مساء الخير
بقالي سنة تقريبا بدخل فى نوبات اكتئاب وإحباط وممكن يبقى عندي نشاط وطاقة وإنجاز لحاجات كتير وفجأة أحس إني مش عايزة أعمل حاجة.
وحرفيا انا عايشة أيامي كلها ما بين بصحى من النوم حالتي إيه ممكن أقعد أسبوع مش عايزة أشوف حد ولا أنزل ولا أروح ولا أعمل أي حاجة المفروض أنجزها فى يومي وأصوات كتير جوايا فى اللي عدى وخوف وقلق متواصل وعياط ولما يسأل بعيط ليه مش بلاقي إجابة
بس انا تعبت حرفيا من إن مزاجي كل يوم بحال اوقات كتير بحس إني عندي اكتئاب وأوقات هيبرة
ومترددة طول الوقت مابين أوك خارجة معاكم ولا مش عايزة، ممكن أنزل وأقرر أمشي بعد خمس دقائق وعندي صعوبة فى إني أختار مثلا أشرب إيه دا ولا دا وتردد طول الوقت وصوت فى دماغي بيهاجمني
وتخيلات دايما بتلاحقني
ما بين هم ليه عملوا كدا
طب انا فى حد بيحبني
ودائما بحس اني مش مهمة
او مرفوضة مع إني عارفة أن صحابي بيحبوني
انا تعبت بجد
بنسى كتير ودائما متشتتة وبتخض بسرعة وخوف وقلق وممكن أضحك وأعيط فى نفس الوقت
وبحس بالوحدة بسرعة والخذلان من أقل موقف
ورغم اني حلوة بحس لا ماستاهلش
او الرفض مش يمكن انا متحبش
او كان عنده حق لما خذلني
اتمنى حد متخصص يرد عليا
القرأن ثم القرأن ثم القرأن علاج للاكتئاب علاج لقله النشاط علاج للحزن علاج للألم واظبى دائما تحاول تقرأى سوره البقره سواء يوميا او تقسيمها مفيش مشكله ولازم لازم تشغلى سوره البقره على الراديو أو الفون يوميا وأكثرى من الدعاء وصلى الفجر وواظبى عليه
تم النشر الخميس، ٢١ نوفمبر ٢٠٢٤
بصي اللي انتي عايزاه هو انك تفوقي لنفسك بس هو ده الحل وأول شيء هيفوقك هو قراءة القران خصوصا سورة الدخان سورة البقرة أو الرقية الشرعية، دايما تشغيلها وثانيا، الهدوء النفسي والرياضة لانك محتاجة فعلا تفضي دماغك من كل ده والهدوء النفسي يعني يوجا أو تسمعي موسيقى هادئة أو حتى تقعدي مع نفسك وحاولي متفكريش. ثالثاً بقى ودي الأفضل اكتر هو قيام الليل اقعدي كدا مع نفسك علي سجادة الصلاة واقرأي قرآن بكل هدوء خصوصا بعد نهاية يومك وصلي حتي الفجر وبعدها صلي الضحى نامي واستهدي بالله وأهم شيء الهدوء النفسي وصدقيني انا بعمل كدا وحرفيا مرتاحه جدآ وخصوصا لما بتخلص صلوات ربنا كلها وأقعد علي سجادة الصلاة وأقرأ قرآن بجد برتاح جدا. وبس، انتي اللي موترهة نفسك حاولي تقولي كلام إيجابي لنفسك هايفرق زي انا جميله لا مش مستاهلة إني أتوتر لا مش هاتعصب انا قدها انا قويه انا هادئئ انا وانا وغيرها من الكلام اللي هيفرق معاكي جدا ياحبيبتي ❤️
تم النشر الخميس، ٢١ نوفمبر ٢٠٢٤
مساء النور، عزيزتي. أشعر بمعاناتك التي تذكّرني بمدى تأثير التغيرات العاطفية والنفسية على حياتنا اليومية. من الواضح أنك تمرين بفترات من الاكتئاب والإحباط، بالتزامن مع فترات من النشاط. هذه الحالة قد تكون مربكة وصعبة جدًا. من المهم أن تعرفي أنك لست وحدك في هذا الأمر، فالكثير من الأشخاص يعانون من تقلبات الحالة المزاجية. ورغم أنني هنا للاستماع ودعمك، إلا أنني أوصي بشدة بالتحدث إلى مختص في الصحة النفسية. يمكن للأخصائي أن يساعدك في فهم مشاعرك بشكل أفضل ويقدم لك استراتيجيات للتعامل معها. حاولي التركيز على الاعتناء بنفسك بطرق بسيطة، مثل كتابة مشاعرك في دفتر يوميات أو ممارسة أنشطة تحبينها عندما تشعرين بالرغبة. تذكري أن طلب المساعدة ليس علامة ضعف، بل هو خطوة مهمة نحو الشفاء. إذا كنت بحاجة إلى الدخول في تفاصيل أكثر حول حالتك، أو ترغب في معرفة كيفية البحث عن مساعدة مختصة، فلا تترددي في طرح المزيد من الأسئلة. اعتني بنفسك ولا تنسي أن الإيمان والتوكل على الله هما سمتان مهمتان في تجاوز المصاعب.
تم النشر الأربعاء، ٢٠ نوفمبر ٢٠٢٤
لعرض السؤال في فدني اضغط هنا