سؤال انا اعاني من احلام اليقظة الكثيرة لدرجة سيئة جدا حتى اصبحت لا استطيع ان افرق بين الواقع و الخيال و تداخل خيالي مع ذكرياتي حتى ادركت ان معظم ذكرياتي كانت من وحي خيالي و اصبحت لا استطيع ان انجز مهامي او ان اركز في دراستي و لا استطيع ان اكمل مشاريعي و الامر اصبح مزعج جدا و جعلني ابتعد عن عائلتي و اصدقائي حتى اني غير منتظمة في صلاتي و اشعر اني مشتتة و خائفة من الفشل هل لدى احدكم حل بس محدش يقولي متقعديش لوحدك لان محدش بيطيقني و كلهم بيقولولي احنا مش فاضيين لك حتى اصدقائي و شكرا مقدما.
ان كانت الاحلام مأثرة علي حياتك، لابد من زيارة طبيب نفسي ام ان كانت غير ماثرة، من الممكن استغلال تلك الاحلام في تحقيق نجاحات
تم النشر الخميس، ٢١ مارس ٢٠٢٤
حاول أن لا تسترسل مع تلك وكل ما تأتيك قل لنفسك لا تسترسل وادعي ربنا كتير خصوصا قبل الفطار احنا في أيام مباركه وياريت لو تتواصلي مع دكتور نفسي هيكون أحسن بكتير جدا
تم النشر الخميس، ٢١ مارس ٢٠٢٤
اولا ليكن صمتك كثيرا ثانيا الحفاظ علي الصلاة وتلاوة القرآن يوميا وقبل النوم أية الكرسي ثالثا غير المكان لمدة قليلة أيام ااشغلي بعض من الوقت في العمل المجهد
تم النشر الخميس، ٢١ مارس ٢٠٢٤
اللي بتشتكي منه ده حاجة منتشرة في المرحلة العمرية بتاعتك. الإنسان في سن المراهقة بيحب يهرب من الواقع و بيعيش في عالم من الخيال اللي يناسبه و يكون عالم مثالي و كل حاجة فيه مثالية عكس كل حاجة بيكرهها و ينتقدها في الواقع. أولا متقلقيش من النقطة دى ثانيا مطلوب منك تعملي كل يوم بالليل قبل ما تنامي جدول للحاجات اللي مطلوب منك تنجزيها بكرا سواء في الدراسة او الدين او اي مجال و آخر اليوم تقعدي مع نفسك و تحاسبي نفسك عن اليوم بتاعك بنظام الثواب عن كل حاجة قدرتي تنجزيها و العقاب علي كل حاجة متنفذتش. شوفي انتي ايه الثواب اللي تقدري تحطيه لنفسك بحيث يبقي حافز ليكي إنك تنجزي المهام بتاعتك و إيه العقاب اللي تقدري تعاقبي نفسك بيه بحيث يبقي رادع ليكي و يخليكي تحاولي تنجزى كل المهام بتاعتك
تم النشر الخميس، ٢١ مارس ٢٠٢٤
صدقيني القعده لوحدك دي هتأثر علي اكتر في التفكير في الاحلام حاولي انك تغير جو تخرجي تتقربي من اهلك من اصدقائك وانك اقعدي معاهم اشغلي نفسك في الدراسه بس حاولي تطلعي نفسك ومتفكريش انك هتفشلي لا ديما حطي طموح انك هتنجحي
تم النشر الخميس، ٢١ مارس ٢٠٢٤
أولا هنصحك انا كنت مثلك بظبط في الاحلام كانت مأثره علي حياتي في كل حاجه بس وربنا انتظمت علي تشغيل القرآن ووخصوصاسوره البقرا وتشغيلها وتنامي عليها والرقبه الشرعيه والاذكار والاستغفار وتقراي ايه الكرسي وتنامي علي وضوء صدقيني لو انتظمتي في كل دول هتحبي الصلاه وهتنتظمي فيها وجربي من النهارده صدقيني هترتاحي
تم النشر الخميس، ٢١ مارس ٢٠٢٤
16 سنة
تم النشر الخميس، ٢١ مارس ٢٠٢٤
انتي عندك كام سنه
تم النشر الخميس، ٢١ مارس ٢٠٢٤
عندك كام سنه
تم النشر الخميس، ٢١ مارس ٢٠٢٤
لعرض السؤال في فدني اضغط هنا