وعليكم السلام ورحمة الله وبركاته.. لعلك بخير.. دايما لازم ناخد ف حياتنا ان كل حاجه بتبعد عننا هي مش من نصيبنا او كانت شر لينا وزى م بيقول عمر بن الخطاب ؓ : "لو عرضت الأقدار على الإنسان لأختار القدر الذى أختاره الله له." أنا أستاذ الدين بتاعي ربنا يديه الصحه ويمسيه بالخير كان بيقولنا وأنا ف أولي ثانوي: دايمًًا ادعوا بالزوج الصالح حتي لو الموضوع بالنسبالكوا مش مهم، أنا قبلها كنت بقول جواز اي وبتاع اي وايخيه ولسه بقول يعني 😂.. بس مش زي الأول، دلوقتي أنا بدعي دايما بالزوج الصالح، وأنا قعدت مع نفسي ڪده أشوف الصفات اللي أنا عايزاها فيه عشان أدعي ربنا بيه، وعملت دعاء خاص بيا للزوج اللي أنا عايزاه ان شاء الله مستقبلا ان كان ف العمر بقيه.. وهو: اللهم ارزقني بزوجٍ صالح يعملُ بدينك، ويتقي الله فيَّ ويسعدني وأُسعده ويڪون لي خير رفيقٍ إلي الجنه ويصبُ عليَّ الحُب صبًا ويُعوضُني عن ڪل شيء ويأخذ بيدي إلي الجنه ويُبعدُني عن النار. والحمد لله انا بدعي ربنا ڪل يوم بيه، مع اني معرفش هو مين، مع اني بأُعجب بناس برضوا زمايلي وده غلط أنا عارفه، بس أنا والله بجاهد نفسي اني أغض البصر ع قد م اقدر وبفڪر نفسي دايما طالما عايزه زوج كويس،متبصيش لشخص مش من حقك تبصيله ، وربنا يعيني ويعين اللي عايز/ه يلتزم.. بس اللي أنا عايزه أقوله انك متفڪريش ف الموضوع أصلا، انتي وانا واي بنت وعلفكره برضوا اي ولد، مش قدامنا غير ان احنا ندعي ربنا،ونصبر،ونعف نفسنا عن الحُب الحرام عشان اللي بيبدأ بحرام مش بينتهي غير بحرام "بس الولاد يعني عليهم خطوة التقدم وانه يدخل البيت من بابه ويبقي راجل مش يدخل البيت من واتسابه " ف انتي يروحي متفكريش ف حاجه اصلا، وانصحك تسمعي دكتور عمرو ابو خليل علي يوتيوب بيتكلم عن الموضوع ده وهتستفادى قبل م تُقدمي علي خطوه زي دي، ولو حد اتقدملك اطلبي مهله مثلا بعد الرؤيه الشرعيه انك تفكري واستخيري ربنا 3 مرات الاول ولازم تسمعي دكتور عمرو ابو خليل، وسيبك من أي حاجه، معلش أنا مش عندي خبرات يعني بس اللي انا عارفاه قولتهولك انا لسه قاصر والله 😂. بس اقولك حاجه.. اختاري اللي قلبه نضيف ، اللي يعرف يِحن و يطبطب ، القوي السَّوي ، عشان الحب لوحده مش ڪفاية ، الحب مع العِشره و الأطفال بيبدأ يِقل مش بيختفي "بيقل" و بتفضل بس المُوده و الرحمه ، إختاري الشخص اللي عارف ربنا ڪويس عشان يتقي ربنا فيڪي ، الشخص اللي إن أحبك أڪرمك و إن غضِب لن يظلمك. وبسڪده يبسڪوته ابتسمي بقا.. 🤍
تم النشر الأربعاء، ٢ أكتوبر ٢٠٢٤
2 تعليق
الشكر لله يروحي
تم النشر الأربعاء، ٢ أكتوبر ٢٠٢٤
مأحلا حكياتك على فكرة🥺❤ بتشكرك كثير كثير على كل اشي كتبتيه وعنجد هيك خلينا نقول اعطيتيني نظرة تانية كنت اعرفها بس ما بنفذها الي هي اني ما أفكر كتير لانه التفكير بوتر جدا، اتركها على ربنا واتوكل وبنفس الوقت اواظب على الدعاء طبعا، وبسكدة يبسكوتة يسلمو♡🤭❤
تم النشر الأربعاء، ٢ أكتوبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك