انا كنت مخطوبه وسيبته من أهله مكنوش مقدرينى ومبقوش يكلمونى وانا بقيت اكلمهم مره ومره لا والمره اللى مكلمتهمش فيها راحوا قالوله وكان زعلان انى متكلمتش مع ان هما كمان متكلموش وزعقنا وقالى مش هتقدرى تبعدى والكلام دا، المهم قفلت وعملت بلوك وهو محاولش يكلمنى 15 يوم متواصلين وانا طول الأيام دى بفكر فى كل حاجه لاننا اتخطبنا سنتين، وعملت وقفه مع نفسى وسيبته، وبعد ماسيبته اكتشفت انه كان منافق وخاين وكداب وكان قايل للناس كلها انى مقدرش اسيبه، منافق لأنه كان كويس معايا وفى ضهرى قال اوحش كلام مع انى وقفت جنبه كتير أوى وخاين لأنه كان مرتبط بحد قبلى وفهمنى انه مبقاش عايزها وكل شئ نصيب وطلع كداب وبيكلمها وراح خطبها بعد ماسيبته ممكن فى نفس الأسبوع، أنا فى ٣ كليه كلية طب أسنان وهو متخرج من تجاره وجارنا وناس كتير قالتلى مش هو الشخص المناسب ليكى مش عشان انت فى الكليه دى لا عشان هو هيستغلك بس وطلع كلامهم صح وأصحابه بعد ما فسخت الخطوبه قالوا لأهلى دا خير ليها مكنش يستاهلها لأنه مكنش كويس وكان بيتكلم عليها وحش، وأنا والله كنت أطيب حد وأنضف حد وأكتر حد مشيلتهوش همى ولا قولتله فى يوم عايزه حاجه ولا هو حتى سألنى، وطلع الطبع غلاب وكنت فى حرب خسرانه، انا سيبته دلوقتى ومش عايزاه ولا عايزه اسمع حاجه عنه ولا بقيت احبه ولا اكرهه بقى شخص عادى بالنسبه ليا، بس انا بقى عندى انعدام ثقه فى اى حد ومش عارفه هعرف اثق فى حد تانى ولا لا، اعمل ايه عشان مفضلش كدا طول العمر مع العلم عارفه ومتأكده من عوض ربنا
قولي الحمد لله واشكري الله قبل أي شيء في السراء والضراء أما تعلمين أن الخطبة هي مدة للتعرف علي إن كان هذا الشخص يصلح لكي إما لا والله- جل جلاله- انقذكى منه فمن الواجب أن تستخيري ربك وتأخذين بالأسباب لاختيار الزوج الصالح، اختاري من ترضين دينه وخلقه وقبل أي شيء القبول ولا تنسى ضوابط الخطبة إن كان الشخص يتقى الله ويعرف الله حق معرفة وبه من الصفات التي تناسبكى فاقبلي به وتوكلي على الله واكثرى من الدعاء في هذا الأمر لأن الزواج أن صلحا ووفقي الله بزوج صالح ستستعيدين سعادة غامرة لا تتهاونين في هذا الأمر إطلاقا لأن في زمننا هذا أرى من الفتيات التسرع والانسياق وراء ما يسمى الحب في الخطبة والغرام وسوء الاختيار وبعد الزواج والعشرة كلنا نعلم ماذا يحدث في محاكم الأسرة ارجوكى لا تتهاونين في أمر اختيار الزوج وارجوكي أقرا من هو الزوج الصالح ومن تختارين هناك الآن دورات لاختيار الزوج وكيف تكونين زوجه صالحه أيضا تثقفي ووعى نفسك. أما عن الثقة فلا تثقين إلا بالله ومن ثم الله سيهديكى لمن تثقين به لأننا بشر وأنت لا تعلمين أي شخص هو الجدير بالثقة والله يعلم وأنت لا تعلمون وهو عالم الغيب فلا تتسرعين ف الثقة على أحد وإلا أن ترى منه أنه جدير بالثقة من المواقف والأفعال والأقوال لكي لا تحزني على ثقتك الزائدة عن الحد وأتمنى أن تحكمي عقلك مع قلبك ولا تغلبي قلبك على عقلك. ولا تتعجلي في الاختيار وادعى الله أن يرزقك الزوج الصالح واسألي الله أن يختار الله لكي لأن الله يعلم ما نحتاج وبما نتمنى من شريك الحياة وربما ترزقين بشخص يجعلكى أسعد فتاه لأن الله كريم واسع الرزق.أما قال الله تعالى ﴿ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ﴾ وأخيرا، ثقي بالله أولا واعبدي الله حق عباده وسترى أن الله لن يجعلكى تخذلين وسيلهمك بمن تثقين استعيني بالله في كل أمر واسأليه بمن أثق سيرشدك وهيديكي
تم النشر الخميس، ١٥ أغسطس ٢٠٢٤
أنت قوية ما شاء الله، دعك مما مضى، هذه التجربة أكسبتك صلابة وقوة وقدرة على استخدام المعطيات أكثر من قبل. وكنتيجة ستكون خياراتك انتقائية متأنية إن شاء الله وسوف تثقي في الشخص المناسب. استعيني بالله ولا تفكري في نقطة الخطبة والزواج إلا إذا عرض عليك مشروع خطوبة، أما عدا ذلك كفي عن التفكير. إذا وجدت أن وقتك يسمح، أرجوك تابعي كتابات ريهام حلمي تتحدث كثيرًا عن معايير الاختيار وكذلك عهد الله محمد شاهين تتناول الكثير من النقاط بعمق شديد، ويوجد كذلك وجدان محمد شخص محترم جدًا يلقي الضوء على نقاط جوعرية مؤثرة وخفية.
تم النشر الجمعة، ١٦ أغسطس ٢٠٢٤
الف مبروك انك سبتيه لان من كلامك واضح مش بس انه غير مناسب ليكي اجتماعيا و كمان اخلاقيا، الواضح من كلامك انه شخص مش نضيف و خانك و يمكن عشان انتي انسانه طيبة و ربنا بيحبك بعده عنك. قولي الحمد لله انكم سبتوا بعض و ربنا يوقفك بإبن حلال يستاهلك. عسى ان تكرهوا شيئا و يجعل الله فيه خيرا كثيرا
تم النشر الجمعة، ١٦ أغسطس ٢٠٢٤
السلام عليكم. بصي يعني انا عايزه اقول لك الحاجه المفروض تتاثر فيك هي مش ثقتك في نفسك. هو سقطك في استجابه عقلك لكل المعطيات الخارجيه اللي بتقول حاجه ومع ذلك انت عقلك وقراراتك بتعمل حاجه ثانيه خالص ضروري تقفي عند النقطه دي وتشوفي هو انا بترجم ليه غلط او انا ليه ما باخدش بالمعطيات الخارجيه وانا ايه اللي بيحصل معايا هو انا ايه اللي تاثرت بيه المساله هنا مش مساله ثقه في الاخرين انت مش فكره انك واثقتي. انت اتعاملتي عن تفاصيل كتير جدا كانت الاولاد خلي قرارك ااا انت يجي منك من بدري جدا انه ده مش الشخص المناسب لك. عشان حاجات كتير سواء بقى مستوى التعليم ولا مستوى التفكير ولا مستوى الخبرات ولا الاخلاق يعني هي الحاجات دي انت ما كنتش شايفاها ليه ضروري ان انت تسالي نفسك السؤال ده الصاقه بصي على انت ليه ما كنتيش واثقه في المعطيات الخارجيه مش توقفي ثقه في الناس وتخافي انك كده مش هتعرفي تثقي في حد ثاني لا هو اي حد ثاني محترم.
تم النشر الخميس، ١٥ أغسطس ٢٠٢٤
انا صاحبة السؤال دا وعدى عليه فتره وبقيت أحسن كتير أوى واتخطيت الموضوع دا بسرعه جدا عشان كنت متأكده من قرارى واديت فرص كتير لحد مارصيد الشخص دا خلص عندى، الحمد لله ان ربنا نور بصيرتى وطلعنى من الموضوع دا بدون اى خساير ولا فى قلبى ولا ضميرى مأنبنى لا بالعكس انا بحمد ربنا كل ثانيه هلى نعمته وكرمه ليا ان نور بصيرتى فى الوقت المناسب 🌹🌹، مفيش أقوى من اللى صبر عشان ميشلش ذنب حد ان ممكن يأذيه لو خد قرار البعد عنه لكن مع الوقت عرفت ان اصح حاجه عملتها فى حياتى انى صبرت عشان اشوف اخر الشخص دا وهل هو كدا ودا طبعه ولا ممكن يتغير وفى الأخر لما عرفت ان طبعه كدا اتأكدت ان قرارى صح، انا حاليا متعافيه تماما منه ومفيش اى ذرة كره ولا حب تجاهه هو وأهله، لأن كان ربنا بينا وقولتله انا مش شيفاك لكن ربنا مطلع على اللى انا وانت هنعمله من ورا بعض والحمد لله عمرى ماغلط مش عشانه لا عشان نفسى عشان ارضى ربنا، وفى الأخر انا مش عايزه حقوق منه، منه لربه ربنا كان مطلع على كل حاجه بيعملها وانا خلاص طلعت برا خالص، اللهم لك الحمد كما نجيتنى، اللهم لك الحمد كما انرت بصيرتى، اللهم لك الحمد دائما وأبدا، اخر حاجه انا مش ندمانه على خطوة خطوبتى منه عشان عرفت واتعلمت حاجات كتير فى الفتره دى فى سن صغير احسن مااتعلمها فى سن كبير 🙏.
تم النشر الأحد، ١ سبتمبر ٢٠٢٤
ماتعلمليش حد علي انه محور الكون خلي عندك صفه الاستغناء اذا اتي احد لحياتك فليس ليكملها لانها كامله من الاساس فان اتي ماهو الا نجم يزيدها لمعانا وان رحل فما اجمل السماء وهي صافيه
تم النشر الجمعة، ١٦ أغسطس ٢٠٢٤
ربنا كتبلك الاحسن
تم النشر الجمعة، ١٦ أغسطس ٢٠٢٤
ربنا هيبعتلك حبيبتى اللى يقدرك ويحترمك وتلقائي لما تلاقي كدة هتثقي فيه وتحبيه ربنا يعوضك
تم النشر الخميس، ١٥ أغسطس ٢٠٢٤
لعرض السؤال في فدني اضغط هنا