ازاي اتخلص من الشعور الانتقام من وحده اذتني مع العلم اني حاولت كتير وبعدت عنها بشكل نهائي بس كل ما اسمع انها اتخطبت او نجحت او اعرف انها مبسوطه بحزن حزن شديد وقلبي بيتحرق.. حد يقولي ايه الحل😑
واحدة آذتك وبعدتي عنها نهائي يبقى ابعدي كمان عن المصادر ال بتسمعي منها اخبارها من فين بتسمعي انها تخطبت او نجحت او مبسوطة ؟؟ شوفي اخبارها بتوصلك من فين واقطعي المصادر دي تاني حاجه مجرد ما تيجي على بالك قولي حسبي الله ونعم الوكيل وتقوليها بيقين تام تام جدا ان ربنا هيردلك حقك سواء في الدنيا او الاخرة مجرد ما تقولي حسبي الله ونعم الوكيل وتتيقني ان حقك راجع هتهدي جدا ومش هتحسي بالحزن ال بتقوليه ده ولا ان قلبك بيتحرق ولا حاجه خالص باختصار فوضي امرك وارفعي مظلمتك لله هو كفيل يجيب لك حقك ولو بعد سنين او في الاخرة وعند الله تجتمع الخصوم
تم النشر الأربعاء، ٢١ يونيو ٢٠٢٣
خلينا نسأل الاول هل الانتقام فعلا هيكون مجدي لك في النهاية، او هيعود عليك بحاجه كويسة! بصراحه لا أظن. طيب ازاي اتخلص من شعور اني مش مبسوط طول ما هي مبسوطة وانا أتاذيت منها؟ بأننا نعرف ان كده كده اكيد فيه ناس هتيجي وتأذينا، يعني ايه؟ يعني هل احنا عايشين مثلا في الجنة؟ او في عالم مثالي؟ اكيد هيحصل لينا معوقات في حياتنا .. تعوق طريقنا .. لكن الهدف هل هو الانتقام، لأ خالص، الهدف اننا نبقى احسن في حياتنا ونقدر نتخطي ده، انت مش مقصود بالاذية، ولا تيجي تقول ليه هي اذتني انا، انا عملت ايه؟ انت ممكن متكونش عملت حاجه! اللي بيؤذي شخص بتبقى جواه الاذية نفسها .. بيبقى هو شخص مؤذي ... بطل انت المهم تتابعها .. وامشي في حياتك .. لان الخسارة هتبقى في قربها.
تم النشر الأربعاء، ٢١ يونيو ٢٠٢٣
العفو عند المقدره.. لو قادره تسمحيها لوجه الله اعملي كدا وحقك عند ربنا مش هيضيع وشليها من حسباتك خالص
تم النشر الأربعاء، ٢١ يونيو ٢٠٢٣
لازم عشان تنساها تمسح اي حاجه ليها علاقه بيها اي حاجه هتخليك تعرف معلومات عنها او تخليك توصلها امنعها وكمان فكرت الانتقام مش احسن حاجه لان انك تنتقم كدا هتفضل تفكر فيها برضو لان الكره كمان اهتمام ف اشغل نفسك ب حاجه وهتنساها
تم النشر الثلاثاء، ٢٠ يونيو ٢٠٢٣
انجحي انتي كمان واعملي لنفسك حياه اشتغلي وخدي كورسات واتعرفي علي ناس جديدة وقربي من ربنا ساعتها هتنسيها
تم النشر الأربعاء، ٢١ يونيو ٢٠٢٣
لعرض السؤال في فدني اضغط هنا