هو ليه بحس انى عاوزة احب وتحب عارفة انو حرام وعمرى مااعمل كدا بس سعات بيجيلى الاحساس دة حد يكون بيحبك ويعمل اى حاجة عشانك مش عارفة من صغرى وانا عارفة انو حرام طبعا وبرفض اى حاجة زى كدة
الاحتياج العاطفي ليس حرام اكن لكل وقت الاحتياج الخاص به ومنذ الطفولة كلنا في حاجة إلى حب الام والاب وحين نكبر نتمنى حب الاقارب والناس وفي سن البلوغ نتمنى حب عاطفي خاص يشبع احتياجنا وهذا يتحقق بحسن اختيار الشخص المناسب حتى لا نهدر مشاعرنا مع من لا يؤتمن عليها وربنا يوفقك لكل خير ويبعد عنك كل شر
تم النشر الأحد، ٩ يونيو ٢٠٢٤
ايه العسل دا🥹 شطورة ياروحي والله🥹 جدعة واوعي تضعفي، دي فطرة ربنا سبحانه وتعالى في عباده عشان النسل يستمر والانسان ماينقرضش وبتبقى زيادة شوية عند البنوتة عشان طبيعتها عاطفية. بس ايه بقا! رددي في عقلك دايما: قلبي عزيز لا يأخده إلا عزيز، وما الحب إلا من أتى البيوت من أبوابها(مش عايز يتسلى من التليفون)، وإني أغلى من إني أرخص نفسي واكلم واحد من ورا أهلي وأخليه يشوفني بالرخص دا! + أهلي الغاليين اللي كبروني وخلوني بفكر كدا مايستاهلوش مني إني أخون ثقتهم فيا. واصبري لغاية اما باباكي هو اللي يسمحلك بكدا مع اللي يستاهلك وتستاهليه وقدام الناس كلها وساعتها بس هتحسي يعني ايه حلال وتحمدي ربنا اته قدرك وصبرتي عشان خاطر الإحساس دا، شطورة يا روحي🥹
تم النشر الأحد، ٩ يونيو ٢٠٢٤
هو ده شعور طبيعي و الحب مش حرام ولا حاجة لكن في إطار شرعي ..ربنا يرزقك الزوج الصالح
تم النشر السبت، ٨ يونيو ٢٠٢٤
دي فطرتنا كبشر اننا بندور على الاحتواء وخصوصا ان البنات برضو عاطفيات محتاجين يحسوا بالامان والحب فنصيحتي اشغلي وقتك في حاجه مفيده لحد ما ربنا يكتبلك الزوج الصالح الي يديكي كل الي بتتمنيه
تم النشر السبت، ٨ يونيو ٢٠٢٤
أولاً، خليني أقولك أن الإحساس دي طبيعي جداً. كلنا كبشر بطبيعتنا بنحتاج نحب ونتحب. مشاعرك دي مش عيب ولا حرام، هي جزء من كونك إنسانة عندها مشاعر واحتياجات. فيه فرق بين إنك تحسي بالرغبة في الحب وبين إنك تعملي حاجة بتتناقض مع قيمك ومعتقداتك. الرغبة في الاحتياج العاطفي شيء، وتنفيذه بطريقة غير مناسبة أو محرمة شيء تاني. بدل ما ترفضي المشاعر دي أو تحسي بالذنب، ممكن تركزي على تطوير علاقاتك مع الناس القريبين منك اللي بيحبوك بصدق، زي العيلة أو الأصدقاء. الحب بيوجد في أشكال كتير وما بيقتصرش على العلاقات العاطفية الرومانسية بس. كمان، تذكري إن الحب الحقيقي غالباً بيجي في الوقت المناسب اللي بيكون فيه كل حاجة متوافقة مع قيمك ومبادئك. نصيحتي لك إنك تركزي على تطوير نفسك وتنمية مهاراتك، وهتلاقي الحب الحقيقي بطريقته المناسبة في الوقت المناسب.
تم النشر السبت، ٨ يونيو ٢٠٢٤
السلام عليكم ورحمه الله اهلا بيكي الحب دا شعور فطري مولودين بيه و احتياج طبيعي جدا ، و عادي جدا الإنسان يحب دي حاجه مش بإيدينا ولكن اللي نملكه هو أننا لا نقع في الغلط أو الحرام تحت مسمي الحب. هيجي الوقت و يخرج الحب مع الشخص المناسب و تحبي و تعبر عن كل اللي جواكي و دا طبيعي انك تفكري فيه، ربنا خلقنا الست تميل للعاطفه و الحب. ربنا يرزقك الحب و الموده مع شريك حياتك تحياتي لك.🌹
تم النشر الاثنين، ١٠ يونيو ٢٠٢٤
تم النشر الأحد، ٩ يونيو ٢٠٢٤
مش عارف ليه من دلوقتي بدعي في معظم صلواتي بالزوجة الصالحة وانا لسه مش جاهز للجواز اصلا وسني صغير 😂
تم النشر الأحد، ٩ يونيو ٢٠٢٤
لعرض السؤال في فدني اضغط هنا