انا بقالي فترة مش بحس بطعم الحياة حاسس ان الدوبامين اختفي من جسمي بقيت عامل زي الجماد لا بفرح ولا بحزن لو انا مثلا كسبت 1000000$ مش هحس بالسعادة لو انا في فرح او حفلة مش بحس اني مبسوط مش عارف ليه.
الموضوع دا جالي فجأه بدون سابق إنذار رغم اني كنت طبيعي جداً حتي مفيش ظروف نفسية خلتني كده انا في يوم وليلة بقيت عباره عن روبوت!!
هل في حد زيي كده او يعرف علاج المشكلة دي
الفقدان للاحساس بالسعادة ...هو نتيجة عدم وجود اهداف والتحرك تجاهها افتقاد الهدف من الحاجات اللى تفقد الحياه طعمها وتفقد الانسان احساسه بقيمته مفيش دوبامين ولا سعاده بدون سعى تجاه شىء ومحاولة الوصول نفسها يكون جواها مشاعر كتير وهى دى حتى اللى تخليك تحس بالدوبامين لما يتفرز اصلا
تم النشر السبت، ٢٦ أغسطس ٢٠٢٣
معنديش تحليل واضح ولكن جرب حضرتك تقرأ في النت عن حاجه اسمها اضطراب الانيه اقرا كويس عن اعراضه واسبابه وعلاجه يمكن يكون هو ده ال انت بتعاني منه
تم النشر الخميس، ٢٤ أغسطس ٢٠٢٣
اي شئ هو مش بيحصل فجأة .. لازم بيبقى له سبب وكمان لازم بيبقى له رواسب قديمة. هل فيه حاجه معينه انت اخفيت مشاعرك وقتها لما حصلت؟ ويومك ماشي ازاي؟ يعني هل كنت بتحس الفرح او السعادة ف حاجات معينه ودلوقت لو حصلت حاجه معينه المفروض تفرح علشانها مش بتحس ب اي حاجه؟
تم النشر الأربعاء، ٢٣ أغسطس ٢٠٢٣
راجع حالك مع ربنا في الغالب انت بعيد عنه الله عز وجل بيقول ومن اعرض عن ذكري فان له معيشة ضنكا
تم النشر الخميس، ٢٤ أغسطس ٢٠٢٣
بجد ربنا هيفرحك جربت تصلي وتقرب من ربنا بجد هتفرق اوي معاك صلى وعيط جااامد حاول والله ربنا يفرح قلبك من غير متحس كده فجأه يارب يفرح قلبك ويسعد ايامك كلها يارب العالمين
تم النشر الخميس، ٢٤ أغسطس ٢٠٢٣
ابحث عن الليلة المظلمة للروح و انت هتفهم الي بيحصلك
تم النشر السبت، ١٣ أبريل ٢٠٢٤
لعرض السؤال في فدني اضغط هنا