السلام عليكم ورحمة الله وبركاته
انا اسمي فتحي عندي 19سنه طولي 159 عاوز أغير حياتي بعمل غلطت كتير ونفسي اغير حياتي شخصيتي ضعيفة، نفسي اغير حياتي للأحسن.
و عليكم السلام و رحمه الله و بركاته استاذ فتحي حاسه بيك و مقدره مشاعرك و عدم رضاك على نفسك اعتقد ١٩ سنه يعني اولى أو ٢ جامعه يعني في الفتره الي الإنسان بيبدا يغير فيها من نفسه للاحسن بما انك في فترت الجامعه فا من الاحسن انك تهتم جدا بالكورسات لازم كورس انجلش و كورس برمجه و اكسل و ورد لأن دا شبه ضروري و هيفيدك جدا قدامك تاني حاجه اعترافك بغلطك دا شيئ كويس جدا و لو فكرت فيها فا دا ناتج من شخصيتك القويه مش الضعيفه لأن الإنسان مش بيحب يبان حتى قدام نفسه انه غلط حل الموضوع دا انك دايما تستغفر ربنا على اي غلط بتعمله و تفكر في الشيئ قبل أما تعمله مره و اتنين و تلاته يعني مثلا هعمل كذا كذا فكر قبلها انا لو عملت كدا دا هيكون صح؟ طب دا هيرضي ربنا؟ طب دا تمام؟ لو اه فا يلاا لو لا فا متسمحش لنفسك انك تكون ضحيتها بمعني متخليش نفسك تسحبك لحاجه وحشه و متخلهاش تدمرك بمعنى اصح انت الي تسيطر على نفسك مش نفسك الي تسيطر عليك اقرا كتب علم نفس لأن دا هيوعيك و هيضاعف ثقتك في نفسك و تنزل جيم تظبط جسمك و تعمل عضلات حاول بين كل وقت و التاني تشتري حاجه لنفسك حتى لو بسيطه تيشيرت مثلا نوت بوك جديده ساعه جاكت اي حاجه حتى لو بسيطه انت مش ضعيف انت قوي و بما انك خدت نية التغير فا دا معناه انك تقدر تعمل كدا وانا واثقه فيك و اخر حاجه هقولهالك حاول تختار حاجه تشتغل عليه و تكون مميز فيه مثلا دراستك اشغل و اتعب عليه لحد ما تكون مميز فيه أو مثلا الجيم تشتغل على نفسك فيه جدا لحد ما تكون انسان مميز في الشيئ دا الي هو دا فعلا بقى حد تاني اهم حاجه اختار لنفسك مكان تعمل فيه علامتك الخاصه و ربنا يوفقك و يكرمك باذن الله
تم النشر الثلاثاء، ١٤ يناير ٢٠٢٥
وعليكم السلام ورحمة الله وبركاته، فتحي. أقدر مشاعرك ورغبتك القوية في تغيير حياتك للأفضل. من الجيد أنك واعٍ لنقاط ضعفك وتبحث عن تحسين نفسك. سأقدم لك بعض النصائح التي يمكن أن تساعدك في هذا المسار: تحديد الأهداف : اتخذ خطوات واضحة ومحددة. ابدأ بتحديد ما تريد تحقيقه في حياتك. هل ترغب في تحسين جوانب معينة مثل الدراسة، أو المهارات الاجتماعية، أو الصحة البدنية؟ التعلم المستمر : ابحث عن المعرفة في المجالات التي تهمك. يمكنك قراءة الكتب، أو متابعة الدورات التعليمية، أو الانضمام إلى ورش العمل التي تنمي مهاراتك. التواصل مع الآخرين : حاول أن تحاط بأشخاص إيجابيين. قد يكون التواصل مع الأصدقاء أو الانضمام إلى مجموعات أو أنشطة اجتماعية أمرًا مفيدًا. الممارسة اليومية : قم بتمارين لتحسين ثقتك بنفسك، مثل وضع نفسك في مواقف جديدة، أو تطوير مهارات التحدث أمام الجمهور. الاحتفاظ بسجل : قم بتدوين إنجازاتك اليومية، مهما كانت صغيرة. هذا سيساعدك على رؤية تقدمك بمرور الوقت. المثابرة : لا تيأس إذا واجهتك صعوبات. التغيير يتطلب وقتًا وجهدًا، والنجاح يأتي من الاستمرارية. الدعاء والتوكل على الله : تذكر أن الإيمان والثقة بالله هما من أهم العوامل التي تعينك على تحقيق أحلامك. تذكر أن التغيير هو عملية مستمرة، وأن الأهم هو أنك بدأت بالفعل خطوة نحو التحسين. أتمنى لك التوفيق في رحلتك نحو الأفضل.
تم النشر الثلاثاء، ١٤ يناير ٢٠٢٥
ماشي ربنا يكرمك يارب وتطلع ويوفقك وييسر ليك الطريق، وانا منتظره ان شاء الله، ولو هطلع هقولك برضو 🥰
تم النشر الأربعاء، ١٥ يناير ٢٠٢٥
هبعتلك ساعتها لو سافرت
تم النشر الأربعاء، ١٥ يناير ٢٠٢٥
ومكنتش اعرف البرنامج بيتكلم عن اي اصلا
تم النشر الأربعاء، ١٥ يناير ٢٠٢٥
اه والله معرفش نهائي البرنامج كان عندي فضول احمله واهي ترتيبات ربنا لو طلعت ان شاءالله اكيد عمري مهنساكي طبعا لاني انتي سبب في اني اعرف الطريق وربنا يكرمك ويعوضك ان شاء الله بس ممكن تطلعي السنه الجايه
تم النشر الأربعاء، ١٥ يناير ٢٠٢٥
اى ده انت لسه داخل فدني انهارده! سبحان الله
تم النشر الأربعاء، ١٥ يناير ٢٠٢٥
وانا برضو عايزه تركيا من زمان، مش هتصدق الموقع بتاع الشركه قبل وبعتولي وقالولي بس انا مش عارفه هروح ازاى وانا عندي امتحانات وااجلها ولا لأ، بس لو ربنا كرمك وطلعت إبقي ادعيلي بقا معاك ماشي.
تم النشر الأربعاء، ١٥ يناير ٢٠٢٥
لا انا عايز تركيا
تم النشر الأربعاء، ١٥ يناير ٢٠٢٥
تمام انا دخلت شوفت وقدمت في الموقع بتاعه اللي بياهل الشخص انو يسافر وان شاء الله خير
تم النشر الأربعاء، ١٥ يناير ٢٠٢٥
تمام اعتقد انت كده كويس جدا، بالتوفيق ربنا يكرمك، وعلفكره في منح كتير لدول تانيه لو حبيت اعرفك، لما يبدأو
تم النشر الأربعاء، ١٥ يناير ٢٠٢٥
تمام انا سنه تانيه جامعه وكنت جايب ٧٨ في اولعه وبدرس It مجال البرمجه والكمبيوتر هخش اشوف لو عطلت هكلمك تمام
تم النشر الأربعاء، ١٥ يناير ٢٠٢٥
اكيد بص هو في كذا حد علي يوتيوب بيعلن عنها هي بتاخد في حدود سن معين، حضرتك بتدرس اي؟ كمان هي بتوفرلك سكن جامعي ومرتب لدراستك هناك، عشان تعرف اكتر، افضل حد شوفته للان هو محمد غنايم علي يوتيوب، حضرتك ادخل اعمل سيرش علي يوتيوب واكتب المنحه التركيه ٢٠٢٥ محمد غنايم، هتدخل تسمع الفيديو، وبعدين هتدخل ف الدسكربشن هتلاقي لينك ادخل عليه وسجل، وخد بالك لما تكتب معدلك وانت بتملي بياناتك لازم يكون فوق ٧٠% عشان يرضو غير كده لأ، انا بتكلم عن مجموعك ف اخر سنه دراسيه، الميزه بقا ف اللينك ده وليه محمد غنايم بالذات؟ لانه بيوصلك لشركه متخصصه ف المنح، بتدربك علي كل شيء قبل م تروح، انا الحمد لله اتقبلت بس ف الشركه، لسه متقبلتش ف المنحه عشان لسه هتدرب، هم بعتولي ع واتساب امبارح، اللي عايزه اقوله الحق سجل، قبل م الوقت يخلص. للاسف انا مش هعرف اطلع تقريبا عشان انا ثانويه عامه ومعاد امتحاناتي ف نفس ميعاد الانترڤيو، مع اني اتقبلت للاسف، بس الحمد لله، روح سجل ، ولو حاجه وقفت معاك قولي وانا هحاول اساعدك، بالتوفيق.
تم النشر الأربعاء، ١٥ يناير ٢٠٢٥
ممكن تفاصيل؟
تم النشر الأربعاء، ١٥ يناير ٢٠٢٥
ممكن تطلع منحه، انا بقدم علي منحه اليومين دول لتركيا، ممكن تطلع بما انك ف جامعه، هو انا ممكن ااجلها للسنه الجايه عشان امتحاناتي، بس هي مجانا بالكامل.
تم النشر الثلاثاء، ١٤ يناير ٢٠٢٥
لعرض السؤال في فدني اضغط هنا