انا بفكر كتيير يجدعان وده مخليني سرحان طول الوقت بفكر كتير اوي وبحلل اي حاجة حتى لو تافهة يركز في حاجة ومببطلش تفكير ببقى يذاكر مثلا واسرح مبقتش اثق في نفسي زي الاول كنت الاول واثق في نفسي لدرجة يعني غريبة جدا يعني بحب نفسي جدا انا دلوقتي مش واثق في نفسي وكل ما احاول ارجع زي الاول الأفكار السلبية تعطلني انا منتظم في الصلاة وفعلا بتجيب نتيجة بس مؤقتة وبعدها برجع لحالة الشك في الذات وقدراتي زي مايكون في حد ضدي في دماغي بيوسوسلي بأفكار سلبية رغم اني عارف انها سلبية ومش حقيقية بس برضو بتأثر عليا بعد مكنت بزاكر مادة كاملة ليلة الامتحان وبكل سهولة ولأول مرة كمان وجيب اكتر من زمايلي لاني عارف قدراتي ومؤمن بنفسي جدا دلوقتي ممكن اقعد في درس اربع خمس ساعات وبتوه وبسرح دائما وساعات تانية ارجع لحالتي الطبيعية انا تعبت بجد وانا لسة في بداية تالتة ثانوي الأفكار جاية تجبلي دلوقتي يعني دانا عامل حسابي أن تالتة دي هبقى غير فيها وفعلا عندي الشغف بس الأفكار مش سيباني وتوضيح الأفكار دي بتبقى تقليل من نفسي
السلام عليكم، بالنسبة للأفكار السلبية، حاول تختار وقت معين ولو نصف ساعة وهات قلم ومذكرة واكتب كل الأفكار السلبية التي تخطر على بالك وتضايقك طوال الوقت. ناقش مع نفسك هذه الأفكار وكل فكرة ابحث عن النقيض لها ومعه إثبات. يعني مثلًا، نفسك تخبرك أنك لا تستطيع التركيز والدراسة سجل في الناحية الأخرى فكرة معاكسة أنك تستطيع التركيز وضع إثبات أنك بالفعل كنت تستطيع مذاكرة مادة كاملة ليلة الامتحان وتتفوق على زملائك. وهكذا... أي أفكار سلبية واجهها بأخرى إيجابية. سيأخذ الأمر بعض الوقت حتى تعتاد لكن استمر ولا تتراجع أمام هذه الوساوس. فكرة دراستك 4 أو 5 ساعات متواصلة من الممكن أن تكون سببًا آخرًا لشعور عقلك ونفسك بالضغط فيميلان للتهرب من خلال تشتيتك بالأفكار فحاول خداع نفسك بتقسيم الوقت لنصف ساعة... هكذا لن تشعر بثقل المهمة وعقلك سيعتبرها دقائق قليلة وترتاح بعدها. استمر في التزامك بالصلاة لأنها فرض وطاعة وليس لأنك تبحث من خلالها عن العلاج... العلاج سيأتي من إلحاحك في الدعاء لله أن يعينك ويقويك ثم قيامك بما عليك من تجاهل لهذه الأفكار ومقابلتها بالأفكار الإيجابية. وأيضًا حاول الالتزام بقراءة أذكار الصباح والمساء وسورة البقرة قسمها على أيام.
تم النشر الخميس، ٨ أغسطس ٢٠٢٤
قلق على المستقبل ؟ يبدو أنك تحاول الانفصال عن الواقع ، لأنك تمر بمشاكل ربما ولم تقوى على حلها فلجأت للتفكير لتخفف عن نفسك ماعليك فعله، هو كتابة ما يجول في ذهنك . وتحاول قراءته مرارا. وتجد أشياء تلهيك كهواياتك مثلا.
تم النشر الخميس، ٨ أغسطس ٢٠٢٤
أولًا، عايز أقول لك إن اللي بتحس بيه شيء طبيعي جدًا، خصوصًا في فترة زي فترة الثانوية العامة، لأنه ضغط ومشاعر مختلطة وفيه توقعات. بس مهم إنك تعرف إن التفكير الزائد مش هيحل مشاكل، بالعكس، أوقات بيزيد الوضع سوء. هقول لك على شوية خطوات ممكن تساعدك: تنظيم الأفكار : حاول تكتب الأفكار السلبية اللي بتجيلك وإن ممكن تحاول تفكر في كل فكرة بشكل منطقي. إسأل نفسك: "هل في دليل على الفكرة دي؟" و"هل هي واقعية؟" إدارة الوقت : حاول تقسم وقت مذاكرتك لأوقات مع بعض الراحة. بدل ما تقعد 4-5 ساعات متواصل، خد فترات راحة عشان تقدر تركز. تقبل نفسك : لازم تحاول تكسر دائرة الشك في النفس. مثلاً ممكن تقعد تفكر في إنجازاتك السابقة، كل الأشياء اللي عملتها بشكل جيد. ده هيخلي ثقتك بنفسك ترجع شوية بشوية. مارس الهدوء : جرب تمارين التنفس أو التأمل، ده ممكن يساعدك تبعد عن الأفكار السلبية. كمان حاول تقضي وقت في الأنشطة اللي بتحبها. استشر حد : لو الحالة استمرت، فكر تتكلم مع حد مختص أو مع معلم تثق فيه. وجود شخص يدعمك وينصلك ممكن يفرق معاك. خلي بالك، إن كل واحد فينا بيمر بحالات ضعف، والرجوع للثقة بالنفس محتاج بعض الوقت والصبر. خليك مع نفسك، وركز على خطوات صغيرة.
تم النشر الأربعاء، ٧ أغسطس ٢٠٢٤
بص حط السماعات ف ودنك وشغل قران وركز ف الآيات مش هتدي فرصه لنفسك انك تفكر ف حاجه اساسا.. وبعد كده ابدا ذاكر علطول وربنا يوفقك
تم النشر السبت، ١٠ أغسطس ٢٠٢٤
بص يا اخويا انت تسيب كل اللي وراك واللي قدامك وروح اقعد ف كافيه حلو كده انت وحدك من صحابك واحكو بقا وتنسي كل حاجه دا فرط تفكير
تم النشر السبت، ١٠ أغسطس ٢٠٢٤
ألا تعتقد أنك بحاجة لفترة نقاهة تفصل وتجدد نشاطك؟ لن أقولك لك حارب التفكير الزائد قد يكون هذا صعبًا، لكن حارب قدر جهدك أن يترك هذا التفكير أثر سلبي عليك.
تم النشر الأربعاء، ٧ أغسطس ٢٠٢٤
انت محتاج تسيب كل حاجه فتره خد بريك وارجع كمل خلى اعتمادك الاول على نفسك جرب تدى وقت لنفسك يعنى اهتم بنفسك كأنك صديقك المفضل شوف ايه اللى ممكن تقدمهوله وقدمه لنفسك انت مثلا علطول بتشوف عيوبك بس وتقلل منها جرب تعمل العكس انت اكيد عندك مميزات كتيره بس انت حاطط قدامها العيوب دايما انت تستحق تشوف نفسك كويس اكتب كل افكارك الحلوه والوحشه وغير روتين يومك ابتدى انزل چيم ماتعتمدش على وجود حد فى حياتك وخصص يوم كة فتره تخرج فيه لوحدك تعمل الحاجات اللى بتحبها
تم النشر السبت، ١٧ أغسطس ٢٠٢٤
تقرب الي الله سبحانه وتعالي واظب علي صلاة واذكار وافتكر دايما ان كل شي مكتبولك ومستقبلك كله بيد الله عز وجل حاول تشغل وقتك ومتقعدش لوحدك كتير ،
تم النشر السبت، ١٠ أغسطس ٢٠٢٤
حاولي تقعدي مع ناس وكلميهم في حجات وكل ما تفكري كدا ادخلي اعملي اي حاجه ذاكري العبي رياضه
تم النشر الجمعة، ٩ أغسطس ٢٠٢٤
لعرض السؤال في فدني اضغط هنا