جماعه بجد المشكله دي ماثره فيا ونفسي احلها مش عارفه انا بنت وعندي 16 سنه مكنش عندي طفوله بس كنت احسن من غيري كنت بحفظ قران ونا عندي سنتين لحد 9سنين وكنت قربت اختم بس حصلت مشاكل كتير وقعدت وفمدرستي كنت بطلع الاولى ع طول وكل المدرسين بيشكرو فيا وف أخلاقي كل دا حاليا متغير ومش بزاكر ولا بفتح كتاب مش إهمال مني دا من اهلي وهما مش حاسين كان بنهم مشاكل كتير وهينفصلو وكل دا شفتو ونا صغيره ف اثر فيا بقيت بنسى ونفسيا تعبانه والحاجات الي بيعملوا بقيت بعملها حاولت كتير ارجع لنفسي ولربنا مش عارفه وحاولت أفهمهم الي فيا بيقولوا انتي بتخترعي مفيش حد فسنك عندو كدا مش بيجبولي كتب ازاكر فيها ولا بروح دروس وعايزني انجح لله وللوطن وللعلم انا ف اولى ثانوي ازهر وعلمي كمان والمواد تقيله جدا معنديش صحاب ومش بصاحب حد ومتعقده ف عشتي وبقيت اكره ابويا اوي عشان هوا السبب ف كل المشاكل امي ملهاش ذنب امي زي اي ام مصريه بتخاف ع ولادها وعلى مستقبلهم امي كانت تصلح ابويا يبوظ حاولت كتير تغيروا معرفتش لحد مطلبت الطلاق ديما بيحبطني وبيقارني بناس زباله بس هوا شايفهم ملاك وشاطرين ومحترمين قلبي بيوجعني لما يفضل يشكر ف حد ويطلع بيه القلعه ونا بيهزقني ويقل مني مش عارفه اعمل ونفسي ارجع زي زمان وابعد عنو واوريلو انو هوا السبب واعرفو اني بقيت حاجه بس مش عارفه نفسيا ومعنويا ولا عارفه اتعايش مع كل دا بقا عندي فقدان شغف كبير وعدم تفائل بجد معنديش امل ف حاجه غير اني بقيت اكلم ولاد ونا الطرف التوكسيك ف العلاقه مش يكتفي بشخص واحد دا مش طبعي ومش أخلاقي بس لما كنت صغيره كنت بشوف ابويا بيعمل كدا بقيت زيو بس الحمدلله بطلت دي واكتفيت بشخص واحد ويارب ارجع مكلمش حد وارجع لحياتي اي حد يشوف كلامي دا يدعيلي مش شرط تكون عرفني ادعيلي بنيتك وبجد هبقا ممتنه ليك واسفه طولت
شكرا لحضرتك بجد انا بحاول بجد ارجع لنفسي وبحاول ابطل اللي انا بعملو بس اني اسامحو مش هقدر ودا غصب عني بجد مش هقدر لأن دا مش أذى طبيعي بجد وحتى لما بقولو كل اللي انا فيه انت سبب فيه بيقولي علقي شماعت خبتك عليا بقا يعني مشش حاسس اصلا ف مش هقدر بجد شكرا لكل كلمه قولتيها بجد ❤️❤️
تم النشر الأحد، ٢٦ مايو ٢٠٢٤
جمله هقولها لك وبقولها لكل حد بيبقى عنده نفس النوعيه من المشاكل بجد من اصعب الابتلاءات ومن اثقل الابتلاءات ان الواحد يبتلى في اهله. زي ما بيبقى الاهل برضو من اصعب الابتلاءات ان هم يبتلوا في اولادهم دي اصعب حاجه كل ما بيكون الابتلاء في القريبين بتبقى الدنيا اصعب طيب مين اللي بيجي لهم الابتلاءات الكبيره اللي ربنا عايزهم في مكان عاليه دي حقيقه يعني مش مش نوع من التشجيع دي حقيقه اللي مكانته عاليه ربنا بيتقل عليه الابتلاء علشان صبره وتعامله مع الابتلاء ده وجهاده لنفسه قصاد الابتلاء هو اللي يخلي درجاته تعلى باذن الله في الجنه ان شاء الله. تقدري تعملي ايه في الوضع اللي انت فيه اول حاجه تعمليها؟ انك تسامحي والدك على جهله. سامحيه على ان هو مش شايف المصيبه اللي هو بيعملها سامحيه على ان هو مش عارف قد ايه هو هيتحاسب على التقصير والازرق اللي هو اذهه لك وكان مخليكي واحده من الاسباب ان انت تتجهي في طريق مش صح او يبقى عندك نقطه ضعف الشيطان ياثر عليك بها. سامحيه عشان هو كده كده هيتحاسب السماح مش مش عشان هو يخف عنه حاجه ولكن عشانك انت. علشان انت مش هتقدري انك توصلي لاجابات او حتى لو عاتبتي والدك تقدري تحسي بالراحه. اتعبيه بس هيبقى نفسك هو يقول لك انا اسف على اللي انا عملته ودي حاجه احتمال انها ما تحصلش. احتمال لحد اخر يوم في عمره ما يدركش اللي هو بيعمله. فانت تريحي نفسك خالص من القصه دي وتسامحيه على جهله ده لعل ربنا برضو يسامحه على اللي هو مش شايف ان هو بيعمله. طيب نورنا كده اللمبه بتاعه السماح نبدا نبص لنفسنا بقى. انا عايزه مين اللي لما يبص لي يطلع بيا القلعه ومش القلعه بس بقى يطلع بيا السمك. ماما لا مش شرط ماما طب اهلي لا مش شرط طيب الجيران لا مش شرط طب الناس برضو التانيين اللي هم الوحشين لبابا شايفهم حلوين لا برده مش شرطه. انا عايزه ابقى كويسه علشان ربنا. علشان ربنا يكون راضي عني عشان ربنا يشوفني فعلا انسانه تستحق مكانه عاليه في الجنه ومش مهم بقى كل الناس التانيه دي هتشوفني ازاي ايوه هي بتبقى نقطه مهمه واه هو احتياج من الاحتياجات المهمه جدا للانسان ان هو يشوف قيمته في عيون الناس القريبين منه بس احنا عندنا هنا دلوقتي ابتلاء بيقول لنا الناس دي مش هتديكم اللي انتم محتاجينه. فانا الجهادي قصاد ده ان انا اقول وانا مش عايز ده منكم. انا هبطل اعوز ده منكم؟ مش هقول لك ارجعي للشخصيه القديمه ولا اللي كانت بتعمل وتسوي بس هقول لك شوفي دلوقتي انت حابه تبصي لنفسك وتكوني فخوره بيها ازاي هتشوفي نفسك عامله ازاي فتكوني فخوره بها وابداي وابداي كوني الشخص ده بكل قوتك حطي كل قوتك حتى قوه الغضب اللي طالع من جواكي والزعل اللي من جواك بسبب تقصير باباكي معاكي حطي كل ده في الادوات اللي تحت ايديكي ما بيجيبوش كتب احط الجهد ده في الكتب اللي معك دلوقتي. شوفي كل الصفات اللي انت حابه تفتخري بها بنفسك قصاد نفسك وقصاد ربنا وابداي اشتغلي عليها وما تفرطيش في ده ابدا ومش مهم هو يشوفك ازاي حتى لو هو ما شافكيش احسن حد في الدنيا في يوم من الايام هيجي يبص لك ويشوف مكانتك في الجنه بص ويقول دي بنتي. اعتقد انه ما فيش يعني رد الحق هيكون اكتر من ده. ان شاء الله ربنا يعني يهون عليك الابتلاء الصعب ده ويقدرك عليه وربنا عدل ما بيديش لحد الا على قدر طاقته وانت طاقتك تتحمل ده باذن الله اه هنحس بوجع وهنحس بزعل وهيبقى نفسنا ان ما كانش ده يحصل بس لما ناخد الجزاء ان شاء الله في الجنه هنقول ياه الحمد لله ان ده حصل لنا احنا وخدنا به المنزله الجميله دي.
تم النشر السبت، ٢٥ مايو ٢٠٢٤
أولاً، أنا فهمت إنك عندك مشاكل كتيرة وضغوطات في حياتك ومش عارفة تتعاملي معاها، وبتشكي من قسوة والدك وتأثرها عليك. الوضع ده بيؤثر جدا على نفسيتك وصحتك النفسية. ولكن يا حبيبتي، أول حاجة بدي تفهمي إنه مهم جدا ليكي تفضلي تحافظي على نفسك وصحتك النفسية. مش لازم تحافظي على علاقات مكروهة أو تستمري في التفاعل مع أي حد يؤذيكي. بالعكس، عليكي بالابتعاد عن الناس اللي بيسببولك ضغط نفسي وتحاولي تحيطي نفسك بأشخاص إيجابيين ومحبين. ثانياً، مهم جدا تتحدثي عن مشكلتك مع أحد معالجي النفس أو مدرب حياة يمكن يساعدوك تتعاملي مع الضغوطات والمشاكل اللي تواجهيها بشكل أفضل وتعملي على تقوية شخصيتك وتحسين حالتك النفسية. وأخيرًا، اتركي الأمور الماضية خلفك وحاولي تركزي على بناء مستقبل افضل لنفسك. خليكي قوية وحاربي لتحقيق أحلامك وأهدافك، ومهما كانت العقبات اللي واجهتها في الماضي، يمكنك دائمًا بدء صفحة جديدة وتحقيق النجاح. أنا هنا لمساعدتك في أي وقت، فلا تترددي في طرح أي سؤال أو استفسار.
تم النشر السبت، ٢٥ مايو ٢٠٢٤
لعرض السؤال في فدني اضغط هنا