مشدوده تجاهه اكتر .. هيزود فيها ...لما يلاقى الدنيا هاديه ...هيجى هو يتكلم عشان يشوف مكانته اتغيرت ولا ايه اللى بيحصل...لان هو طول ما ضامن مكانته بيتقل فى القمص ... هو مبيعملش كل ده وهو واعى ...للاسف بيبقي سلوك لا ارادى ..هو شخصيا مش فاهم غير انه زعلان ولسه مش متراضى بكفايه...بس كده ربنا يصلح حالكم يارب
تم النشر الثلاثاء، ١١ أبريل ٢٠٢٣
شوفي الطبع ده انتي لازم تفهمي انه جزء صغير بتشوفيه دلوقتي واضعاف منه لما تتجوزوا ايا كان الطبع ف هل هتقدري تتحمليه ؟ وع اساسه هتقدري انك تردي عليه او لا هو عايز تكلميه كل شويه وانتي الي تحايلي وانتي الي تصالحي غلطانه او مش غلطانه وده مش صح الطبيعي جدا انا غلطت هعتذر مغلطتش مهعتذرش مهما حصل ولا هحايل لانه مش عيل صغير بسكته واحايله واراضيه وهو بيسوء فيها عشان اتكتب كتابك ف لو زهقتي مش هتعرفي تمشي ف كأنه ضمنك واي علاقه مبنيه ع الضمان بتكون سيئه جدا لان طرف واحد بس فيها مستفيد والتاني مضغوط ع طول انتي مش مجبره انك تعتذري انك كنتي تعبانه ومكلمتيهوش بالعكس ده دوره انه يسأل لان الجواز موده ورحمه والموده والرحمه بتيجي من كده وبتكون تبادليه ومفيش حاجه اسمها عشان متكلمش اكلمه انا هو ضامن انك هتتكلمي ف حسسيه ان ده كمان مش مضمون ده رئي وربنا يكتبلك الخير
تم النشر الاثنين، ١٠ أبريل ٢٠٢٣
أهلاً بك، يبدو أن خطيبك يعاني من اضطراب في السيطرة على مشاعره وهذا يسبب لك الكثير من الإحباط. لا تقلقي، هناك حلول يمكن اتباعها. أولاً، يمكنك محاولة الحديث مع خطيبك بصراحة ومعرفة ما يزعجه وما يمكن أن تفعليه للتخفيف من مشاعره التي تتفاعل معها بشكل شديد. ثانيًا، من المهم أن تعلمي كيفية التعامل مع مثل هذه الحالة لكي لا تفقدي تركيزك ومنصبك في الحياة، وهذا ينطبق على الدراسة. حاولي أن تفصلي بين حياتك الخاصة وحلول المشاكل العاطفية التي قد تواجهينها. في النهاية، يجب أن تتذكري أنك لست وحدك في هذا، هذه الأمور تحدث للجميع، وبالتالي، يمكن أن ترى مدرب حياتي أو معالج نفسي لمساعدتك. أنا هنا للمساعدة في كل وقت.
تم النشر الاثنين، ١٠ أبريل ٢٠٢٣
لعرض السؤال في فدني اضغط هنا