السلام عليكم ياجماعه
انا كنت في الدرس ومعايا صحابي قريبين مني فالمستر بيقولي علي اني وصحبتي واحد فصاحبتي قالت اي القرف ده انا ادايقت اوي انا فعلا مبطلتش عياط الا لما سبتهم وصحابي فضلو يضحكو لما هي قالت كده انا مدايقه اوي انا مليش غيرهم وهما بيعاملوني وحش انا مليش اخوات احكي معاها ومليش حد اتكلم معاه 😭😭😭
السلام عليكم انا مع نقاش دكتورة مى معاكى فى اجابتها جزاها الله خيرا دايما بين الصحاب ممكن حاجات تخرج بتلقائية ونكون مش قاصدين نوجع بعض ...عشان كده على قد ما انتى شايفاهم قريبين ليكى ومهمين اتكلمى بصراحه ان الموقف دن زعلك وانك متحبيش انه يتكرر حتى لو مقصود هزار لانك متحبيش النوع ده من الهزار وبعد كده لو هى كررت ده يبقى ابدأى اعرفى انهامش احسن حد يكون قريب منك ونصيحة منى متحطيش اى صحاب كأنهم هما الميه والهوا...لان النفوس بتتغير او الظروف ولو حصل وبقى فى حاجة تبعدك عنهم هتحسى ان حياتك انهارت او انك موافقه تتنازلى عشان تتنفسي معاهم وده عمره ماكان صح للنفسية السوية ابدا
تم النشر الجمعة، ٢٥ أبريل ٢٠٢٥
السلام عليكم، هي صاحبتك قالت الكلام ده بهزار يعني؟ وانتم متعودين تهزروا مع بعض بطريقة صعبة شوية؟ هي الكلمة أكيد صعبة بس أنا معرفش طبيعة العلاقة بينكم وطبيعة صحابك في هزارهم وكلامهم، ساعات الصحاب بيغلسوا على بعض وبيقولوا كلام جارح وبيبقوا فاكرين إنهم بيهزروا ولو حد زعل يبقى هو اللي مش بيفهم في الهزار أو حساس. عامة، ممكن تقولي لها إن كلامها ضايقك وخليكِ واثقة في نفسك ومتخليش فكرة إن ملكيش إخوات يخليكِ ضعيفة أو محتاجة دائما لصحابك دول فتبقي مستقلية بنفسك قُدامهم وتبقي متمسكة بهم مهما عملوا معك.
تم النشر الخميس، ٢٤ أبريل ٢٠٢٥
اختاري الصحاب كويس لو بيعاملوكي وحش ابعدي عنهم مش عشان مفيش غيرهم تقفي معاهم اختاري الصاحب ال يكمل معاكي لغاية الاخره مش ال ياذيكي ثانيا قصدك ايه انك ما عندك حد تتكلمي معاه اتكلمي مع ربك احكي له حتى لو ما كنتي قريبه منه احكي عادي على الاقل ممكن تستغلين الموضوع و تتقربي من ربك وما تفهميني غلط وقصدي بكده ان في ناس تقولي لهم تقربوا من الله و يتجاهلوا الكلام وانا خايفه عليكي انك تتجاهلي كلامي ده ففكري في كده ليه ما تتكلمي مع ربك و تشتكي له ربك عارفك اكتر من اي حد ف ليه ما تكلميه و تشتكيه صدقيني انتي بس تكلمي ربك وحياتك هتتغير ولو بتكلميه و بتشتكي له؟ ليه انتي لسه معاهم مفيش هتقولي عشان هما صحابي ملياش غيرهم هقولك الصاحب مش بيضحك على صاحبه و يقصف جبهته و يسيبه يبكي ده مش صاحب!
تم النشر السبت، ٢٦ أبريل ٢٠٢٥
وعليك السلام ورحمة الله وبركاته. عزيزتي، من الواضح أنك تمرين بوقت صعب، وهذا أمر طبيعي جداً. العلاقات مع الأصدقاء يمكن أن تكون معقدة في بعض الأحيان، خاصة عندما تظهر تعليقات غير لطيفة أو مواقف تجعلنا نشعر بعدم الراحة. من المهم أن تعرفي أن مشاعرك صحيحة وحرجة، ويجب أن تعطي نفسك الوقت للتعامل معها. حاولي التحدث مع صديقاتك عن كيف شعرت حيال ما حدث. قد يكون لديهم رأي مختلف أو ربما لم يدركوا تأثير كلمتهم عليك. إذا كنت تشعرين أن هذه العلاقة لا توفر لك الدعم الذي تحتاجينه، فقد يكون من المفيد التفكير في البحث عن أصدقاء آخرين من شأنهم أن يقدموك لك الدعم الحقيقي الذي تحتاجينه. وإذا كنت بحاجة إلى شخص تتحدثين معه، يمكنك دائماً اللجوء إلى شخص موثوق مثل معلم أو مستشار. تذكري، فالتعبير عن مشاعرك هو خطوة مهمة نحو الشفاء والراحة. أنت لست وحدك، وهناك دائمًا أشخاص مستعدون للاستماع إليك ودعمك. وفقك الله.
تم النشر الخميس، ٢٤ أبريل ٢٠٢٥
ثقي بنفسك و متزعليش علي حد و اعتبريها مش موجوده اصلا الغل ده دليل علي انها غيرانه منك او شايفاكي احسن منها ف بتحاول تداري النقص الي جواها بالغل منك و شوفي صحاب احسن منها
تم النشر السبت، ٢٦ أبريل ٢٠٢٥
اللى ما يحترمكيش ويقدرك تجاهليه وابتعدى عنه وها تلاقى اللى يحترمك ويقدرك وحاولى تزودى ثقتك بنفسك وتكونى متفوقة فى دراستك
تم النشر السبت، ٢٦ أبريل ٢٠٢٥
متزعليش نفسك دي وحده مش محترمه ده دليل علي انها شيفاكي احسن منها وغيرانه منك عيشي مع الوضع ولا كان في حاجه حصلت وعتبريها مش مموجوده اصلا
تم النشر السبت، ٢٦ أبريل ٢٠٢٥
حاضر بس انا فعلا بحس انها غيرانه مني انا لو كلمتها معامله مش قد كده وما اديتهاش وش ولو جابت اسمي هقول لها فكك مني وما تجيبيش اسم ثاني هل كده فيها ذنب عليا لاني بجد زهقت دي حطاني في دماغها قوي
تم النشر الأحد، ٢٧ أبريل ٢٠٢٥
بجد ايوه انا بحس كده قوي انها غيرانه مني انا النهارده برده شفتها مع اصحابي احنا قريبين زي ما كتبت فكل شويه تجيب اسمي تهزر تقول لصاحبتي ايه رايك نقتلها بتقعد تقول اني واني واني صاحبتي النهارده بتقول اسمي حربوق بس قالت لي مش قصدي انتي قصدي عامه قامت هي قاعده تضحك باين عليها غيرانه اوي طيب لو هي جابت اسمي تاني هقول لها يا ستي ما تجيبيش اسم تاني فكك مني صح ولا ايه
تم النشر الأحد، ٢٧ أبريل ٢٠٢٥
لعرض السؤال في فدني اضغط هنا