لا أعرف كيف أخذ قرار الانفصال من خطيبي أم لا .. لأنه بارد عاطفيا .. وأشك انه بخيل!

Question

دلوقتي انا مخطوبه بقالي تلات اسابيع لشخص اكبر مني بتسع سنين انا عندي ٢٣ هو شخص بارد جدا في اول كان بيكلمني دلوقتي لا ده غير ان جيه عيدميلاده و عيد ميلاد مامته و عيد ام جبتلهم هديه كلهم و قدراتهم هو من ساعت ما تقدملي مجبليش حاجه خالص حتي جاتوه كان جايبوا من قل حاجه مبصتيش علي ماديات قولت عادي ما قبله كان معاه كل حاجه بس مكنيش كويس انا كنت مخطوبه قبله مكنيش محصليش نصيب سيبته عشان مهم طلع الا انا مخطوبه له طلع خاطب قبلي 7مرات مكنيش قيلي خالص الا انه مره واحده عرفني انه مش بيجيب حاجه لحد خالص انا اتصدمت نعزيمه في اول كان بيجي و ياكل و يشرب و عادي دلوقتي كمان بيتهرب و كمان مش بيكلمني نهائي الا اذا انا كلمته و كمان يقفل معايا بحجت الشغل هو بيقولي ان هم الا سيبوا بس هو مش بيعمل حاجه عشان حد يفضل ده غير ان ده بخل انا خايفه اخد قرار انا مش وحشه الحمد الله و كل ما حد بيشوفني بيعجب بيه انا عتبته كتير مفيش فايده ده غير اهلي الا شوفيه انه مش بيقدرني خالص بخيل هل ارفضه و اديله دهبه و اسيبه يلعب بنات ناس و يدخل كل شويه بيت كده بساهل ولا اتصرف معه ازي انا حتي اهله ملقتيش منهم تقدير اهلي عزمهم وهما ولا هنا و لا حتي عزموني انا هما واضح علي قدهم اووي بس ده ميمنعيش انهم يقدرونا لو بحاجه بسيطه يكون في زوق انا زعلانه اووي علي نفسي و علي عمري الا ضيعته بمكن انا كنت غلطانه اني محبتيش زي بنات يمكن كنت غلط لما سيبت شخص بيحبني بس انا مبحبهوش ضغط من اهل و من حياه و خوف من وحده كلهم لي بيت زهقوا من كلام في نفس مواضيع نفسي افرح مره واحده في حياتي من غير حزن بابا جبالي كل جاهزي لغيطت انتريه نفسي افرح بحاجتي بس مش بقع غير في ناس غلط ادعولي ونصحوني اعمل ايه 💔💔💔💔بتعامل بطيبه و حسن نيه و متوقعيش غدر الاقي الغدر برضه معلش طولت عليكم

Accepted Answer

بصراحة انا رايى تفسخى الخطوبه بدون تردد هتقوليلى ليه اقولك علشان 1-البخيل هيفضل بخيل ومش بس فى الماديات فى كل حاجة حتى المشاعر 2-اذا كان من دلوقتى مبيقدركيش هيقدرك امتى؟ بعد ما تتجوى وتجيبى عيال وتفقدى جزء من انوثتك وجمالك 3-معنى ان اهله سلبيين ومش مقدرين صدقينى هيفضلوا كدا ليه ؟لان اذا كان فى الخطوبة اللى المفروض يبينوا احسن ما عندهم بيعملوا كدا اومال لما تبقي وسطيهم هيعملوا ايه 4-ودا من واقع انا عيشته مش نظريات كل ما كان الفرق كبير كل ما هتندمى ليه؟ لانك فى وقت من الاوقات هتحبى مثلا ترقصى سلو معاه فى فرح اختك مثلا بعد ما تتجوزوا هيقولك عيب احنا كبار هيكبرك قبل اوانك لانه خلاص عاش سنه وميفرقش معاه انك كمان تعيشى سنك فمن وجهة نظري افضل سن من 3/5سنين ووارجع اقوللك صلى استخارة وربنا يوفقك

Answer

نصيحتي اليكي افسخي الخطبة واضح من كلامك أنه بخيل وشح حتي في تصرفاته الفتاة أو الانثي تحتاج أن تشعر بأنوثتها ومن يهتم بها دي حياة عمر وليس يوم او سنة وسيعوضكي الله خيرا منه

Answer

اولا لا يجوز أنك تتكلمي مع خطيبك في أمور الحب والكلام بينكم لازم يكون بحدود وثانيا عيد الميلاد أو عيد الأم دول من البدع ولا يجوز الاحتفال أو التهنئة بيهم

لا أعرف كيف أخذ قرار الانفصال من خطيبي أم لا .. لأنه بارد عاطفيا .. وأشك انه بخيل!

نفسية

اجتماعية

زواج

سؤال من احد أعضاء فدني

تم النشر الجمعة، ٢٢ مارس ٢٠٢٤

6 إجابة

14 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك