انا من صغري وانا طفله متوحده يعني بحب ابقي لوحدي دايما مع مامتي 24ساعه لحد اولي اعدادي بدات اكبر واشوف ناس واصاحب واتخذلت كتير من صحابي فالمهم انا شخصيه اعتماديه مش بعرف اعمل اي حاجه لوحدي لازم مساعده فنا دخلت ثانوي وخلصت ودخلت كليه وطلعت وحشه جدا وصعبه فوق طاقتي وللاسف محدش بيساعدني لازم اعمل الشغل بإدي فالمهم انا مش هكمل وهحول من الكليه دي ودلوقتي انا قاعده ومش مستقره نفسيا بقيت كارهه كل حاجه وحاسه بالفشل وبعيط كتير ومحدش حااسس بيا بقيت متلغبطه ف كل حاجه مش عارفه اخد قرار كئيبه متشامه اي الحل عشان تعبت
هي للاسف موضوع الاعتمادية ده نشاتي عليه ف طفولتك .. ولكن هل انتي عندك استعداد انك تغيريه؟ وبالنسبة للكلية .. انتي شايفة ان الكلية الحالية صعبة، ولازم كل حاجه انتي اللي هتعمليها. انتي اختارتي انك تغيري الكلية، اختارتي الاختيار الاسهل للاسف، مش انك تحاولي تقولي مثلا ممكن انا غلطانة، وانا ممكن اغير نفسي !! حياتك اللي جاية عموما لازم تعتمدي فيها على نفسك، سواء كلية، او زواج بعد كده لانك هتبقى مسؤولة عن بيت .. ف انتي حاليا بتهربي .. المفروض انك تواجهي المشكلة مش تهربي منها. بس لابد أن يكون هذا قرارك.
تم النشر الثلاثاء، ٣٠ أبريل ٢٠٢٤
لعرض السؤال في فدني اضغط هنا