السلام عليكم، هي صاحبتك قالت الكلام ده بهزار يعني؟ وانتم متعودين تهزروا مع بعض بطريقة صعبة شوية؟ هي الكلمة أكيد صعبة بس أنا معرفش طبيعة العلاقة بينكم وطبيعة صحابك في هزارهم وكلامهم، ساعات الصحاب بيغلسوا على بعض وبيقولوا كلام جارح وبيبقوا فاكرين إنهم بيهزروا ولو حد زعل يبقى هو اللي مش بيفهم في الهزار أو حساس. عامة، ممكن تقولي لها إن كلامها ضايقك وخليكِ واثقة في نفسك ومتخليش فكرة إن ملكيش إخوات يخليكِ ضعيفة أو محتاجة دائما لصحابك دول فتبقي مستقلية بنفسك قُدامهم وتبقي متمسكة بهم مهما عملوا معك.
مش لازم تبعدي تمامًا، حطي حدود محدش يتجاوزها معك وإذا متأكدة من تعمدها وحاسة فعلا إنها مش بتعزك، ممكن تقتصري علاقتك معها أو البنات اللي بيتصرفوا بنفس طريقتها على الزمالة... يعني فيه صداقة وفيه زمالة، الصداقة مرتبة مش أي حد يستحقها، فخليكم زمايل دراسة عادي ولو تجاوزت حدودها تاني أو لقيتِ مفيش فايدة أو بتتأذي حتى من علاقة الزمالة دي فساعتها بلاش منها. ربنا يرزقك إن شاء الله بأصدقاء حقيقيين.
تم النشر السبت، ٢٦ أبريل ٢٠٢٥
طيب حاضر بجد شكرا لكلامك انا هعمل كده ولو قالت كلام زي كده تاني هقولها خلي بالك من كلامك طيب وانتي من رايك احاول ابعد عنها يعني أحاول مديهاش اهتمام ال هو اعملها ع قد الكلام مش اتلزق فيها هحاول والله مع اني مش هعرف لاني مليش غيرها هي والبنت التانيه بس هحاول يعني رايك ابعد ولا علي قد الكلام ارد متكلمش معاها كتير
تم النشر الجمعة، ٢٥ أبريل ٢٠٢٥
لا، ولا يهمك... بصي أنا متفهمة نقطة إنك تخافي تجرحيها لكن الشخص اللي عادي عنده يجرحك وباين في معاملته إنه مش بيعزك أنتِ كمان المفروض متعمليش اعتبار لزعله، المفروض متظهريش قُدامها إن كلامها جرحك وتباني ضعيفة، ده ممكن يخليها هي أو غيرها يتمادى ويجرحك أكتر. المفروض تظهري اعتراض قوي، زي مثلا تبيني غضبك وانزاعجك وتقولي لها لو سمحتِ خدي بالك من كلامك معايا، أو إياكِ تكلميني كده تاني.. اللي هيقول لك ده هزار وانتِ مش بتفهمي في الهزار أو حساسة اظهري لهم برضه اعتراضك وقولي لهم أنا مقبلش النوع ده من الهزار... حطي حدود وخليكِ قوية. عارفة الكلام يبان نظري لكن كل ده سهل لما تدربي عليه واحدة واحدة، ممكن تلاقي صعب عليكِ بالبداية لكن مع الوقت هتكوني جريئة وتحطي نفسك وكرامتك في الأول. ومتخافيش من خسارة حد، الشخص اللي ميهموش كرامتي وعادي عنده يجرحني ويحرجني قُدام الناس ده شخص المفروض أنا مكنش باقية عليه. حاجة كمان هتساعدك تزودي ثقتك بنفسك، إنك تحسي إنك بتتطوري كل يوم... جربي مع الدراسة تخصصي وقت ولو نصف ساعة يوميًا تتعلمي حاجة جديدة أو تقرأي وتزودي ثقافتك، تشوفي فيديوهات عن اكتساب الثقة بالنفس والتعامل مع الناس... كل ما يكون وقتك مليان وبتستفادي وبتطوري من نفسك كل ما هتثقي بها وكل ما هيقل تعلقك بالأشخاص دي وخوفك من خسارتهم، وصدقيني وقت ما تكوني أنتِ مغلية نفسك ومركزة على مصلحتها وتطويرها هتلاقي الناس هي اللي بتسعى تكسبك مش أنتِ اللي بتسعي وراهم.
تم النشر الجمعة، ٢٥ أبريل ٢٠٢٥
معلش اسفه طولت عليكي
تم النشر الخميس، ٢٤ أبريل ٢٠٢٥
ما انا ممكن ارد عليها بس انا خايفه ارد عليها بطريقه تجرحها بس على فكره ده مش هزار انا زعلت منها جدا يعني ده المستر بيقولها انتو واحد المفروض لو هي بتحبني ما فيش حد بيحب حد بصراحه يقوله ايه القرف ده من نظرتك انتي لو صاحبتك قالتلك كده اكيد هتزعلي الصحاب اللي بجد بيتشرفوا ببعض انا مش عارفه ازاي اخليني واثقه من نفسي عشان الصوره توصل لهم اني مش عبيطه او اقبل التهزيق او اقبل الحاجات دي انا بصراحه مش عارفه وكمان صحابي الاتنين القريبين مني دول كانوا رايحين يتمشوا واحنا قريبين مع بعض علي طول ف انا قولتلهم انا هاجي معاكم اللي جرحتني دي قالت اركبي مع فلان هتسيبيها لوحدها حسيت انها مش عايزاني قولت عادي فكنا بنهزر مع بعض قالت اني كدابه وانا قولتلها ايوه وبتاعخ حوارات بهزار وقالت حشريه وضحكت هي وصاحبتي حسيت انها قصدها كده عشان جيت معاهم انت من نظرتك ده طبيعي ولا اعمل ايه
تم النشر الخميس، ٢٤ أبريل ٢٠٢٥
هو ممكن زي ما بتقولي عاوزة تبان روشة أو شايفة إن عادي الكلام الرخم ده وانتِ اللي حساسة، الله أعلم بنواياها بس عامة المشكلة دلوقتي مش هم، المشكلة أنتِ... أنتِ جايز عشان حاسة إنك ملكيش غيرهم فمتمسكة بهم ولما الواحد بيبقى خايف يخسر الناس اللي معاه أو حاسس إنه ولا حاجة من غيرهم ده بيخليه يتنازل أو شعوريًا يتصرف بطريقة تخلي الباقيين يستقلوا به أو ينفروا منه... فأنتِ محتاجة تقعدي مع نفسك وتشوفي المشكلة دي من جذورها وتصاحبي نفسك الأول وتحبيها وتخليها هي رقم واحد عندك والأولوية ومتخليش أي حد مهما كان غالي عندك إنه يقل منك أو يستخف بك... مش بقول لك طبعا امسكي في خناقهم، ممكن تردي بالذوق وتخلي فيه حدود يعرفوا منها إنك مش هتقبلي يتخطوا الحدود دي في كلامهم أو هزارهم معك. إحساسك بالضيق طبيعي جدًا ولك حق تزعلي لكن خلي ده دافع ووقفة مع نفسك عشان تغيري حياتك ونظرتك لنفسك... وعلى فكرة، الناس دايما بتحس باللي واثق بنفسه وباللي مهزوز وعلى أساس الصورة اللي بتصدريها لهم هيتعاملوا معك على أساسها.
تم النشر الخميس، ٢٤ أبريل ٢٠٢٥
تانيه ث
تم النشر الخميس، ٢٤ أبريل ٢٠٢٥
أنتم كم سنة؟
تم النشر الخميس، ٢٤ أبريل ٢٠٢٥
لا بصي هي كانت بتقولها بجد يعني بصي قالتها وقعدت تضحك واصحابي ضحكوا معاها ما اعرفش عايزه تبان انها زي روشه كده ولا ايه بس هي قالتها كده وفعلا لو واجهتها تقول ده مش بيفهم ده حساس والكلام ده بس على فكره ما ينفعش تقول كده انا اتضايقت جدا يعني حتى لو هزار ما ينفعش يعني ايه تقول ايه القرف ده وانا فعلا متمسكه بهم جدا وبجد مضايقه بس فعلا لو قصدها تحرجي وتضايقني قدامهم ربنا يجيبلي حقي
تم النشر الخميس، ٢٤ أبريل ٢٠٢٥
لعرض الإجابة في فدني اضغط هنا