نصيحه لاخوكم
انا عندي 16 سنه في اولى ثانوي مش عارف اعمل ايه في حياتي تايه مش عارف اركز على الدراسه ولا الجيم ولا اتعلم مهاره تايه ما بين الحاجات دي وفي الاخر ما بعملش حاجه ممكن نصحتكم وركز على ايه في السن ده
أخي العزيز، أشعر بالتردد الذي تعاني منه في هذا العمر، فهذا أمر طبيعي جدًا. في سن السادسة عشر، تبدأ الكثير من الأفكار والاهتمامات في التشكل، ولذلك من المهم أن تأخذ بعض الخطوات العملية لتوضيح رؤيتك. إليك بعض النصائح التي قد تساعدك: حدد أولوياتك : حاول تحديد ما إذا كانت دراستك هي الأولوية الحالية. التعليم هو أساس مستقبلك، لذلك خصص وقتًا كافيًا لتركيزك على المواد الدراسية. توزيع الوقت : يمكنك تنظيم وقتك بحيث يكون لديك وقت للدراسة ووقت للنشاطات البدنية. ممارسة الرياضة مثل الذهاب إلى الجيم تعتبر شيئًا مهمًا لصحتك الجسدية والعقلية. استكشاف المهارات : يمكن أن يكون تعلم مهارة جديدة أمرًا مفيدًا جدًا. حاول استكشاف مجالات مختلفة، مثل الفنون، البرمجة، أو حتى تصنيع الحرف اليدوية. اختر ما يثير شغفك. التواصل مع الآخرين : تحدث مع عائلتك أو معلمي المدرسة حول اهتماماتك. قد يقدمون لك نصائح قيمة قد تساعدك في تحديد اتجاهاتك المستقبلية. التوازن : لا تنسَ أن تجد توازنًا بين الدراسة والراحة. من الجيد التعلم، ولكن من المهم أيضًا أن تأخذ بعض الوقت للاستمتاع. في النهاية، تذكر أن هذا هو الوقت لاكتشاف نفسك وبناء قاعدتك للمستقبل. استمتع بتجربتك وتعلم من كل خطوة. الله يوفقك.
تم النشر الأحد، ١٩ يناير ٢٠٢٥
السلام عليكم ورحمة الله، كل اللي انت محتاجه ترتيب أولوياتك وتنظيم وقتك. أولا، مهم جدًا تبعد عن تأثير السوشيال ميديا على تفكيرك واختياراتك... هتلاقي فيديوهات كتير عن الإنجازات وإزاي تكون كذا وكذا قبل العشرين وإن مينفعش توصل لسن كذا وأنت مأنجزتش أي شيء وهكذا.. هتلاقي نفسك مشتت وحاسس طول الوقت بالتقصير والذنب وإن كونك موصلتش للإنجازات اللي الناس دي وصلت لها فده معناه إنك شخص فاشل أو شخص عادي. فحاول تبرمج عقلك على إن قصصنا ومساراتنا مختلفة وتعريفنا للنجاح مختلف ومش لازم أكون صورة من حد معين عشان أبقى ناجح. أي خطوة بتمشيها للأمام دي إنجاز، أي شعور إيجابي وأي مساعدة للغير وأي حاجة جديدة بتتعلمها كل يوم فهي إنجاز. ثانيا، مراقبة وقتك خطوة مهمة جدًا... إذا راقبت وقتك كل يوم لفترة معينة، أسبوع مثلا على الأقل، هتكتشف كم كبير من الوقت المهدر اللي ممكن تستغله بطريقة جيدة بين دراستك والجيم وإنك تتعلم حاجة جديدة كل يوم. ثالثا، حاجة فرقت جدًا معي في تنظيم يومي وزيادة إنجازي وهي إني أقسم المهام على مواعيد الصلاة، ده بيخليك تحافظ على الصلاة وتواظب عليها وكمان بينظم وقتك ومهامك ويزيد البركة في يومك وشغلك. رابعًا، ترتيب الأولويات اقعد مع نفسك وهات أوراق واكتب كل الحاجات اللي نفسك تحققها والمواهب اللي عندك والحاجات اللي بتحبها والمهارات اللي مايل لها أو شايف عندك فضول لتعلمها... ده اسمه تفريغ للعقل. تخرج كل الأفكار الملخطبة والمتشتتة على الورق وبعدين هتحاول ترتبها من الأهم فالمهم. إيه أكتر حاجة ملحة وضرورية تعملها الفترة دي واللي لازم تاخد منك أغلب الوقت؟ ودي ممكن تحددها بسؤال واحد وهو... لو وقتك لا يسمح لك غير بشيء واحد بس من القائمة اللي كتبتها ومستحيل تعمل غيره.. هتختار إيه؟ طيب الجيم مهم لصحتك وعشان الرياضة بتحسن نشاطك وتركيزك... لكن هل فيه وقت للجيم خلال اليوم؟ لو مفيش؟ إيه المانع أخصص 10 دقائق للتمارين في البيت بحيث أحافظ على لياقتي لحد ما الإجازة تبدأ وأنزل الجيم. وهكذا... شوفي إيه الأهم دلوقتي وأعطِه الأولوية والوقت الباقي قسمه بين المهم... لكن مهم جدًا تعطي ولو ربع ساعة لتفريغ ضغوط اليوم في ممارسة هواية بتحبها. خامسًا، كل اللي فوق ده مش هيكون له أهمية إذا قصرت في صلتك بربنا وعبادتك ومطلبتش العون منه... استعن بالله وادعه يرزقك التوفيق والبركة في يومك وحياتك. بالتوفيق إن شاء الله.
تم النشر الاثنين، ٢٠ يناير ٢٠٢٥
السلام عليكم ورحمه الله وبركاته. طيب اولا شكرا ان انت دلوقتي بتدور انك ما تكونش تايه وانك تعرف تعمل في حياتك ايه دي نقطه كويسه جدا والحمد لله ان انت في سنك ده مش سايب نفسك تتوه اكثر من كده الموضوع ان شاء الله ان شاء الله بسيطه اه في قدامنا حاجات كثيره جدا بس احنا هنتعامل مع الحاجات الكثيره جدا كان في قدامنا دلوقتي الاوضه بتاعتنا مكركبه فالاوضه بتبقى مكركبه بنعمل ايه بنحط كل حاجه في مكانها فاحنا بس محتاجين نعمل زي ما يعني ربنا قال لنا تفكروا في خلق السماوات والارض ليه احنا المفروض نتفكر ونشوف ربنا بنى الكون ازاي علشان احنا ناخذ من نفس الطريقه اللي ربنا قام بها الكون واحنا كمان نعمل الكون الصغير بتاعنا احنا اللي هي حياتنا فشوف دلوقتي ربنا رتب لنا اليوم ان في صبح وفي بالليل في وقت لان احنا نقوم ونشتغل ونعمل كل الاعمال بتاعتنا في وقت ثاني. المفروض يكون وقت اكثر هدوءا والجسم يسكن فيه ودماغنا تسكن فيه يعني ناخذ فتره من الراحه عشان نقوم لنص اليوم اللي بعد كده اللي هو الصبح نعمل فيه برده الايه الجهد اللي احنا محتاجين نعمل فيه كل حاجه فبرده احنا محتاجين نتكلم من ده ان يكون دائما فيه عندنا في اليوم بتاعنا وقت يكون الوقت ده اللي احنا بنقوم بالاعمال بتاعتنا. ما ندخلش فيه اي حاجات ثانيه تلهي الاعمال بتاعتنا دي علشان نخلصها ونستنزف طاقتنا بشكل كويس ووقت ثاني يكون هو وقت الهدوء ووقت الراحه او اللي احنا ممكن نسميه وقت الاستمتاع او الوقت اللي احنا يعني بنلعب بنهزر فيه ضروري جدا ان احنا حياتنا تبقى متقسمه بشكل واضح ما تسيبش المواضيع كده تيجي بالظروف او ان في حاجات تانيه هي اللي تحكم لنا التقسيمه دي طبعا في حاجات بتبقى ااا بتسهل علينا يعني لو احنا اعتمدنا على اوقات الصلوات النهائي ان هي اللي تبدا تنظم لنا يمنى ده هتبقى حاجه رائعه فلما يومك يبدا مع صلاه الفجر فيكون في حاجات انت هتعملها من بعد صلاه الفجر. ده شيء جميل ممكن تنام لك ثاني بعد ما تخلص الحاجات اللي بعد صلاه الفجر دي هتبقى اخذت وقت اسمه وقت الراحه فتقوم عندك طاقه كويسه تاني تعمل فيها حاجات تانيه لحد صلاه الظهر وهكذا فعندنا اهو شكل مترتب لليوم انا اشوف عندي كم حاجه انا هجيبهم وارتبهم في ورقه انا عايزه اذاكر انا عاوز العب رياضه انا عاوز انمي مهاراتي جميل جدا يبقى انا عندي ثلاث حاجات اهو وعندي اليوم كله اقدر ان انا اوزع فيه ده زائد ان انا احط اوقات اريح فيها والعب فيها واقضي وقت مع صحابي واقضي وقت مع اهلي ايه ده هو اليوم الساعه كل ده اه طبعا هيساعد كل ده. زي ما انت شايف انه برضه نشوف ربنا بدا الكون ازاي ونشوف انه الشمس من وقت ما بتظهر علينا في الوقت بتاع الشروق لحد الوقت بتاع الغروب ما بنشوفهاش بتتحرك بسرعه قدامنا ده بيبقى فيه اوقات بتفضل كل شويه نشوفها بتظهر في مكان مختلف في كل وقت احنا بنحس بحرارتها بشكل مختلف وهكذا حياتنا ممكن تبقى كده اشوف فين الوقت اللي انا ببقى فيه اكثر نشاطا واحط فيها الحاجه اللي انا محتاج لها النشاط الكبير ده اشوف فين الوقت الثاني اللي بتكون الدنيا فيه حواليا دوشه ومش هقدر اعمل حاجه محتاجه وقت هدوء وهعمل فيه حاجات ثانيه ما يفرقش معاها الهدوء وهكذا الترتيبه دي هتفرق معاك جدا جدا جدا وكل ما عملت نظام وروتين لحياتك احنا دايما بنقول الروتين وحش لكن لا الروتين هو الاساس لازم يكون في عندي روتين اساسي وانا اللي بتحكم فيه
تم النشر الأحد، ١٩ يناير ٢٠٢٥
بص حط هدف قدامك شوف الأول انت عايز ايه يعني مثلآ انت شاطر في حاجه معينه لو في ركز فيها اكتر حاجه مش معنى كده إنك تهمل دراستك انت هتزاكر وتنجح بمجموع كويس بس مش لازم تقفل لو الي انت بتحبه ليه مستقبل اشتغل على نفسك ولو مافيش حاجه انت بتحبها دور واعرف انت بتحب ايه علشان مفيش انسان مفيش حاجة مش عجباه
تم النشر الأحد، ١٩ يناير ٢٠٢٥
ركز على الدراسة وحاول تتفوق فيها وتتعود. على المذاكرة علشان تالته ثانوى وتحاول تحسن من الانجليزى بتاعك وكمان انزل جيم عادى وعود. جسمك على الرياضة وخصص وقت لحفظ القران عادات بسيطة بتعمل فارق بعدين وبرضه متضغطش نفسك لانه كدة كده تالته جاية وهتضغط وكله هيجى فى وقته بس كويس جدا انك بتحاول تلاقى شغفك واستايل لحياتك
تم النشر الأحد، ١٩ يناير ٢٠٢٥
نصحتي ليكي ياعم انا اسمي احمد هو انك تذاكر في المدارس وفي الاجازة ركز في جيم ومهارة تانية
تم النشر الاثنين، ٢٠ يناير ٢٠٢٥
وركز في مذاكرتك اهم حاجه
تم النشر الأحد، ١٩ يناير ٢٠٢٥
ايام الدراسه ذاكر وفي الاجازة روح جيم او ممكن خلال أيام الدراسه تعمل يوم كده تنزل فيه جيم او اخر اليوم تروح جيم والرياضه حلوة برضو انزل العب كورة واتفسح واعمل اللي نفسك فيه بس بعد ما تخلص مذاكرة وذاكر اول بأول أولى ثانوى وثانيه كده كده هتعدى منهم بس اهم حاجه تذاكر ونظم وقتك كل ما تخلص مذاكرة كافئ نفسك مثلا انك لو خلصت الدرس ده هنزل الجيم هقعد مع اصحابى هأكل الشوكولاته دى ده بيحفزك انك تذاكر اكثر وفي نفس الوقت متحرمش نفسك من حاجه ربنا يوفقك وادعى لاختك ٣ ثانوى 😊😊😊لو احتاجت ايه سؤال اسألنى
تم النشر الأحد، ١٩ يناير ٢٠٢٥
السلام عليكم.. ياأخي لامانع من الجيم لاكن لا مانع ايضا اذا حفظ القرآن في هذه الفتره لن يأخذ ساعه يوميا فقط هذا قرآن فقط لن اقول لك شيئ اخر. عسي ان يكون سبب لدخولك الجنه
تم النشر الأربعاء، ٢٢ يناير ٢٠٢٥
لعرض السؤال في فدني اضغط هنا