جماعة مرات اخويا بتغير مني و مش بتحبني
و خايفه تغير اخويا من ناحيتي لان فيه مشاكل حاليا و سببها انها بتقول ماما بتعملي اكل و مش بتعملها و دايما مركزي مع كل حاجه بتجيلي او باكلها و تعامل عيلتي معايا لاني الصغيرة و بيحبوني ، مع اننا والله بنعاملها احسن معامله و اهلي مش بيفرقوا بيني و بينها زي م هي مفكرة ، حتى والدتي اللي بتعملها الاكل و مش بتنادلها غير ي سمكة و دلع اسمها دا ابسط حاجه و انا اللي بنضف البيت مخلتهاش مرة واحده تكنس الشقه او تساعدني ف ترويقها و بقولها خليكي و انا اعمل كذا ، انا بسببها داخله ف الشهر بعالج معدتي و كل م اكل حاجه ارجعها و صرفت فلوس كتير عند الدكاترة و مش بتحسن حرفيا و رايحه مطلعه علينا ان ماما بتخبي الاكل منها و بتأكلهولي انا اللي وزني 48 كيلو اصلا و مش بقدر اكل حاجه غير اكل معين علشان تعبي ، انا اللي مزعلني اني كنت مفكرة هيكون ليا اخت لما اخويا يتجوز لاني بنت وحيدة و هحكيلها اسراري و مشاكلي و هتعوضني بس الحقيقة لاقيت العكس ، يعني انا حاليا حاسه اني مش مرغوب فيا و المشاكل بسبب شويه الحب اللي باخدهم من اهلي و ان معتش من حقهم يعاملوني زي الاول و يهزروا معايا كل حاجه بقيت بحساب و مش من حقي اكل من البيت لانه بيت مرات اخويا و انا مجرد ضيفه و هي بتعاملني كدا و بتضايق لو قولت عايزة اكل كذا او اشتريت لبس جديد بردو بتضايق ، طب م دي كانت حياتي و بيتي و مبسوطين و بنحب بعض اي اللي اتغير دايما مشاكل على لا شئ و الله يجماعة م فيه تفرقه و هي موظفة و اخويا شغال و بياخدوا فلوس من بابا كمان يعني الحال ميسر و تقدر تشتري اللي نفسها فيه و محدش بيقولها لا بس مستكترة عليا حياتي 💔
يا حبيبتي، واضح إن الوضع صعب ومشاعر كتير متداخلة. أول حاجة حابة أقولك إياها إنك مش لوحدك ومش غلط إنك تشعري بالضيق والحزن من اللي بيحصل. مرات أخوكي ممكن تكون عندها مشاكل نفسية أو عدم ثقة بنفسها، وبيدفعها ده للتصرفات دي. خلينا نحاول نحل الموقف بخطوات بسيطة: التفهم والصبر : مرات أخوكي ممكن محتاجة وقت عشان تتأقلم على الوضع الجديد. جربي تتفهميها وتصبري عليها شوية. الكلام المفتوح : حاولي تتكلمي معاها بصراحة وبرفق. قولي لها إنك كنت نفسك تعتبرها أخت، وحاولي توضحي ليها إنك مش بتأخذي من حقها أي حاجة. التركيز على الإيجابيات : حاولي دايماً تبرزي الأمور الحلوة اللي بتحصل في بيتكم، وأظهري لها إنك مقدرة اللي بتعمله وتحاولي تعملي حاجة حلوة مها بينكم. تقريب والدتك وأخوكِ : ازا حسيتي ديق شديد، جربي تتكلمي مع والدتك وأخوكِ بكل هدوء وتوضحي لهم مشاعرك. هُم أكيد هيحاولوا يتفهموا ويساعدوكِ. الاهتمام بنفسك : لازم تهتمي بصحتك النفسية والجسدية. جربي تتكلمي مع مختص إذا حسيت أن الأمور بتخرج عن سيطرتك. أتمنى تكوني بخير، وافتكري إن العائلة دايماً بتعدي بمواقف صعبة، بس الحب والتفاهم هم اللي بيعدوا بيها. ❤️
تم النشر الجمعة، ٢٨ يونيو ٢٠٢٤
لعرض السؤال في فدني اضغط هنا