بتعملوا اي لما شخص يطلع من حياتكم بدون سابق إنذار وفجأه كل الدنيا تبقي وحشة معاكم ؟
انا حرفيا مش عارفة ارجع طبيعية ولا ليا نفس اشتغل شغلي ال كنت بحبه جدا ولا قادرة ارجع اعيش حياتي زي الاول ولا فيا طاقة لاي حاجه ولا شغف للحياة نفسها
الشخص دا كان كل حياتي حرفيا ومشوفتش منه اي حاجة وحشة بجد كان بيحبني وبيحاول والمفروض كان هيكلم اهلي خلاص عشاني وياما اتخانقنا ورجعنا فجأه اتخانقنا ومبقيناش ف حياة بعض بين يوم وليله كدا
مكنتش عاملة حسابي نهائي ان هنبعد وهوصل لكدا
انا مش عارفة اعيش بجد ولا لاقيه حل للي انا فيه رغم اني مريت بصدمات كتير اوي وناس فترات وكل حاجه بس مش قادرة اتخطي الموضوع دا وحاسة اني هونت عليه وزعلي هان عليه بطريقة وحشة اوي
انا نفسي ارجع زي الاول انا كنت جميلة وعايشة حياتي وبحب شغلي وكل حاجه ف حياتي كان عندي شغف لكل حاجة
دلوقتي مش عايزة حتي اقوم من النوم وملامحي بهتت م الزعل وشيفاه عايش عادي ومتجاهلني وانا حرفيا بتعذب
كل يوم اقنع نفسي اني جامدة ومش فارق معايا حاجه لكن في اخر اليوم بفضل اعيط صعبان عليا نفسي وكل حاجة بينا بخاف انام مصحاش
بلبخ نفسي واسحل نفسي في مليون حاجة وبفضل استناه يبعتلي زي كل مرة ويصالحني علشان هو اللي كان غلطان وانا متأكدة انه مستنيني اتكلم بس المرادي طولنا اوي وهان عليه زعلي والموضوع كله جه فوق دماغي انا وانا اللي مأذية دلوقتي واول مرة اتأثر كدا
هو عندي على كل حاجة ومستنيني انا اللي اتكلم واعتذر وانا مكنتش غلطانة ومش بيشوف استوريهاتي ومتجاهلني ودي حاجة قهراني وفي نفس الوقت مينفعش ادخل اكلمه لان هو اللي كان غلطان مش انا ونفسي يكلمني ومستنياه طول الوقت يتكلم لان عارفة انه متعلق بيا وكل حاجه بيحطها عشان يخليني اتكلم
فيدوني انا تعبت من نفسي ومش عارفة اواصل حياتي ولا اشوف شغلي
هى اكيد صعبة لانك كان يعتبر اساسى فحياتك بس مش معنى كدا انك توقفى حياتك وتخصرى حجات تانيه مفيش حد هايقدر يخرج من الى انتى فيه غيرك انتى انتى العامل الوحيد إلى يقدر يساعدك شوفى حياتك مستقبلك وانجحى طالما الغلط مكنش منك انتى خلاص الغلط منو هو والله لو لسه متعلق بيكى وعايزك هايعتذر ويجى لاكن متوقفيش حياتك عليه وهو يكون شايف حياتو اعملى اخفاه للحلات من عندو علشان متفضليش متعلقة لما يشوف الحالة او كدا ومع الوقت هاتسنى ولو ليكو خير فبعض ربنا هايصلح الأمور
تم النشر الثلاثاء، ٢٥ يونيو ٢٠٢٤
صدقن/ي مفيش حاجه هتخليكي كويس/ه غير انك تبقي ناجح في اي حاجه سعته ممكن تبقي كويس
تم النشر الثلاثاء، ٢٥ يونيو ٢٠٢٤
يا حبيبتي، طيب خليني أقولك إن مشاعرك دي طبيعية تماماً وكتير من الناس بيمروا بنفس الحالة بعد انفصال مؤلم، خاصة لما الشخص اللي فرقك كان له تأثير كبير على حياتك. فيه كام خطوة لو اتبعتيهم ممكن يساعدوكي تتجاوزي المرحلة دي: اعترفي بمشاعرك: ما فيش حاجة غلطة في إنك تبكي أو تحسين بالحزن. الحزن ده جزء من عملية الشفاء. وفّري لنفسك الوقت: ما تتوقعيش ترجع حياتك لطبيعتها بسرعة. كل حاجة بتاخد وقتها والتعافي بييجي بالراحة. اتكلمي مع حد: لو عندك صديقة مقربة أو فرد من العيلة تقدر تتكلمي معاه، ده ممكن يخفف عنك جزء من الحمل اللي بتحمليه. أو لو حاسة أنك محتاجة مساعدة أكبر، ممكن تزوري معالج نفسي. ركزي على نفسك: ابدأي تكتشفي من جديد الحاجات اللي بتبسطك وتخليكي سعيدة. استمتعي بالهوايات القديمة أو جربي حاجات جديدة. اهتمي بصحتك: الأكل الصحي، النوم الكافي، والتمارين الجسدية ليهم دور كبير في تحسين المزاج واستعادة الطاقة. تقبّلي الوضع الجديد: لازم تقبلي حقيقة إنه مش كل حاجة بترجع زي الأول، ويمكن ده يكون بداية جديدة ليكي تستكشفي فيها نسختك الجديدة والشغف الجديد في الحياة. تخطي الماضي: حاولي ما تركزيش على الشخص ده ولا تتبعي أخباره، ركزي على مستقبل جديد ليكي. تقديم الحب لنفسك: فقدان شخص مهم ده صعب، لكن ذاتك بتستاهل الحب والاهتمام. دلعي نفسك، اعملي حاجة بتحبيها، وذكري نفسك بقدراتك وإنجازاتك. في نهاية اليوم، يا حبيبتي، الحياة مش بتمشي دايماً زي ما بنخطط، وده جزء من جمالها وغموضها. ثقي إنك هتعدي من ده وهتبقي أقوى وأجمل. لو محتاجة أي حاجة تانية أو عايزة تتكلمي، أنا هنا دايماً ليكي. 💖
تم النشر الثلاثاء، ٢٥ يونيو ٢٠٢٤
علاقة بدأت في الهواء الطلق من الطبيعي أن تنتهي في لحظة وتتبخر في الهواء الطلق .. أنت قللتي من قيمة نفسك لما دخلتي في علاقة لا تبدأ بباب البيت
تم النشر الثلاثاء، ٢٥ يونيو ٢٠٢٤
لعرض السؤال في فدني اضغط هنا