انا حجزت الدروس
الكيمياء مستر عبد الجواد
فيزياء مستر محمود مجدى
انجليزى مستر عبد الحميد حامد
المدرسين دول يعتمد عليهم مع المذاكرة اول بأول والحل تمام ولا فى افضل علشان انا مشتته وخايفة
مرحبًا! بصي، المدرسين اللي انتي اخترتيهم واضح أن ليهم سمعة كويسة وأكيد يعرفوا يشرحوا الدروس بشكل كويس. المهم هو إنك تحافظي على المذاكرة أول بأول وتلتزمي بحل الأسئلة باستمرار، لأن ده هيزود من فهمك ومهاراتك. لكن برضه نصيحتي ليكي إنك تسمعي لرأي أصحابك أو طلاب تانية في نفس المدراس اللي أخدوا دروس معاهم، لأن التجارب الشخصية بتفرق. ممكن كمان تشوفي فيديوهات على يوتيوب للمدرسين دول وتشوفي لو شرحهم يناسبك. وفي النهاية، المهم هو اجتهادك انتي في المذاكرة وأنك متحسيش بالخوف وتثقي في نفسك. وأكيد لو حسيتِ بأي مشكلة في أي مادة، دايمًا فيه خيارات تانية وأساتذة تانيين ممكن يبقوا بديل. بالتوفيق يا بطل!
تم النشر الاثنين، ٨ يوليو ٢٠٢٤
مرحبًا بكِ، إن شاء الله بالتوفيق في دراستكِ. بعيدًا عن المدرسين الذين ذكرتهم، أهم شيء هو هل تفهمين شرحهم أم لا؟ المذاكرة والاجتهاد والحل بنجاح كل هذه أمور ترجع لكِ والاعتماد الأكبر عليكِ أنتِ. وهذه بعض النصائح لمساعدتكِ: *ضعي خطة لمذاكرة كل مادة ونظمي وقتكِ. *اهتمي بالتركيز أكثر أثناء المذاكرة لا بكم الساعات التي تذاكرينها، يمكنكِ مذاكرة أكبر قدر وبأفضل صورة في أقل وقت إذا ركزتِ جيدًا. *بعد استماعكِ لدرس سواء أونلاين أو بعد عودتكِ منه قومي بقراءة ما درستِه، ولو وقف أمامكِ سؤال أو نقطة لم تفهميها، اكتبيه في مذكِرة جانبية وحاولي البحث عن الإجابة على الإنترنت وعودي نفسكِ على البحث عن المعلومة، هذا سيفيدكِ جدًا بعد الثانوية وفي حياتكِ عامة. *إذا لم تستطيعي معرفة الحل بالبحث بنفسكِ، قومي بسؤال المدرس في الحصة التالية واكتبي الإجابة وراجعيها لاحقًا. *من المهم جدًا المراجعة المنتظمة، لأن المعلومات تثبت بمراجعتها... ابحثي عن طريقة (التكرار المتباعد) وطبقيها في مراجعتكِ. *من الأشياء المهمة جدًا، حل امتحانات السنوات السابقة. وأهم من هذا كله، أن تطردي الخوف والتوتر تمامًا لأن هذا سيؤثر جدًا على دراستكِ... الثانوية العامة سنة مثل أي سنة وليست سنة مصيرية كما يظن الناس لكن المجتمع هو من حولها إلى كابوس مرعب. توكلي على الله وابدأي، إذا كنتِ تفهمين من المدرسين الذين ذكرتِهم قومي بما عليكِ وإن شاء الله لن يضيع الله تعبكِ. بالتوفيق إن شاء الله.
تم النشر الثلاثاء، ٩ يوليو ٢٠٢٤
بالعكس ده الاون لاين بيديكي المعلومه كامله بشكل اكبر من السنتر لانه عارف انك ما لكيش مجال تسالي وهو بيشرح فبيلم في كل المواضيع اللي ممكن تخطر على بالك مع العلم كل مدرسين الاون لاين بيعملوا جروب للاسئله وبيردوا على الاسئله في وقت معين
تم النشر الثلاثاء، ٩ يوليو ٢٠٢٤
متمشيش ورا كلام حد. نصيحتي دايما خد اول اسبوعين مثلا جربي فيهم كل المدرسين وكمان اول أسبوعين م بيشرحو كم كبييير ممكن المدرس اللي بفهم منو انت مش هتفهم منو وهكذا. فانت جرب بنفسك واللي شايفو مناسب روح عندو وبلاش الدروس الكتييره كفايه مدرس لكل ماده وممكن تتابع يوتيوب بجانب درس السنتر
تم النشر الأحد، ١٤ يوليو ٢٠٢٤
مستر عبد الجواد ومستر خالد صقر كويسين جدا وخدت معاهم في سنه تالته على فكره وكنت باخد برده مع عبد الله الحبشي بس لما عملت مقارنه لقيت ان اكتر واحد ظبطلي الكيميا وخصوصا العضويه اللي هي بعبع الكيميا كان عبد الله الحبشي لانه بيشرحها بطريقه بسيطه لدرجه انك هتستغربي ان العضويه سهله كده
تم النشر الثلاثاء، ٩ يوليو ٢٠٢٤
موضوع الالتزام ده بيعتمد عليكي انتي سواء في السنتر او في الاون لاين انا جربت الاتنين عموما وكنت احيانا بنزل السنتر ومش بلتزم بس لما خلاص اخدت القرار كملت اون لاين وفعلا التزمت الموضوع يعتمد عليكي انتي مش على السنتر ولا الاون لاين خالص
تم النشر الثلاثاء، ٩ يوليو ٢٠٢٤
👈
تم النشر الثلاثاء، ٩ يوليو ٢٠٢٤
طب بقيت المدرسين حلوين
تم النشر الثلاثاء، ٩ يوليو ٢٠٢٤
مش بعرف اونلاين بس بحس ان فى معلومات مش كامله بخاف يعنى اعتمد اونلاين بس
تم النشر الثلاثاء، ٩ يوليو ٢٠٢٤
لقيت مستر عبد الجواد قريب وواحد اسمو امير ابراهيم بس كنت مجربة مستر عبد الجواد فى تانيه على اليوتيوب
تم النشر الثلاثاء، ٩ يوليو ٢٠٢٤
مش عاوزة اونلاين مش حابه ممكن ملتزمش زى السنتر
تم النشر الثلاثاء، ٩ يوليو ٢٠٢٤
دول اون لاين
تم النشر الثلاثاء، ٩ يوليو ٢٠٢٤
بيدى فين
تم النشر الثلاثاء، ٩ يوليو ٢٠٢٤
كيمياء انصحك عبدالله الحبشي ممتاز جدا وبيوصل المعلومات بطريقه سهله، اما الفيزياء كنت متابعه دكتور كيرلس اللي هو الدكتور في الفيزياء كان ممتاز حرفيا ،والانجليزي طبعا وبلا منازع وائل ميلاد احسن واحد تابعت معاه طول التلات سنين وكنت منتظمه معاه جدا
تم النشر الثلاثاء، ٩ يوليو ٢٠٢٤
لعرض السؤال في فدني اضغط هنا