يا جماعه انا في ظل الي بيحصلي بس عندي حاجة صغيره كده اني فرحان ومتفائل وحاجة جوايا بتقولي أن كل الي انا عايزه هيحصل مع ان المعطيات والأحداث الي بتحصلي في الواقع بتقول عكس كده..!!
جميل جدا جدا بس لوحده مش كفاية اكيد الرسايل ال بتشوفيها ديه جميلة يلا بقا قومى طبقى الرسايل ديه مش بس انك تكونى متفائلة لازم تاخدى باسباب التفاؤل لو فضلتى كده بس ده هيبقى شعور مؤقت وممكن يختفى فى اسباب تاخدها زى ما فى اسباب للحزن والياس
تم النشر السبت، ٣ يونيو ٢٠٢٣
التفاؤل لوحده جميل وحلو وزي الفل، ولكنه مش بيأكل عيش، يعني ما ينفعش أكون متفاءل وقاعد طول اليوم بلعب واقول بإذن الله كل اللي عايزه هيتحقق تفاؤل + عمل واجتهاد وسعي = نتيجة كويسة باذن الله وناخد بالنا انه النتيجة مش معناها اننا هنوصل بكرة الصبح للي عايزينه، لا هنقع مرة واتنين وعشرة ومليون لحد ما نوصل، وممكن ما نوصلش عادي جدًا ... الفشل هو سبب من أسباب النجاح ، والمتعة في الرحلة وليس في الوصول. ولولا الفشل ما كان النجاح، فنحن إن لم نفشل لن نتعلم مطلقًا كل هذه أمور تحتاج إلى وضعها في اعتبارك بالإضافة إلى التفاؤل. اخيرًا ابعد عن كل ما قد يصيبك بالإحباط والتشاؤوم كالفيديوهات والأخبار والتحليلات التي لا طائل منها سوى تثبيط العزائم والهمم بالتوفيق لك
تم النشر السبت، ٢٧ مايو ٢٠٢٣
التفاؤل شئ كويس .. المعطيات اللي معاك محتاج تركز فيها .. يعني مثلا لو عندك امتحان بعد يوم او 2 ولسه مبدأتش .. ف هنا مثلا هنقول انك متفائل .. مع ان اي حد هيشوف الدنيا من بره هيقول الوقت مش كبير .. بس انت متفائل! كويس مش هقولك وحش .. بس تفائل واعمل في نفس الوقت .. يعني ماشي فاضل يوم او 2 بس انا هذاكر كويس جدا وهعمل اللي عليا وربنا باذن الله هيكرمني .. وده شئ كويس جدا لو موجود فيك.
تم النشر السبت، ٢٧ مايو ٢٠٢٣
ده تفاؤل ودى حاجة جميلة الاجمل انك كمان تكون رابط الامل بالواقع بانك تكون بتجتهد فى الواقع رغم كل الظروف وشكلها وكلك يقين بان امنياتك تتحقق . المهم ايه اكبر منبع لاحساسك الحلو ده ؟.
تم النشر السبت، ٢٧ مايو ٢٠٢٣
لعرض السؤال في فدني اضغط هنا