السلام عليكم.
دلوقتي كنت بشتغل في مكان حصل مشكله كده ان في حاجه سعرها كان غلط قلت سعرها غلط يعني والمفروض ان انا بعتها بخساره ودي مش اول مره بس الفكره ان اتلخبطت والمنتجات كتير والكلام من ده فحصل شدة ما بيني وما بين مدير المكان او صاحب المكان فخبطني بحاجه في قورتي المفروض فاتعورت ولما اتعورت وكده رحت الصيدليه قال ان هي مش محتاجه خياطه ورحت المستشفى قالي غير علي عليها
بس انا حاسس من جوايا ان انا ما خدتش حقي كفايه او إن أنا ما اتصرفتش الصح بس الفكره ان في المحل كان فيه اثنين شركاء صاحب المكان وشريكه، فمش عارف ايه اللي حصل ساعتها ايدي اتشلت ولا إيه اللي حصل بس ما عرفتش اعمل حاجه ساعتها وحاسس ان الموضوع ده مقصر فيا قوي وشريكه اتصل بيا وجالي وجاب لي علاج وطلب مني أرجع الشغل ثاني وانا بصراحه مش عارف اعمل ايه دلوقتي وحاسس إن أنا لو رجعت ابقى بضيع كرامتي ومش عارف بصراحه حاسس بجد ان انا ما كانش المفروض اعمل كده.
عايز رأيكم بأمانه ضروري
وعليكم السلام انت مكنش هينفع ترد عليه بنفس الطريقة انت لو محتاج الشغل ده ومسئولياتك هتتأثر ارجع الشغل بس بشروط انهم يحترموك والموقف يكون ليه تعويض مناسب لو تقدر تلاقى شغل غيره هيكون افضل لانك كمان واضح انك مش قادر تركز فى نوعيه الشغل اصلا
تم النشر الأربعاء، ٥ مارس ٢٠٢٥
وعليكم السلام ورحمة الله وبركاته. أشعر بما تمر به من مشاعر مختلطة ومدى تأثير هذه الحادثة على نفسيتك. من المؤسف أن تتعرض لموقف عنيف، فأنت تستحق بيئة عمل تحترم كرامتك وتضمن سلامتك. أولاً، من المهم أن تعطي لنفسك المجال للتعبير عن مشاعرك؛ فقد شعرت بالظلم والإهانة، وهذا أمر طبيعي. تذكر أن الاعتداء البدني ليس مقبولاً تحت أي ظروف، ويجب أن يتم التعامل معه بجدية. بخصوص العودة للعمل، من الجيد أن الشريك الآخر قد أبدى اهتمامه بك وكان حريصًا على راحتك وصحتك. يمكنك التفكير في الأمر بشكل منطقي: هل العودة ستساعدك على تعزيز موقفك أم ستزيد من شعورك بالإهانة؟ إذا قررت العودة، حاول أن تحدد الحدود وتناقش مع الشركاء موقفك. يمكنك التعبير عن مشاعرك بطريقة هادئة ومهذبة والطلب بأن يتم احترام كرامتك. أما إذا شعرت أنك لن تستطيع تجاوز هذا الأمر، فلا حرج في التفكير في خيارات العمل الأخرى. الأهم هو أن تسعى لبيئة عمل تضمن لك الأمان والاحترام. لا تتردد في استشارة أفراد ثقة أو محترفين لمساعدتك في اتخاذ القرار الصحيح. الأمور قد تكون صعبة ولكن طالما لديك الإرادة ستتمكن من تجاوز هذه الأزمة. أسأل الله أن يوفقك لما فيه الخير.
تم النشر الأربعاء، ٥ مارس ٢٠٢٥
انا رايي ترجع وتواجهه وتخليه يعتذرلك وتفهمه ان اخطاء الشغل وارده جدا وبتحصل ولو هوه مكانك هيغلط اكتر منك وان ده مش مبرر لتصرفه وان شاء الله هيعتذرلك وساعتها ممكن تقرر تقعد او تمشي بناء ع احساسك لو تقبلت ده او لا ولكن متتهاونش ف حقك ابدا
تم النشر الأربعاء، ٥ مارس ٢٠٢٥
تمام هعمل كدا اسلم
تم النشر الأربعاء، ٥ مارس ٢٠٢٥
لا ايدك ما اتشلتش ولا حاجه انت فقط لم تتوقع هذا الشي ولكن تأكيد لك أن سكوتك على ذلك من الله عز وجل جعل هذا رد فعل منك لأن كان ممكن تتصرف بشكل تاني وده مش صعب على أي حد ومفيش حد يقدر يغلطك على ذلك ولكن حكمه ربنا ورحمة بيك خلصت على كده ولكن لازم يكون في رد اعتبار من هذا الشي وهو إنك تقف أمامه مباشرة وتحدق بعينك في عينه مباشرة وأنا متأكد هيكون مرعوب وقتها لازم تبدأ بالنظر بكل ما تملك من زعلك على دمك حتى لو خفيف ولو لمحت هذا الخوف اتجه له مباشرة وتقول الآتي أنا كان سهل على ان احدفك أنا كمان بأي حاجة لكن ربنا الهمني الصواب وقتها بس انا مش عويل في إني اخد حقي منك بس انا لازم اعرف ليه الشركاء اللي بتقول كانو موجودين عملوا ايه وقتها ورد فعلهم معك كان إزاي عشان كذا الموضوع ممكن يختلف تماما من الناحية دى فيا ريت تعرفني
تم النشر الأربعاء، ٥ مارس ٢٠٢٥
بص الصراحه انت غلطت وهو جه عليك بطريقه مش كويسه بس طالما شريكه اعتزرلك فتمام ارجع وأثبت نفسك من اول وجديد ومتخليش حد يعلق علي شغلك
تم النشر الأربعاء، ٥ مارس ٢٠٢٥
تمام يا صاحبى رجوعك الى الشغل بناء على طلب شريك المحل وده عمره ما يقل من كرامتك بس كلم الشريك وعرفه ان ما يكون رجوعك الشغل يسبب مشاكل فيما بعد والاسعار خلى ديما معاك ورقه بالاسعار علشان لو نسيت تكون الورقه معاك تفكرك
تم النشر الأربعاء، ٥ مارس ٢٠٢٥
لو متخطتش الحدث ده مترجعش كرامتك اهم و ربنا إن شاء الله هيعوضك لو رجعت مش هتقدر تنسى و هتفتكر فى كل مره الحصل و لسه هم هم نفس الأشخاص متعرفش اى الممكن يحصل لو انت قادر تواجه و الموضوع انتهى بالنسبة لك ارجع بس متجيش على نفسك لأي سبب
تم النشر السبت، ٨ مارس ٢٠٢٥
لا خالص بس كلموني اني ارجع الشغل ب إلحاح شديد
تم النشر الأربعاء، ٥ مارس ٢٠٢٥
هل أثناء ذلك دار حوار بينكم؟
تم النشر الأربعاء، ٥ مارس ٢٠٢٥
الشريك التاني وداني الصيدليه و جابلي علاج و فضل معايا لحد ما روحت
تم النشر الأربعاء، ٥ مارس ٢٠٢٥
لعرض السؤال في فدني اضغط هنا