السلام عليكم، عادة الأحلام بتكون تفريغ لعقلك الباطن، يعني إذا بتقضي وقت طويل في التفكير قبل النوم أو بتمري بمشاغل على طول بتخليكِ تفكري فيها طول اليوم أو قلقانة، عقلك الباطن بيعمل تفريغ لكل ده لما بتنامي، وعادي هتكون أحلام عشوائية وملهاش علاقة ببعض. حتى لو مش بتشربي كافيين، مجرد إن ذهنك مشغول طول الوقت وخاصة في الفترة قبل النوم ده بيأثر على نومك سواء إنك تنامي غير مرتاحة أو تشوفي أحلام. جربي تمارسي روتين في آخر ساعة قبل النوم يساعدك إنك تتحكمي في أفكارك وتسترخي، صلي واقرأي قرآن وممكن تقرأي حاجة خفيفة مسلية قبل ما تنامي على طول، بلاش أكل قبل النوم، نامي خفيفة. فيه تمارين تمدد واسترخاء مناسبة لقبل النوم، ممكن تعمليها قبل ساعة مثلا من نومك. ممكن تكتبي أفكار إيجابية في ورقة وتفكري فيها قبل ما تنامي، ومهم كمان تشربي أعشاب مهدئة للأعصاب ومساعدة على النوم زي البابونج والنعناع، بيساعدوا جدًا عن تجربة. لو فيه أي مشاكل في حياتك محتاجة تتواصلي مع مختص، هتلاقي هنا في فدني خبراء كتير ممكن تتواصلي معهم. بالتوفيق إن شاء الله.
لعرض الإجابة في فدني اضغط هنا