ازي اذاكر بطريقه صحيحه في تالتة ثانوي وانزل دروس ولا اشتغل منصات
بص دا سؤال اجابته هتكون عندك انت شوف الوقت اللي دماغك بتكون هاديه فيه وقادر تذاكر ودايما يكون فيه تشجيع من نفسك وتعزيز لنفسك بمكافأة بعد المذاكره وممكن تقسم الوقت كأنك تذاكر ساعه مثلا وتاخد ريست ربع ساعة كدا وبعدين تكمل وهكذا ووقت المذاكره تكون مفضي نفسك مش وراك حاجه علشان تقدر تفهم كويس وتستوعب المعلومة كويس وفي الآخر ربنا يجبر بخاطرك ويقر عينك اللهم امين
تم النشر الجمعة، ٢١ فبراير ٢٠٢٥
أهلاً حازم، من الجيد أنك تهتم بطريقة مذاكرتك. إليك بعض النصائح لتحقيق أقصى استفادة: التخطيط الجيد : قم بوضع جدول زمني للمذاكرة. خصص وقتاً لكل مادة واحتفظ بتوازن بين المواد. تنويع المصادر : يمكنك استخدام المنصات التعليمية كأداة مساعدة لفهم الدروس بشكل أعمق. كما يمكنك النزول للدروس إذا كنت تجد ذلك مفيدًا لك. الفهم أولاً : تأكد من فهم المفاهيم الأساسية قبل الانتقال إلى المسائل أو التطبيقات الأخرى. التطبيق العملي : قم بحل تمارين واختبارات سابقة لزيادة ثقتك في نفسك وتحسين أداءك. التعاون مع الزملاء : الدراسة مع الأصدقاء يمكن أن تساعد على تبادل المعرفة وتسهيل الفهم. المراجعة الدورية : خصص وقتاً لمراجعة ما درسته بشكل دوري، فهذا سيساعدك على تثبيت المعلومات. تذكر أن الاجتهاد والتوفيق من الله، فلا تتردد في طلب المساعدة حين تحتاج إليها. موفق إن شاء الله!
تم النشر الخميس، ٢٠ فبراير ٢٠٢٥
مبدئيا كلامي مجرد رأي والاهم الي انت مرتاح فيه، الدروس كويسة في حجات منها انك بتتفاعل مع المدرس اكتر ولو مش فاهم تقدر تسأله على طول وغير كده بيبقا الحماس اعلى لانك شايف الشاطر قدامك وعايز تبقا زيه وفي منافسة وكده، المنصات بردو فيها حجات كويسة إنها بتوفر وقتك انت لو رايح سنتر بتاخد وقت رايح و وقت راجع وبتستنى المدرس وياه لو هتتمشى مع صحابك المنصة بتوفر وقتك ودي بصراحة ميزة كويسة جدا لانك هتلاقي وقت فراغ اطول لمذاكرتك وكمان الحصة بتكون مسجلة بتقدر ترجعلها اكتر من مرة لو حبيت بس مش ميزة اوي لانك تقدر تسجل درس السنتر عادي **فكك بقا من المميزات دي كلها المنصة انت هتبقى شبه لوحدك الا لو في جروب للمنصة وناس معاك تشجعك حلو جدا ولو معاك متابعة كمان لكن عيبها انك ممكن تسرح ومش هتلاقي حد يزعق فيك ترجع للحصة وبردو هتسوف يعني ممكن تسمع الحصة بعد يومين من نزولها الا لو انت ملتزم ** باختصار المنصة عايزة حد ملتزم وهيقدر يلم الدنيا ويقدر انه موفر وقت رايح جاي في الدروس ولكن لو مش بتقدر وغصب عنك بتسوف انزل دروس احسنلك، لو لقيت مدرسين منصة بتفهم منهم بس في غير محافظتك وعندهم متابعة وامتحانات حلو ولو لقيت مدرسين بتفهم منهم في السناتر وحلوين جدا انزل اهم حاجة انك تفهم وتستفيد حاول السنة دي تحافظ على وقت لمذاكرتك، بما انك اكيد في تانية ثانوي او اقل جرب طرق مذاكرة كتير مش كل الناس بتذاكر زي بعض في ناس بتذاكر الصبح وناس بليل وحاول تجرب طرق كتيير جدا والي هينفع اعتمده لان السنة الجاية دي مفيهاش مجال للتجارب. وربنا يوفقك👍🏻
تم النشر الأحد، ٢٣ فبراير ٢٠٢٥
عشان اقولك خد ايه فأحسن لك الإثنين دروس في الدرس ومنصات علشان اقولك خد دروس بس هتلاقي مدرس الدرس يكروت في حاجات، وعشان اقولك منصات بس هتمل من المذاكرة وممكن تراكم على نفسك، لكن لو اخدت الإثنين معا هيكون كويس لأن هتذاكر وراء المنصات ومدرس الدرس زي ايه بيشد عليك لو قصرت بالتوفيق
تم النشر الخميس، ٢٠ فبراير ٢٠٢٥
بصراحة انت يا اختي اول واحد بيتكلم عن الحماسة زي والمنافسة وكدا، انا عن نفسي ما دخلت موضوع المنصات ده لأن مكنش معايا تليفون اصلا في الثانوي ما جاش ليا تليفون غير في اولى كلية والله 😂 بس صراحة زمايلي اللي كانوا معايا في الدرس كانوا بياخدوا المنصات ودرس معايا بس انا كنت بجيب اعلى منهم في الدرجات اه المدرس كان بيكروت بس كنت بعرف اتكيف مع كدا وعالج النقص ده ممكن اقول للأخ حازم خد دروس وكون احسن منهم بس الناس مش شبه بعضها . وسؤال آخير هو انت enfp شخصية
تم النشر الأحد، ٢٣ فبراير ٢٠٢٥
لعرض السؤال في فدني اضغط هنا