أنا خطيبي رجله اتكسرت من فترة قريبة و بقاله كتير متجبس و قاعد فالبيت مش بيتحرك ولا بينزل شغله و الموضوع ده خنقه أوي و مخلي نفسيته مش تمام و خلقه ضيق معايا غير انه بياخد أدوية بتخليه تقريبا نايم طول اليوم فمش بنتكلم كتير أووي و حتى لما بيصحي كلامنا كله شات و نادرا لما يبقي في مكالمة و بيقعد يقفش عليا كتير في حاجات ممكن تبقي صغيرة و بحاول مركزش فيها عشان عارفة انه مش تمام
وأنا بقيت متضايقة انه مش موجود كتير في يومي بس بحاول متضايقش أو ابينله عشان غصب عني لما بينت حسيت انه اتضايق مني .. في يوم المفروض انه احنا كنا تمام و فجأة لقيته بيتكلم انه عاوز يبقي لوحده و اسيبه و متضايق و ينزل استوريهات حزينة و اسأله مالك يقولي مفيش و اتصل ميردش و انا اتضايقت افتكرته بيصدني أو زعلان مني عشان متعود مهما كان بيحكيلي ماله حتى لو متضايق مني
المهم سيبته كام ساعة و بعتله اطمن قالي متشغليش بالك بيا مش عايز اتعب حد لما اقولك تسيبيني اسمعي كلامي و لما حاولت اوضح له انه ده صعب و انت لو مكاني مش هتسيبني فضل يقول حسي بيا و بالله عليكي و انتوا ايه و تعبت و يارب اموت وانا بجد مفهمتش ايه خلاه كده و قلقانة عليه عايزة اطمن .. انا المفروض في موقف كده اتصرف ازاي ؟ اسيبه فعلا ولا اعمل ايه ؟
أختي العزيزة، أولاً، أود أن أعبر عن مشاعري تجاه ما تمرين به. الوضع الذي يعيشه خطيبك صعب للغاية، وخاصةً أنه يعاني من آلام وعزلة بسبب الإصابة، وهذا قد يؤثر بشكل كبير على نفسيته وتصرفاته. بالنظر إلى حالته، من المهم أن تتفهمي أنه قد يشعر الآن بالضغوطات، والقلق، وحتى الاكتئاب نتيجة لتغييرات نمط حياته. عندما يميل إلى الابتعاد أو يقول إنه يريد أن يكون وحده، قد يكون ذلك بسبب ضغوط نفسية أو شعور بالعجز، وليس بالضرورة متعلقا بك. إليك بعض الخطوات التي يمكنك اتخاذها: الصبر والتفهم : كوني صبورة معه، واذكري له أنك هنا لدعمه، لكن دون الضغط عليه. التواصل : حاولي التواصل معه بلطف ودون زحام، يمكنك أن تقولي له أنك تقدرِين مشاعره وأنك هنا لأي شيء يحتاجه. إيجاد التوازن : من المهم أيضًا أن تفسحي لنفسك مساحة من الوقت، فلا تتجاهلي مشاعرك وأن تعتني بنفسك. اهتمي بمشاعرك واحتياجاتك. البحث عن الدعم المحترف : إذا لاحظت أن حالته تدهورت أو كان لديه أفكار سلبية شديدة، من الأفضل التشجيع على استشارة متخصص نفسي. احترام مساحته الشخصية : إذا طلب قضاء بعض الوقت بمفرده، احترمي ذلك، لكن تأكدي من تركِ له رسالة دعم. تذكري، أنتِ لست وحدك في هذا، وبالاتصال الدائم والصادق، تستطيعان معًا عبور هذه الفترة. أدعو الله أن يفرج عنه ما يعانيه وأن تعود الأمور إلى طبيعتها قريبًا.
تم النشر الأحد، ٢٣ مارس ٢٠٢٥
عفوا.. فهماكي في العموم وعارفه بجد انك مدايقه من الحوار وكده بس انتي اعملي اللي عليكي واستحملي وخليكي داعم ليه وحاولي على قد تقدري تعملي الحجات اللي بيحبها تعرفيه بطريقه غير مباشره انك بتزعقلي لما يعاملك كده وتفكي كده وفرفشي مفيش حاجه تستاهل زعلك وهي فتره صعبه ولكن هتعدي هي محتاجه شويه صبر وهتعدي على خير ان شاء الله ربنا يوفقك ويقوم بالسلامه ان شاء الله
تم النشر الاثنين، ٢٤ مارس ٢٠٢٥
عفوا +انا معملتش حاجه اصلا مبسوطه اني قدرت افيدك بجد وربنا يوفقك في حياتك
تم النشر الاثنين، ٢٤ مارس ٢٠٢٥
شكرا بجد ليكي كلامك فرق معايا مش عارفة اقولك إيه .. الله يسلمك يارب
تم النشر الاثنين، ٢٤ مارس ٢٠٢٥
بجد شكرا ليكي هعمل كده و بعمل كده .. هي بس اكتر حاجة مضايقاني انه ردوده عليا بتبقي رخمة و كأني تقيلة عليه معرفش ليه و انا حد حساس أوي للأسف و مثلا لو متعود ينزل مع صحابه بيعرفني من غير ما اسأل دلوقتي لا ممكن يعمل كده و ميبعتليش أو يعرفني و المكالمات مبقتش موجودة يعتبر و كل ما اتصل يبقي مش عارف يرد و ده مش الطبيعي بتاعه
تم النشر الأحد، ٢٣ مارس ٢٠٢٥
في الأوقات اللي الواحد بيقي تعبان فيها مبقاش في حاله نفسيه كويسه اوي هو ممكن يكون مضايق من اللي هو فيه القعده بس في البيت كده بتخنق وعلشان كده لازم تكوني جنبه وتدعميه وتحسسيه بحبك واهتمامك وكمان وتحسسيه ان وجوده في حياتك مهم وان اللي هو فهي مضايقك وان عدم موجوده ده مضيق متخبيش زعلك عليه وخليكي جنبه وهو ممكن يكون بيمر بحاجات تانيه مش حابب انو يضايقك أو يزعلك علشان كده ادعميه بطريقه غير مباشره ولو قالك سبيني ومعرفش اي متسيبهوش خليكي معاه بس حاولي تخفيفي عنه وتفتحي مواضيع تانيه وبعد كده يبقى اتكلمي معاه عارفه انو لو الدنيا كلها جت عليه أنت معاه وحسسيه باهتمام خيكي جنبه وممكن لو ينفع تروحي تزريه انتي وعيلتك وتاخديله حاجه هو بيحبها مثلا وشركيه تفاصيلك وكده يعني بس متسيبهوش لوحده بجد علشان هو محتاج لوجودك معاه حتى لو بيقولك العكس وخلي عندك صبر كده وربنا معاكي
تم النشر الأحد، ٢٣ مارس ٢٠٢٥
لعرض السؤال في فدني اضغط هنا