اي هو المخرج عشان انا عندي حاجه غريبة مع اني ملتزم جدا بحاجات كتير زي الصلاة والنوم والجيم لكن المذاكرة بالذات لما يجي وقتها ببدأ اسرح واتخيل حاجات رومنسية وجنسية بالساعات حرفيا وممكن افضل كدة وقت المذاكرة كله وفي الآخر مش بذاكر واليوم بيضيع مع اني بقالي اكتر من شهر ونص نادرا لما افتح سوشيال ميديا ومش بشاهد افلام ولا مسلسلات ولا عندي أصحاب اكلمهم ولا عايز اكلم حد
السلام عليكم و رحمة اللّٰه و بركاته ممكن الي بيحصل ده بسبب إنك بتعمل حاجه مش حاببها و إن المذاكره وقت ممل بالنسبالك بتحاول تهرب منو ب أي شكل ف بتبدأ تفكر في حاجات بعيده عن المذاكره بشكل كامل جرب تهيئ نفسك للمذاكره و تقعد و تكون مراقب نفسك بمعنى بعد متظبط مكان المذاكره تفتح درس و تقول انك هتخلصو النهارده مهما حصل اول متلاقي نفسك دماغك بدأت تسرح فوَّق نفسك حسيت انك محتاج تاخد استراحه متسبش نفسك لدماغك حتى في وقت الإستراحه ،وقتها تقوم تعمل قهوه مثلاً أو تنزل تتمشى أو حتى تقرأ كتاب اعمل اي حاجه تفصلك عن المذاكره و في نفس الوقت تخلي مفيش وقت ليك إنك تقعد تفكر ف حاجه و اكتر حاجه انصحك تعملها ف الوقت ده هو إنك تسمع قرآن لإنك لما تسمع قرآن هتركز في المعنى و دماغك وقتها مش هتقدر تسرح جرب تعمل كدا في وقت المذاكره نفسو يعني على سبيل المثال لو قدامك كلمات إنجليزي محتاج تحفظها أو بتنقل حاجات معينه ف شغل قرآن و ركز مع معانيه و أنت بتحفظ او بتنقل جرب Pomodoro technique يعني تظبط وقت مثلا ١٥ دقيقه و تشوف جزء معين او صفحتين من الدرس و تظبط الوقت و تحطو قدامك و تخلص في الوقت ده ، في أغلب الأحيان إنك تشوف الوقت بالدقايق و هو بيخلص هتحس ب توتر و إنك لازم تخلص ف الوقت ده و هتدي أهميه للموضوع حتى لو كان ملهوش اهميه دي نفس فكره الإمتحانات لو بتحل كويز و الوقت قدامك بتكون متوتر و بتحاول تخلص ف اسرع وقت. جرب الطرق دي و يمكن تنفع معاك و اتمنى اكون افدتك و السلام عليكم
تم النشر السبت، ١٦ نوفمبر ٢٠٢٤
من الواضح إن المشكلة في إحساسك بالضغط تجاه المذاكرة. العقل البشري يبدع في التهرب من المسؤوليات وهذه إحدى الطرق، يُشعرك بالملل ويتهرب إلى الخيالات والشرود والتفكير في أشياء لا علاقة لها بالمهمة التي يجب أن تقوم بها. العقل مهمته حمايتنا من الشعور بالخطر والألم والضغط في هذه الحالة هو نوع من الخطر لذا يحميلك العقل بهذه الطريقة، والحل في أن تخدعه بطريقة ما ليشعر أن الأمر بسيط ولا يشكل معاناة. تحتاج أولًا لأن تغير من طريقة تفكيرك أنت تجاه المذاكرة. كما قلت في تعليقك على إجابة كوتش ياسمين إن المنهج متراكم والامتحانات قريبة ومن الطبيعي شعورك بالضغط وعدم الاستمتاع بالمذاكرة. هنا يجب أن تدرك أنك في حاجة لهذه الخطوة وتغيير طريقة تفكيرك. اسأل نفسك أولًا، ما هدفك من المذاكرة؟ ما نيتك ولماذا يجب أن تنجح؟ هل النجاح في الامتحان لا يكون إلا بالحفظ الكامل للدروس لتصبها في ورقة الامتحان وفقط؟ كيف أذاكر في أقل وقت أكبر كم من المعلومات وبأكثر قدر من التركيز؟ يجب أن تعرف وتدرك داخل نفسك، أن النجاح ليس بمقدار درجتك في الامتحانات ولو كنت في ثانوية عامة فهي سنة مثل غيرها وليست سنة مصيرية. مهما كانت السنة الدراسية التي أنت فيها، النجاح يعتمد على ما تكتسبه أنت من خبرة ومعلومات تساعدك في التقدم على الصعيد العملي والشخصي. جدد نيتك من الدراسة واجعلها لوجه الله واستعن به. نظم أوقات مذاكرتك مع أوقات الصلاة هذا سيزيد البركة في وقتك ومذاكرتك وهذا عن تجربة. لا تركز على كم ذاكرت بل ماذا سأتعلم اليوم من أشياء جديدة. النفسية والضبط العقلي (mindset) مهمان جدًا إذا أردت النجاح فيما تريد. طبق هذه النصائح بالإضافة لبقية النصائح في الإجابات الأخرى وإن شاء الله تخرج من هذه المشكلة. بالتوفيق إن شاء الله.
تم النشر الاثنين، ١٨ نوفمبر ٢٠٢٤
طول ما المذاكرة بالنسبالك بتمثل ضغط ومترجمه عندك انها جهد كبير وتقيل ....ده حتى لو بتحب المذاكره وعارف اهميتها هتلاقى مخك بيدور على اى طريقة يهرب بيها من الجهد والضغط فهيخترعلك اى حاجة حاول تخلى جو المذاكرة اقل ضغطا وجواه استمتاع اكتر هتلاقى الموضوع اخف باذن الله
تم النشر السبت، ١٦ نوفمبر ٢٠٢٤
أولاً، أشكرك على صراحتك ومشاركتك لهذه التحديات. من الطبيعي أن يواجه الإنسان لحظات من السرحان والتخيلات، لكن يمكنك اتخاذ خطوات عملية للتحكم في هذه اللحظات أثناء المذاكرة. تحديد الهدف: حدد أهدافًا صغيرة ومحددة لدراستك. مثل إنهاء فصل معين أو حل عدد من الأسئلة، مما يساعدك في الحفاظ على تركيزك. تنظيم الوقت: استخدم تقنية الطماطم (Pomodoro) حيث تدرس لمدة 25 دقيقة ثم تأخذ راحة لمدة 5 دقائق. يساهم هذا في تقليل الفرص للسرحان. تهيئة البيئة: حاول خلق بيئة مناسبة للدراسة وخالية من المشتتات. يمكن أن تشمل إضاءة جيدة ومكان هادئ. التأمل والذكر: خصص وقتًا يوميًا للتأمل والذكر، حيث يساعد ذلك في تصفية ذهنك وتقوية تركيزك. الاستعانة بالله: الصلاة والدعاء يساعدان في تهدئة النفس وزيادة التركيز. استشارة مختص: إن كنت لا تزال تجد صعوبة في التركيز، قد يكون من المفيد استشارة مختص في مجال الإرشاد النفسي. تذكر أن التغيير يحتاج إلى وقت وصبر، وأن التكرار والمثابرة هما مفتاح النجاح. حفظك الله ووفقك في دراستك. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٦ نوفمبر ٢٠٢٤
جزاك الله خير
تم النشر الاثنين، ١٨ نوفمبر ٢٠٢٤
ألزم القرآن حط دايما قدامك مصحف و أنت بتذاكر و أحفظ سور جديدة و كل ما تجيلك التخيلات ديه جرب تراجع السورة اللي حفظتها و أهو تبقي ضربت عصفورين بحجر واحد تغلبت علي الأفكار ديه و خدت حسنات ربنا يعينا و يعينك و يعفنا يارب العالمين
تم النشر الاثنين، ١٨ نوفمبر ٢٠٢٤
لعرض السؤال في فدني اضغط هنا