انا عندي ٢١ سنة طول عمري بصلي بس من فترة وانا بكروت في الصلاه اوي وغصب عني مبقدرش اصلي بخشوع وبحاول اجبر نفسي بس بلاقيني صليت بسرعة جدا برضو مش عارفة اعمل ايه
اولا حاولي كل يوم تدعي وتطلبي من ربنا الخشوع وتقولي رب احعلني مقيم الصلاة ومن ذريتي ربنا وتقبل دعاء وتقولي اللهم ارزقني الخشوع في الصلاة ثانيا حاولي تحفظي كل يوم ايتين بس لو مش بتقدري تحفظي كتير والايتين ال هتحفظيهم هتصلي بيهم هتقرأي في الركعه الاولى ايه والركعه الثانيه ايه وده اقل القليل يعني لو تقدري تحفظي اربع ايات ست ايات براحتك طبعا ويكون افضل بس عموما القراءة بالمحفوظ بتزيد تركيزك في الصلاة انصحك تقرأي سلسلة كيمياء الصلاة لاحمد خيري العمري بس ياريت تشتريها مش تقرأيها على النت لانه كان قايل في بوست انه مش مسامح من يقرا كتبه اونلاين .هي خمس كتيبات صغيرين حاولي تتعاملي مع الصلاة انها اهم حاجه في يومك مش تأدية واجب وبس . انا رايحه اصلي يبقى افضي ذهني من اي حاجه ولو مقدرتش يبقى اصلي بالراحه وعلى مهلي اركع بهدوء واقول سبحان ربي العظيم تلات مرات بهدوء واقوم باداء اركان الصلاة بالراحه وده بيخلي جسمك اهدى ويجمع تركيزك اكتر قبل كل صلاة تذكري حديث ما معناه ان الشخص ممكن يصلي ثلاة ولم يقبل الا نصفها او ربعها او ثلثها او خمسها لغاية ما قال او عشرها فحاولي تحرصي ان صلاتك يقبل منها اكبر جزء بإذن الله ربنا يعيننا جميعا ويرزقنا الخشوع ويتقبل منا
تم النشر الخميس، ١٥ يونيو ٢٠٢٣
في اذكار لما التزمت بيها بعد كل صلاة اتوفقت في موضوع الصلاة جدا سبحان الله 33 مرة الحمد لله 33 مرة الله اكبر 34 مرة واستغفر الله 100 مرة الارقام هتحسسك انهم كتير بس بمجرد ما تعملها مره على صوابعك او على سبحة اليد هتلاقي انها بتخلص بسرعة وفعلا بتنتظم على الصلاة سبحان الله
تم النشر السبت، ١٧ يونيو ٢٠٢٣
بصي انا هقولك تجربه شخصيه انا كدا بردو ولما بلاقي نفسي بجري ف الصلاه او بسرح برجع اقول ف دماغي اني بين ايدينا ربنا دلوقتي واني بكلمه دلوقتي وبحاول انوع ف السور الصغيره مكررش السور و السوره ال أقرأها اكون فاهمه تفسيرها عشان وانا بقراها اكون فاهمه ومركزه ف المعاني ال بقولها.. دا غالبا ال بعمله وممكن تشوفي شيوخ ع يوتيوب تدوري ع حد كويس كدا واسلوبه كويس تفهميه كان ف واحد شوفته بس ناسيه اسمه لو لقيته هكتبهولك.. وربنا يهدينا جميعا
تم النشر السبت، ١٧ يونيو ٢٠٢٣
حاسه أن صلاه قيام الليل أو الفجر ب الذات وتطولى ف الصلاه يعن تمسكى المصحف تقرأى كذا صفحه وانتى واقفه وحاولى وانتى ف السجود تحكى همك ل ربنا وعيطى عيطى بجد العياط دا هيخليكى انك تقربى من ربنا عشان هتلاقيها حاجه كبيره اوى بتطلعك عن اللى انتى فيه حاولى تشوفنى نعم ربنا عليكى يعن كفايه نعمه الاسلام حاولى تعيطى حتى لو مش عاوزه اكيد دا هيفرق معاكى كتير
تم النشر الجمعة، ١٦ يونيو ٢٠٢٣
ببساطة تخيل انك قدام ربنا واقف قدامه مش في الدنيا إنما في الاخره وبتشكي كل ال جواك بس بالقران ال بتقوله في الصلاة تخيل لو حد كلمك وانت قدام ربنا هترد عليه أو هتخلص الصلاه بسرعه. وتخيل أنك بتخلص الصلاه بسرعه لان ربنا هو ال مش عاوز يقابلك صعبه صح وده كفيل يخليك الهدف من صلاتك انك ترتاح من ضغوطات الحياه مش ترتاح من الفرض ال عليك. ربنا يهديك يارب🤍
تم النشر الخميس، ١٥ يونيو ٢٠٢٣
عشان نخشع لازم نركز فالكلام اللي بنقوله فالصلاة مثلا واحنا بنقول الحمد لله رب العالمين نقولها بصدق اننا بنحمد ربنا على كل النعم اللي فحياتنا وكدا مع كل الآيات ونفكر ان استعجالنا دا ممكن يخلي الصلاة متتقبلش اصلا ونصلي كأن الصلاة دي اخر صلاة لأن في مرة من المرات هتكون بتصلي اخر صلاة فعلا محدش عارف امتى ف شوف لو دي اخر صلاة ليك هتكون خاشع فيها قد ايه وصلي كل مرة كدا، وحاولي تحفظي أدعية جديدة وتقوليها فالسجود هيساعد عالخشوع
تم النشر الخميس، ١٥ يونيو ٢٠٢٣
ايه السبب اسالي نفسك السؤال ده مفيش سبب مقنع علشان السؤال ده ملوش اجابه ده صلاه انت بتبقي واقفه قدام ربنا يعني متفكريش في حاجه غير انك بتصلي حتي لو حصل اي عندك مشاكل اشكي لربنا وادعيه بس صلي بخشوغ وعلشان ساعتها هتحسي بامان صدقني وده شيطان الشيطان بيحاول يبعدك عن ربنا علشان كده استغفري كتير خلي الشيطان يبعد عنك وربنا معاكي ويسعدك ♥️
تم النشر الخميس، ١٥ يونيو ٢٠٢٣
الاطمئنان ركن من اركان الصلاه يعني شرط من شروط صحة الصلاه اصلا لما بفكر نفسي بكدا بجبر نفسي اصلي بهدوء ولما بهدي ف كل حركه بيبقي الخشوع اسهل
تم النشر الخميس، ١٥ يونيو ٢٠٢٣
شكرا♥️
تم النشر الخميس، ١٥ يونيو ٢٠٢٣
لعرض السؤال في فدني اضغط هنا