السلام عليكم
انا جايه اتكلم عن مسأله صعبه النهارده انا واجهتها وتكاد تكون اسوء حاجه شوفتها ف حياتي شفت جريمه قتل كانت هتحصل بابا كان بيحاول يخنق ماما ويموتها بعد خناقه بينهم وبعد زعيق كتير وشتايم بأسوأ الألفاظ وطعن ف شرف ماما وماما مفيش اشرف منها وبابا شتمها هيا وأهلها واحد واحد انا لما شفت بابا بيحاول يموتها انا قعدت أشده وجريت شيلتها من تحت ايده انا فكرت اني بعد ما أشيله عنها هلاقيها ماتت خلاص بس الحمد لله رقبتها كلها علامات حمرا من ايده اللي كانت بتخنقها دا اسوء حاجه شوفتها في حياتي
قبل كدا حاول يموت اختي بالمياه برضو وجري وراها بس هي جرت وقفلت الباب تلحق نفسها ولو جينا نتكلم مع حد ف الموضوع يقولو لا ابوكو مفيش أطيب منه هو بس أخلاقه بتضيق بسرعه استحملوه وانتي استحملي عشان بيتك وعيالك
بس يرضي مين دا؟
هل دا يرضي ربنا هل الظلم اللي بنتعرضله والشتايم والضرب والطعن ف الشرف يرضي حد بجد. معتقدش بصراحه.
كل ما أحاول اتكلم مع حد ف الموضوع دا يقولو مش بيعرف عليكو مش ساتركو مش موت نفسه ف الشمس عشان يأكلكو
طب مهو بيدفعنا تمن كل دا، دا معيشنا ف رعب طب والعمل نروح فين ولا نعمل اي مين عاقل يعدل بالحق وميشوفناش اننا لازم نتحمل انا عارفه انه نهايتها موت حد فينا ع ايده بس انا بكابر واقول لا ربنا كريم
السلام عليكم ورحمه الله وبركاته. طبعا الوضع ده وضع خطر احتياج الامان عند الانسان من اهم الاحتياجات للمحافظة على حياته اي كائن حي بيدو على انه يحافظ على حياته ويبعد عن احساس الخطر وبيدور دايما على مكان يشعر فيه بالامان احنا هنا قدام نقطه خطيره ومهمه جدا وما ينفعش تجاهلها ما ينفعش حد يقول لا ما تقلقوش وده بس كانه شويه متعصب وبس لا طبعا الوضع ده خطر مينفعش يتسكت عليه، لو احنا الناس اللي احنا بنحاول نفهمه من الوضع دولت الناس القريبين فالناس دي اكيد ما شافوش اي حاجه من الاحداث اللي عندنا فمش قادرين يتخيلوا قد ايه صعوبه الوضع لو دولت مش بيدوا اي اهتمام للموضوع فاحنا محتاجين نبدأ كل شويه يعني نزود الدرجه بتاعه الناس اللي احنا هنبدا ناخذ برأيهم يعني لو احنا في المكان بتاعنا فيه حد هو شخص موثوق هو كبير العيله مثلا هنبدأ نقول له علشان يشوف ايه ممكن التصرف في الموضوع ده طيب كبير العيله ما عملش حاجه ممكن نشوف شخص يكون مقرب للوالد ويكون الوالد بيسمعه أصلا وبيحترم رأيه وكلامه، ممكن يكون شيخ ممكن يكون حد كبير والأب بيحترم كلامه ومبيكسرش كلمته زي ما بنقول بالعامية، لقينا إن كل دول مش متاحين أو مش موجودين أو موصلناش معاهم لنتيجة فهنحتاج للأسف إن احنا ممكن نبدأ نزود الموضوع إن احنا نلجأ لرجل قانون مثلا ممكن محامي ناخد رأيه وضع زي ده إزاي ناخد احتياطتنا نعمل إيه وده هنكون محتاجينه كويس جدا لأنه على الأقل ممكن يوضح للأب وضع زي ده ممكن يخلي عليه مساءلة قانونية فاحتمال تكون دي نقطة تخلي الأب يبدأ ياخد باله من أفعاله أو يحاول إن هو يلجم أفعاله اللي بتكون في وقت الغضب دي هقول لك برده الاتجاه اللي موجود رغم انه ثقيل جدا بصراحه وصعب جدا لان ان الواحد يشوف اب بيخلي اولاده يضطروا لحاجه زي كده ولكن في خط ساخن للعنف المنزلي وده نقدر نستعين به لو حصل اي حاجه زي دي ونطلب يعني بيبقى شبيه بان احنا بنطلب النجده ان احنا هنا في عندنا وضع عنف اسري وهنحتاج ان احنا نستعين بالجزء الحكومي او بالمنظمه اللي مسؤوله عن الموضوع ده ان هي تمنع الحوادث اللي من النوع ده انها تؤدي للجريمه للاسف تكون وقتها ما نقدرش نرجع حاجات كتير جدا ربنا معاك في الوضع الصعب ده. وخليني اقول لك حاجه ثانيه بس فويس تاني.
تم النشر السبت، ١٢ أبريل ٢٠٢٥
🎤 إجابة صوتية
تم النشر السبت، ١٢ أبريل ٢٠٢٥
وعليكم السلام ورحمة الله وبركاته، أختي العزيزة، لا يمكنني أن أصف حجم الألم الذي تعانين منه نتيجة ما شهدته في منزلك. من الواضح أن الوضع الذي تعيشينه يتطلب اهتمامًا عاجلًا ودعمًا حقيقيًا. لا يجب أن يكون أي شخص، مهما كانت الأسباب، عرضة للعنف أو الإساءة، فالعنف لا يبرره شيء. من المهم أن تدركي أن العائلة يجب أن تكون مكانًا للأمان والراحة، وليس مصدرًا للخوف أو العنف. إذا كان والدك يقوم بتصرفات مؤذية، فإنه من الضروري البحث عن الدعم. قد يكون من المفيد التحدث مع شخص تثقين به، سواء كان ذلك صديقًا، أو قريبًا، أو متخصصًا في العلاج النفسي. هؤلاء الأشخاص يمكن أن يساعدوكِ في تجاوز هذا الوضع المأساوي. ولا تنسِ أنه إذا شعرتِ أنكِ أو والدتكِ في خطر وشيك، فلا تترددي في التواصل مع السلطات المحلية أو المؤسسات التي تعنى بحماية النساء. فسلامتك وسلامة عائلتك هي الأهم. تذكري أننا بشر لدينا مشاعر وحياة تستحق الاحترام، ويجب عدم قبول أي شكل من أشكال الإساءة. اللهم اجعل في قلبك السكينة وارزقك القوة لتجاوز هذه المحنة. قد لا يكون الأمر سهلاً، لكن الله مع الصابرين، وأنتِ في طريقك نحو تحقيق حياة أفضل.
تم النشر السبت، ١٢ أبريل ٢٠٢٥
ده بيكون نقص ف الراجل ربنا يهديهلكو
تم النشر الاثنين، ١٤ أبريل ٢٠٢٥
اتفق معك انها معاناه كبيره ، لكن خلينا نحلل المشكله ونفهمها ، الشخص هذا لايمكن يكون طبيعي لانه مهما وصل الخلاف مايصير كذا . ابحثوا عن من يساعدكم ويكون من الاهل في انكم تكشفوا عليه وحالته ماتخرج عن احدى ثلاث اما مرض عضوي او مرض نفسي او مرض روحي . اكشفوا حسب هذا الترتيب .وثقي ان بعد العسر يسرا
تم النشر الأحد، ١٣ أبريل ٢٠٢٥
ربنا يجزيكي كل خير يارب
تم النشر السبت، ١٢ أبريل ٢٠٢٥
الله يفرجها عليك يا ختي واسمحيلي فأنا لست قادرة على مساعدتك الي بدعاء
تم النشر السبت، ١٢ أبريل ٢٠٢٥
انصحك اختي ان تستشيري شخص موثوق او شيخ موثوق بشأن ما يمكن عمله،
تم النشر السبت، ١٢ أبريل ٢٠٢٥
لعرض السؤال في فدني اضغط هنا