كنت ملتزمه بكل شيء في تعليمي وديني، ولكن الآن لا اعلم ماذا حدث لي!

Question

السلام عليكم و رحمة الله و بركاته انا طالبه في ثانوي عامه كنت في الترم الاول بصحي الفجر و اذكر اكبر قدر من اليوم حولي ١٠ الي ٩ ساعات و كانت امي فخوره بيا جداااا بس انا دلوقتي مش عارفه حتي ابص في الكتاب مش بذاكر اكتر و طبعا اكيد انتو عارفين الترم تاتي قصير بس انا للأسف بقيت بصحي كنت ديما بصحي الفجر و أصلي و اقراء قران كنت بحس يومي فيه بركاه غير طبعيه امال انا دلوقتي مش بصحي غير الظهر مبقتش مهتمه بورد القراءن و لا حتي اني اسبح انا اكتر حاجه قهرني دلوقتي مش المذكره اكتر حاجه مزعلني بجدد اني مبقتش أصلي الفجر حاضر مبقتش اقراء قران الفجر ولا اسبح تسبيح الفجر زعلانه اوووي من ده. و ديمآ بقول لنفسي طالما مبصحيش الفجر يبقا ربنا زعلان مني علشان كده مش بيخليني احضر صلاة الفجر و بدور اي هي المعاصي اللي بعملها علشان ربنا يحرمني من صلاة الفجر يومين بحلهم و غير كده مافيش خاالص توفيق في درستي نفسيتي مدمره بمعني الكلمه لما دورت في نفسي انا عملت ايه لقتني اني عملت حاجه اكييد ربنا زعلان مني بسبب كده هو اني بكلام قريب امي من بعييد بس انا وهو بتكلم كصداقه بس والله هو بيعتبرني اخته و انا بعتبره اخويه واللهي بس كل مكلمه دلوقتي بحس اني بخون ثقت ابويا فيا انا مش عارفه اعمل ايه والله نفسيتي مدمره بمعني الكلمه انا مش عايزه اسقط ابويا و امي مستنيني انجح علشان في ناس كتييييير اووي مستنيني اقع و مستنين ليا غلطه و لو بسيطه 😭 حد يساعدني و النبي

Accepted Answer

وعليكم السلام ورحمة الله وبركاته ... بصي يا شهد .. اولا فيه جملة انتي قولتيها خطيرة جدا .. الا وهي (و ديمآ بقول لنفسي طالما مبصحيش الفجر يبقا ربنا زعلان مني علشان كده مش بيخليني احضر صلاة الفجر) لا طبعا، الموضوع مش بيتحسب بالطريقة ديه، يعني لو حد دلوقت راحت عليه نومه او مش بيصحى الفجر، يبقى كده ربنا غضبان عليه ..؟ اكيد لا. ربنا هيعمل فيكي شئ معين علشان مش بيخليكي تصحي ؟ تاني شئ، هل انتي بطلتي مذاكرتك، وبعدتي عن ربنا علشان انتي حاسه بالذنب؟ لو كده يبقى راضي ربنا واعملي الصح، حتى لو مكانش فيه كلام مش كويس، هو الموضوع هنا مش بيعتمد ع كلام كويس ولا لا. هو الموضوع من اوله خطأ وانتي عارفه، يبقى انهيه. تاني شئ لا احد يستطيع ابدا انه يقول طالما انتي كده يبقى علشان كده. ديه حسابات بتاعه ربنا ملناش دخل فيها، عندك ناس بتعمل حاجات كتير غلط، ومع ذلك ممكن يكون فيه حياتهم حاجات كويسة برضه. ف حسابات ربنا غير حسابات البشر. ولكن مش معنى كده اننا نستمر في الخطأ، لانك اكيد حاسه بالذنب، واحساسك بالذنب لوحده كافي يخليكي مش عارفه تعملي اي شئ. اقفلي باب الفتنة يا شهد من دلوقتـ احسن من بعدين. تاني شئ حاولي انك متضغطيش ع نفسك في المذاكرة في الاولـ ابدئي تدرجيا وانتي شاطرة ما شاء الله وهتتفوقي زي الترم الاول واحسن. واعملي نظام مكافات لنفسك، يعني لو خلصتي حاجه ميعنه كافئ نفسك بشئ بتحبيه.

Answer

صلي قيام الليل دكتور حازم شومان قال أن اللي عنده مشاكل قيام الليل يا صحبة الخير وربنا يوفقك

Answer

بصي الموضوع عادي الفكرة أن الحياة زي نبض القلب ف عادي انك يعدي عليكي مرحلة بعدم الرضا أو الإحساس بالذنب بدون سبب واضح ده شئ عادي بس المهم انك تفتكري أن السهم لازم يرجع قبل الانطلاق ودائما وقت الرجوع أكثر من وقت الانطلاق ارجعي صلي وارجعي قربي من ربنا ولازم تفتكري أن مفيش عادة بتختفي اي عادة يتم دفنها حتى حدوث شئ لسترجاعها (إِنَّهُ لَا يَيْئَسُ مِن رَّوْحِ اللَّهِ إِلَّا الْقَوْمُ الْكَافِرُونَ) روح الله هي رحمته و فرجه اسال الله الهدايه لي ولكي .

كنت ملتزمه بكل شيء في تعليمي وديني، ولكن الآن لا اعلم ماذا حدث لي!

دينية

تعليمية

سؤال من Shahd al said

تم النشر الخميس، ٨ فبراير ٢٠٢٤

3 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك