السلام عليكم،
دلوقتي أنا عندي 14 سنه، من اول يوم رمضان صمته وانا بحس بارهاق غير طبيعي، بطني بيوجعني اوي، ضهري بيوجعني لدرجة اني بصلي وانا قاعده، وباجي اخر النهار في العصر واحس انه هيغمي عليا، وركبي الاتنين لانهم واجعيني قبل رمضان اصلا وباخد علاج تلات مرات في اليوم لانه معنديش كالسيوم اصلا وجسمي ضعيف جدا، وامي بتقولي افطري ومتصوميش، مش عارفه انام اعمل ايه، حاسه اني لو كملت صيام لاخر الشهر هموت
والسلام عليكم ورحمه الله وبركاته بصي يا اسماء ان احنا نفطر في رمضان ما يبقاش كده وخلاص لا يعني لو الحاله فعلا خطيره جدا جدا ودي لازم يكون مثلا الدكتور قال لك لا انت الصيام خطر على حياتك ساعتها اه ده كده هيكون سبب ان انت تفطري ووقتها هنحتاج ان احنا بدل الوقت اللي احنا بنفطره هنحتاج نعوضه في وقت ثاني بعد ما نسترد صحتنا نرجع نصوم ثاني او ان احنا هنطلع بدل كل يوم احنا بنفطره نفطر مسكين. فالموضوع مش بالبساطه دي اه جسمنا ضعيف ممكن علشان بدايه الصيام لسه جسمنا مش متعود الدواء اللي احنا محتاجينه عشان خاطر الكالسيوم عشان خاطر اي فيتامينات نقدر نظبط الاوقات بتاعته اللي هي أوقات السحور وأوقات بعد الفطار لحد ما رمضان يعدي بعد الشر عليك ان شاء الله مش هيحصل أي حاجه وحشه لكي الدرجه دي يعني بعد رمضان او في نهايه رمضان خلينا نعدي بس اول أسبوع من رمضان ولما نفطر نفطر كويس ناخذ الدواء بتاعنا في وقت السحور وفي وقت بعد الفطار والإرهاق طبيعي كده كده جسمك ضعيف اي قله أكل هتعمل معاكي كده بس صدقيني ان احنا نطلع كده لنفسنا سبب مع نفسنا ونقول لا خلاص انا مش هصوم فبلاش عشان متبقيش شلتِ ذنب روحي لدكتور وزي ما بقولك لو الدكتور قالك آه ده فيه خطر على حياتك إنك تصومي آه ساعتها هيكون معك عذر عشان بس متقفيش تتسألي قدام ربنا وعشان كمان ماما متتسألش قُدام ربنا إنها يعني نصحتك بحاجة هتشيلك ذنب.
تم النشر الثلاثاء، ٤ مارس ٢٠٢٥
السلام عليكم، أول أيام من رمضان بتكون أصلا مرهقة حتى على اللي صحتهم كويسة عشان الجسم مش متعود على الصوم وتغير النظام، وبعد كم يوم لما بيعتاد بتمر الأيام عادي ومش بيحس بنفس الإرهاق. أنتِ أصلا بقى عندك مشكلة فهتحسي بتعب أكتر لكن منقدرش نجزم إن التعب اللي انتِ فيه فعلا يتطلب إفطار إلا لما تتابعي مع طبيب ويقدر حالتكِ. يا ريت تروحي لدكتور باطنة وتعملي تحليل دم وفيتامينات عشان تتأكدي إن مفيش أنيميا شديدة أو نقص فيتامينات واهتمي بالسحور كويس وكلي حاجات تشبعك وتعطيكِ طاقة طول اليوم وكمان ترطيب. الدواء شوفي الطبيب إذا يكتب لك نوع بديل بيتاخد مرة في اليوم أو اثنين بحيث تاخديه سحور أو فطار، لو منفعش فمؤقتًا خديه في السحور والفطار. إن شاء الله يكون مجرد إرهاق على ما جسمك يتعود ومتكونش حاجة خطر. ألف سلامة يا أسماء وربنا يقويكِ.
تم النشر الأربعاء، ٥ مارس ٢٠٢٥
بتتسحري كويس طب ؟ أو بتنامى كويس ؟ واكلك مفيد ولا بتاكلى اكل مضر مثلا ؟ وكمان لازم تكشفي عشان تعرفي ايه السبب ف كل ده وربنا يشفيكى يارب
تم النشر الأربعاء، ٥ مارس ٢٠٢٥
انتى فى حاله مرض وسمح الله عز وجل الافطار فى جميع حلات المرض والسفر ويحب الله ان تفعلى مثلما يقول وان شاء الله تستردى عافيتك وتصومى الايام اللى فطرتى فيها بعد ذلك
تم النشر الأربعاء، ٥ مارس ٢٠٢٥
إحنا دينا يسر وليس عسر وربنا سبحانه وتعالى قال "يريد الله بكم اليسر ولا يريد بكم العسر "
تم النشر الثلاثاء، ٤ مارس ٢٠٢٥
روحي اكشفي وهتلاقي علاج لضعفك أو افطري وليس على المريض حرج ولكن تصدقي والله اعلم ❤️
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا