اعمل ايه انا عندي ١٤ سنه وكنت بكلم واد من وراء اهلي بس هو كان بيحبني بجد بس انا كنت خايفه
اهلي يعرفوا ويضربوني وكنت خايفه من ربنا برضوا
فأنا كنت كل ما اسيبه نرجع تاني اقوم راجعه في قراري بس النهارده رحت وعملت نفسي اختي وقولته انت بتكلم اختي ليه واتخانقت معها بس قبلها كنا حاطين وعد قدام ربنا اني مش هسيبو وهو دلوقتي عامل يقول لي ربنا ينتقم منك يارب تلاقي واحد يكسرك ويارب تلاقي يعمل فيكي اللي عملتي فيا وانا والله العظيم لو اهلي كانوا يعرفوا بعلاقتنا وافقوا كنت كملت معها؟؟؟
اول حاجه انك عارفة ان ده غلط و طالما ده غلط فمتحطيش اي مبرر لعمل الغلط ده هو لو بيحبك فإنتي اول حاجة ابعتيله و قوليله انك كذبتي عليه في موضوع اختك ده و ان الي بتعملوه ده غلط و مينفعش و ان لو بيحبك فعلا فيستنى لحد ما تكونوا في سن مناسب و ييجي يتقدملك و بعد كده قوليله انك مش هتكلميه تاني و اديله رقم باباكي او اي حد كبير من اهلك عشان يتقدملك لما تكبروا و اعمليله بلوك و هو لو فعلا كان صادق فوقتها هيتقدملك لكن لو كان بيلعب فإنتي كده حميتي نفسك من مشكلة كبيرة و السن ده مش سن علاقات السن ده سن تركزي فيه على نفسك و على شخصيتك و علاقتك بربنا فنصيحة من اخت اكبر منك صدقيني هتندمي جامد لو ما بعدتيش عن العلاقات دي
تم النشر السبت، ٢٠ أبريل ٢٠٢٤
الحب في السن ده .. مش حب حقيقي، ده حب مراهقة .. وبكره وبعده هتفهمي ده كان ايه كويس اوي. بالنسبة ل اللي عملتيه، كويس ان فطرتك السليمة بتحاول تحاب وترجع تاني. سواء بقى كان بيتسلى بيكي، او جد معاكي، هي مش هتفرق في حاجه، لان العلاقة اساسا غلط، سواء اجتماعيا، او دينيا. ربنا عمره ما هيبارك في اي حاجه حرام، وكذلك اهلك لو عرفوا الموضوع مش هيكون سهل ابدا. ف علي ايه تعملي في نفسك المشاكل ديه كلها. اختصري الطريق على نفسك وشوفي الصح فين واعمليه. واتركي العلاقة ديه لله .. ومتفكريش في اي حاجه تاني بعد كده، خصوصا انك ممكن تحسي بالذنب على اللي عملتيه علشانه، ياترى مين اغلى عندك هو ولا ربنا؟ وياترى كمان هل المفروض اساسا تحسي الذنب ناحتيه؟ الواحد يحس بالذنب ناحية الشئ الصح مش الغلط. ف اثبتي على قرارك في الانسحاب.
تم النشر السبت، ٢٠ أبريل ٢٠٢٤
اول حاجه متخفيش من اي حاجه سبتيها عشان ربنا ملكوش حق علي بعض لانكم انتم الاتنين كنتم ف معصيه ف لما حد ساب التاني اللي هو نتي ربنا م هيسالك عليه ربنا هيسالك عن حالتك وحيائك هيسال عنك نتي م هيسال عنو نتي بتقولي نك بتحبيه وهو كذلك اللي بيحب حد م هيخليه يعصي ربنا عشانه لو بيحبك بجد سيبو بعض لغايه متكبرو ويبقا بمقدرته نو يتقدم حتي لو فتره كبيره ف هو لو بيحبك م هيفرق معاه حاجه واهم حاجه ان دا هيكون ف الحلال لان والله صدقيني اي علاقه بدايتها م بترضي ربنا نهاىتها عمرها مهترضيكي ف فكك منو وقوليلو الكلام دا ولو بيحبك هيعمل زي مقولتلك وخليكي فاكره وعرفا ان من ترك شيئا لله عوضه الله خيرا منه ربنا بيبق شايلك الاحسن وقربي من ربنا اكتر وصلي وحاولي لو قولتيله الكلام دا بعديها تبلكيه من كل حاجه ومتديهوش فرصه نو يكلمك او يرد عليكي عشان مترجعوش لان صدقيني الحاجات دي حرام اوي وعذابها عسير وكمان تشيع وقت ونتي لسه صغيره ركزي ف دراستك احسن وشيلي حوارات الارتباط دي من دماغك واحفظي نفسك للانسان اللي يستحقك لان الارتباط بق شئ عادي الفتره دي وربنا يهديمي ويهدينا واتمني اكون فدتك.
تم النشر الخميس، ٢٥ أبريل ٢٠٢٤
لعرض السؤال في فدني اضغط هنا