كنت تعبانة لفترة طويلة وروحت لدكاترة كتير وكل واحد بتشخيص مختلف اخر واحد قالى معندكيش حاجة بس كله بسبب الضغط والتوتر ، ف مشيت على العلاج فترة جاب نتيجة زى كل التجارب اللى قبل كدة وبعدها بقى ملوش لازمة ووقفته، حاليا الألم رجع اسوأ من الاول بمراحل وباخد مسكن قوى كان بيجيب نتيجة حاليا ممكن اخد ٤ ف اليوم ومن غير نتيجة، وبابا كل ما اقوله يقولى صلى على النبي او هاتى مية واقرى عليها قرآن وهتخفى بس انا مش بقتنع بكدة او اللى هو ممكن اخف فعلا طب ما انا جربت اكتر من مرة برضو ومخفتش، مش عارفه المفروض اعمل ايه او اقنع بابا ازاى عشان لما بقوله مش بقتنع بكدة بيضايق ويقولى ربنا قادر يشفيكى طب ما انا عارفة كدة!
وكمان كنت باخد علاج للاكتئاب بسبب معدتى عشان يخفف الضغط عنى وتعبنى فوقفته وحاليا خايفة ارجع من دماغى يتعبنى برضو وكمان بيعمل ادمان
اكشفي تخصص أمراض مناعية، واكشفي عند طبيب نفسي بعدها فإن لم يكن السبب أمراض مناعية، فوارد يكون بسبب ضغط نفسي والأمراض النفسية على المدى الطويل تسبب الآلام الجسدية عن تجربة
تم النشر الجمعة، ١٢ مايو ٢٠٢٣
قالوها زمان " الغرقان بيتعلق بقشايه" بغض النظر عن إيمانك باللي بيقوله بس انتي جربتي الطب جربي كلامه ومش هتخسري حاجة... المنطق والتفكير العقلي اثبت علم الغيبيات من اول التيار الكهربائي اللي ف السلك اللي مش بنشوفه للروح اللي مش عارفين ماهيتها لحد دلوقتي.. "ومااوتيتم من العلم الا قليل"
تم النشر الثلاثاء، ٩ مايو ٢٠٢٣
الدكاترة ديه كانت دكاترة نفسيين؟ ولا دكاترة تخصصات مختلفة .. وبالتسبة لدواء الاكتئاب خطر جدا انك لو كنتي بتخدي الدواء من دون ما الطبيب يكون كاتبلك عليه. وغلط جدا انك توقفي اي علاج او تزودي في الجرعة او تقللي من نفسك له مضاعفات ممكن تحصل.
تم النشر الثلاثاء، ٩ مايو ٢٠٢٣
ادعي الله والله قال أجيب دعوة الداع إذا دعاني
تم النشر الخميس، ١٤ سبتمبر ٢٠٢٣
لعرض السؤال في فدني اضغط هنا