السلام عليكم ورحمة الله وبركاته أنا حرفيا زعلانة ويعاني اوي في حوار الطهارة يعني أخر فترة يعني مش عارفة أي اللي بيحصل دو حاجة تتعب هشرح اللي بيحصلي الحوار بيدأمن الأول أخش الخلاء عشان اتوضي عشان متضايقش وانا بصلي وكدة فاخش الخلاء هل اعمل الخلاء وأقوم علي طول لأ بفضل قاعدةةةة عشان بحس أن لسة في بول فأفضل قاعدة قاعدة وفعلا بينزل قطرات بس أنا مكنتش كدة والحوار بقي يضايق وكمان بقعد اغتسل من البول وقت طويل ومثلا أقوم من الأغتسال وأنشف دماغي تقولي أني نسيت اغتسل ونشفت عليطول أنا بحس كدة ومش بعرف تتجاهل حرفيا أو دماغي تقولي أنه نزلت قطرات بول وانت بتنشف مش بعرف تتجاهل خالص أروح اغتسل تاني وأنشف واحس أنه نزل قطرات بول وتقريبا أغلب الوقت بيكون دة بول حقيقي فاغتسل وأنشف خلاص خلصت اخش علي الوضوء بقي أكون حاطة في دماغي أني خلاص غسلت وشي ثلاث مرات بس دماغي تقولي لا دول اتنين وساعات بشطفه تاني بس حرفيا بكون بحاول تتجاهل بس مش بقدر بقول افرضي طلع بجد وكمان أنا بعيد غسل العضو لو شكيت بالماء المستعمل اللي استعملته في غسل العضو مش بجدد المياة فهل دة يجوز وخلصت الوضوء باجي أصلي أحس أن في إفرازات بتنزل وانا بصلي وبشوف في ملابسي هل في حاجة نزلت ولا بس مش بلاقي حاجة وكمان خلال اليوم بحس كدة ونادرا لما بلاقي حاجة اصلاوالحوار دة بيضايقني ببقي حابسة نفسي أغلب الوقت وببقي عاوزة أصلي نوافل بس ببقي خايفة ينزل حاجة أو أخرج ريح وكمان أنا مرة أغتسلت بسبب تفيكري في حوار أني أحتلمت وانا مش عارفة مع أني ولا شفت معاشرة في النوم ولا شوفت إفرازات علي ملابسي بس تفكيرر تفكير تفكيررر فقررت اغتسل عشان ميكنش نزل حاجة وانا مش عارفة افتكرت اني لما اغتسل التفكير هيروح بس بعد الأغتسال كل شوية أقعد أعيد السيناريو بتاع هل أنا نويت عشان لازم النية طب أية كنت بفكر فيه أية وانا كنت داخلة بنية الأغتسال عشان لو أحتلمت وانا مش عارفة وكمان مرة كنت بصلي فجاني ريح فكتمته وأثناء الصلاة وقفت ثانية وبعدين قولت لأ أنا متأكدة أن مفيش حاجة طلعت وكملت صلاة لما خلصت صلاة دماغي كل شوية بتقولي وتعيد السيناريو وانا فاكرة أني قولت أني متأكدة أن مفيش حاجة طلعت وكتمتها وأني لو كنت حسيت اصلا انها طلعت لثانية كنت هقطع الصلاة وتعيد وتعيد ويحاول تجاهل في الحتة دي وكمان شعور الإفرازات دةة خلال اليوم والصلاة واصلا مفيش حاجة بتنزل علي ملابسي ف بكل بساطة أعمل أية عشان مش عارفة تتجاهل ونفسي أرجع زي زمان بس أنا فعلا بحس بالحاجات دي أن في قطرات بول بتنزل وفعلا بينزل وهكذا أنا مش عارفة كنت بعمل أية في قطرات البول دي لما مكنتش كدة بس حل لأني بحس انها حقيقة وأنه ماذا لو فعلا هل كدة صلاتي باطلة وهكذا يارب يعافيني من الوساوس أو مش عارفة أيدة بس أسأل الله العفو والعافية
سلام عليكم هو طبعا دي درجه من. السويس فاحنا محتاجين نتعامل معاها نتعامل معاها بقى ازاي بان احنا يعني نحاول بقدر الامكان نحط كل الاحتياطات الخاصه بالموضوع ده علشان. يعني ما يبقاش واضح فاذا كان الموضوع خاص بقطرات البول فاحنا هنيجي بعد ما. نخلص اغتسال نغطي مكان اللي بينزل منه الجول بقطنه كويس وحتى لو اضطرينا ان احنا يعني نقفله ببلاستر مفيش مشكله خالص علشان نتاكد ان احنا منعنا اي حاجه تنزل خالص اوكي ونروح نصلي وتمام جدا ونخلي بالنا بقى ان هيجي لي فكره من جوايا ان انا اضغط علشان انزل حاجه عشان اصل لو في قطره يعني تنزل فانا عايزه اتاكد ان مفيش اصلا انا طول الوقت جسمي ااا شغال طول الوقت جسمي بيعمل تصفيه للسموم اللي في الدم وبيملى المثانه فشيء طبيعي جدا ان هيكون جواها قطرات يعني مفيش وقت مش هيبقى في جوه المساله قدرات وهتبقى فاضيه يعني ده مش حقيقي احنا بنروح نستخدم همم الحمام. لما تكون المثانه وصلت لدرجه امتلاء فانا محتاجه تفضح عشان ترجع تملا ثاني قطرات قطرات قطرات فكده هنا انا شغال على حاجه هي منطقيه وبضايع نفسي يعني على الفورت فانا يعني بالحكمه كده وبالعقل وبالفهم نضاد برده الموضوع خلاص نجرب نعمل ده عشان نقفل الموضوع ونروح نصلي وبعد ما نصلي نشيل نشيل القطنه وهكذا نعمل كده لحد ما هنبقى متاكدين ان احنا لما بنيجي نشيل القطنه بنلاقيها نظيفه وما فيش اي حاجه واحده واحده ممكن الوسواس لو ما انتهاش وفضل نفس الموضوع برده متكرر فيعني انا انصحك ان يعني انصحك انك تتابعي مع مع طبيب نفسي علشان تعالجي مساله الاتراس قبل ما تكون اكبر من كده.
تم النشر الخميس، ٢٥ يوليو ٢٠٢٤
السلام عليكم يا رب تكوني بخير الوسواس هو عباره عن فكره ملحه بتلح عليك قوي قوي قوي وما بتحسيش بالراحه غير لما تعملي يعني اغلبها بتبقى معاها افعال قهريه اللي هي بتجبرك انك تغسلي ايديك كويس بتجبرك انك تفضلي يعني تستخدمي المرهض او التويليت فتره طويله فكل ده لما انت بتعملي لما انت فعلا بتعملي الافعال القهريه دي خلاص الفكره هتروح تجيلك ثاني وثالث ورابع طب هي ليه الفكره بتجيلك بتجيلك علشان احنا عندنا دوائر كده. في في دوائر كده بتبقى للحاجات اللي ليها لازمه وفي دوائر كده الافعال اللي هي ملهاش لازمه انت عكستي بقى اخذتي اللي هي الحاجات اللي ما لهاش لازمه دي ورحتي حطاها في الوعي اللي هو يعني اعملها. هنا العلاج ما بيبقاش تجاهل الفكره انك انت لما تتجاهلي الفكره هتهاجمك اكثر وهتزيد عليك اكثر الحل الامثل في الموضوع ده كانك بتتفرجي على شاشه التلفزيون. يعني انت لما تيجي تتفرجي على نشره الاخباريه بتلاقي تحت كده شريط كده نشط بيعدي انت نفس الكلام كانك شايفه المنشيه تحت واقرا الفكره اللي هو ايه انت لو قمتي دلوقتي من على التواليت انت كده مش هتبقي طاهره انت لازم تقعدي فتره اطول لا عادي استخدمي المرهض وسيبيه وقومي. هتيجي تغسلي ايدك انت غسلتيها ثلاثه مش غسلتيها اثنين عادي انت كانك بتسمعي موسيقى بتسمعي حد بيوجه لك رساله يعني ما تاخديش اي رد فعل يعني انت بتسمعيها او بتشوفيها وخلاص سيبيها تنر لو انت كنت شايفه انت غسلتي ثلاثه يلا خشي على ايدك ما تديش اهميه. لو انت بتشوفيها بس جربيها هو ده اللي بيجيب نتيجه حتى لو في الاول ممكن بالتدريج ما تعمليش كده في الاول يعني ممكن انت في الاول تقولي انا هستخدمه مثلا هعمل ايديا بعد بعد 10 دقائق مثلا. مع الوقت هتلاقي مثلا بعد ربع ساعه بعد نص ساعه مره ثانيه هتلاقي نفسك قعدت ساعه ومع الوقت هتلاقي نفسك خلاص الموضوع راح الفكره اصلا تلاشت وانتهت يعني جربي وان شاء الله خير.
تم النشر الأربعاء، ٢٤ يوليو ٢٠٢٤
وعليكم السلام ورحمة الله وبركاته. حبيبتي، واضح انك بتمري بفترة صعبة مع الوساوس والشعور بعدم الطهارة. الوساوس الدينية حاجة كتير من الناس بيمروا بيها مش بس انتي. خليني أحاول أساعدك ببعض النصائح. أولا، فهمي إن الوساوس دي ليها علاج وإنك مش لوحدك في ده. في ناس كتير مرت بنفس اللي انتي بتمري بيه وعدت الفترة دي. التجاهل وعدم الاستجابة : حاولي تجاهل الأفكار اللي بتجيلك بخصوص الطهارة. خلي عندك قناعة إنك حتى لو حسيت إن في حاجة نزلت، طالما مش متأكدة 100%، يبقى ما تعيديش الوضوء أو الاغتسال. قراءة القرآن والدعاء : خلي وقت يومي لقراءة القرآن والدعاء. ده بيساعد على تهدئة النفس ويريحك نفسيا. البحث عن دعم نفسي : حاولي تتكلمي مع حد متخصص في الصحة النفسية. هما يقدروا يساعدوك بطرق علمية للتعامل مع الوساوس والأفكار المزعجة. تحديد وقت معين للوضوء والصلاة : حاولي تحددي وقت معين ومتشتتيش نفسك. كل ما تجيلي فكرة وسواسية، قولي “أستغفر الله” وكلمي نفسك إنك متأكدة من طهارتك. قراءة كتب الفقه البسيطة : فيه كتب بتوضح الأمور دي بشكل مبسط وده هيساعدك على فهم الأحكام الدينية بشكل أهدى. تجنب إعادة الأفعال : لما تعملي حاجة مرة، اعتبريها كفاية وما تعيديش تاني. ده جزء من العلاج إنك تتعودي تتجاهلي الأفكار الوسواسية. مهم جدًا تفهمي إن الأفكار الضاغطة دي مش بتعكس حقيقة الواقع وإن ربنا يعلم بكل تعبك ومحاولاتك. ربنا كريم ورحيم وإن شاء الله هتعدي الفترة دي على خير. خديها خطوة بخطوة واطلبي المعونة من الله. ربنا يشفيك ويعافيك ويرجعلك راحتك النفسية. 💖
تم النشر الأربعاء، ٢٤ يوليو ٢٠٢٤
لعرض السؤال في فدني اضغط هنا