انا كل المشاكل إللي حصلتلي في حياتي كانت بسبب والدي إنه دايما وانا وصغير كاندايما يقلل مني قدام الناس و خصوصاأمام العائلة ممكن اكون احسان من إبن خالي في درجات آخر السنة ويقول قدامهم هي جات معاه كدة ودايما بحس إنه شخصيته ضعيفة جدا قدام الناس مايعرفش ياخد قرار في حياته لما ناخد رأيه فى اي حاجة أنا واخواتي كان لازم يسأل الناس كلها الأول يعمل أيه وحتى لو اتفقنا على خروجة كلنا مع بعض انا وهو وأمي وأخواتي لازم يسأل يقول لأي حد يشوفه إيه رأيك في المكان ده نروح ولا لأ ولو الانسان ده قالو لا يطلع متردد ويقول انا سألت وقالو مكان مش حلو بلاش أحسن .
انا دلوقتي عندي ٣٦ سنة ووالدي لسة عايش بس اتعقدت من العقد بتاعته والخوف والرعب من كل حاجة والدي كان دايما خايف بيخاف يقول لحد ده غلط أحسن يزعل منه مع انه هو غير كدة معانا في البيت لو ماعملتلوش اللي هو عاوزه ممكن يكسر اي حاجة في البيت وينزل فينا ضرب
بابا شخصية مهزوزة والله اعلم بحياته واللى مر عليه عشان يكون ده مقدار وعيه. كل شخص بيتحط فى ظروف ملهوش سلطة عليها ...وبيتأثر بيها ...بس اللى ليه سلطة عليه ويقدر يتحكم فيه هو نفسه والحاضر . وعيك انت مختلف ..تقدر تطلع نتيجة مختلفة عن بابا....انت اللى تقدر تخلى الحدوتة مختلفة قصة ولدين اتربوا معاب بيشرب سجاير بشراهه واحد طلع بيشرب سجاير بشراهه ...اتسأل ليه كده ...قال مش بايدى طلع لقيت والدى كده . التانى طلع بعيد عن السجاير تماما ورياضي كمان ...اتسأل ازاى بقيت كده .....قال لقيت والدى بيشرب سجاير بشراهه وشوفت اد ايه ده اثر على صحته وقررت ما امشييش نفس السكة. اعتقد انت فهمت الفرق ...سهل الواحد يسيب نفسه للمؤثرات دى وخلاص بقي بس يقدر يخليها دافع ليه عشان ميكررهاش وعشان يكون احسن.
تم النشر الأربعاء، ٨ مارس ٢٠٢٣
كويس جدا انك عندك رؤية واضحة لوالدك ... وشخصيته لكن بايدك انك متكونش زيه، انت عارف ان كل الحاجات ديه كانت غلط في والدك ف انت على الاقل عندك الوعي ده اللي عارف الصح من الغلط. ف ليه معتقد انك اتعقدت من العقد بتاعته، طيب هو اساسا ممكن ميكونش عارف ايه اللي كان فيه اساسا، او هو بيعمل كده ليه اصلا؟ بس انت عارف .. عارف ان ده سلوك غير سوي، وعارف ان كل ده غلط ومينفعش يتعمل. متخليش شخصية والدك هي اللي تتحكم في حياتك، اه لو قعدت تفكر في اللي كان بيحصل وانت صغير معاك ومع البيت كله، انت كده هتبقى في نفس الدايرة. فكر في الموضوع بشكل مختلف .. بابا مش انت ... بابا اكيد كان له شخصيته المختلفة عنك، وليه طريقته ونشأته اللي خلته يتعامل بهذا الشكل، واهم حاجة انه فضل كده يعني مكانش عنده الوعي ان اللي بيعمله ده غلط، او التصرفات ديه مكانش ينفع تتعمل مثلا! اما انت الوضع مختلف تماما .. انت عندك الوعي الكافي اللي قادر انه يخليك متبقاش زي والدك.
تم النشر الثلاثاء، ٧ مارس ٢٠٢٣
عشان تتخلص من ده نهائي مش مؤقت وترجع تاني> حلل نفسك وجاهدها للاحسن ومرن نفسك علي تبديل عادات وفكر سلبي لعادات وفكر ايجابي .. بس لازم تدي لدماغك المساحه الكافيه للتعبير عن الاسباب ال مسيطره عليه وتطردها واحده واحده . زي ما ذكرت التشتت والخوف وافتكر ان لولا وجود السلبيه فحياتنا عمرنا مكنا هنحس بحلاوه العلم والعوض والجبر والوعي والاستقرار فقول لنفسك كده ده درس اتعلم منه مبقاش زيه وكمان تفهمه وتتكلم معاه .. اهالينا علمونا مش عشان نبخل عليهم بعلمنا فيمكن تبقي سبب لتحسين طباع بباك
تم النشر الثلاثاء، ٧ مارس ٢٠٢٣
والدك طبعا كان عنده مشكله وانت بتعرف توصف الي حصل وتفسره ف انت فاهمه فاهم مشكلته فاهم طبعه والي اكيد هو مكنش في حد يساعده زمان يتخلص منه وممكن تربيته كانت كده ومكنش عنده الوعي الكافي انه اسلوبه غلط الفكره دلوقتي فيك انت انت ماشاءالله كبرت قادر توصف مكشلت والدك يعني تقدر اول متحس انه بسببها هتحصلك مشكله زيه تمنعها زي انك تاخد قراراتك من غير تردد يس وانت شايف كل الزوايا وكل عوامل الخطر ف انك متخافش ولو خفت افهم انت خايف من ايه وبسبب ايه ولو لسه المشكله قصادك ومش عارف تطلع منها والخوف بيزيد وقفه وافتكر انك هتعاني من نفس مشكلته الماضي مش بأدينا لانه حصل خلاص بس الحاضر والمستقبل ده بتاعك تقدر ترسمه بالطريقه الي نفسك فيها وعايز توصلها
تم النشر الثلاثاء، ٧ مارس ٢٠٢٣
لعرض السؤال في فدني اضغط هنا