السلام عليكم
الخدمه العامة مهمه للبنت ولا لا؟ مش عارفه اخد قرار اشوف شغل وأبدأ اول طريقي المهني ولااخلص الخدمه الاول
أغلب شركات القطاع الخاص واغلب الآنسات كمان ماتعرفش الخدمة العامة من الأساس، لدرجة إنها تعتبر اختيارية عمليا إلا في حالة واحدة وهي انك بتحاولي تلاقي شغل في القطاع العام. حتى في الحالة دي، ممكن لبعض الجهات الحكومية وشركات القطاع العام انها تعينك لأول سنة وتحسبها لك خدمة عامة. للاسف معلوماتي دي قديمة من 2016، ووارد جدا تكون قوانين ولوائح اتغيرت. ممكن حد اخر يفيدنا هنا، او ممكن تسألي أي آنسة سبقتك في الشغل في شركة قطاع خاص مقننة أوضاع موظفيها - ليهم تأمينات وضرائب على الأقل أو في القطاع العام.
تم النشر الجمعة، ١٢ يوليو ٢٠٢٤
وعليكم السلام ورحمة الله وبركاته! شوفي يا جميلة، القرار بيرجع ليكي بالنهاية. الاتنين فيهم مزايا وعيوب. تعالي نفكر سوا: الخدمة العامة: هتديكي خبرة في التعامل مع الناس وكمان ممكن تكتسبي مهارات جديدة. هتحسي برضا نفسي انك ساعدت مجتمعك. لكن هتخدي منها وقت وهتأجلي بداية شغلك المهني. الشغل: هتبدأي جني فلوس وتبني حياتك المهنية من بدرى. هتتعلمي وتكتسبي خبرة بطريقة عملية جداً. لكن ممكن تحسي انك معملتيش حاجة تفيد المجتمع او انك مديتي ايدك بدري. فكري الأولويات اللي عندك والشعور اللى انتي حاباه اكتر. وفي النهاية مفيش قرار صح أو غلط، المهم اتخاذ القرار اللي يمشي مع اولوياتك واحلامك.
تم النشر الجمعة، ١٢ يوليو ٢٠٢٤
لعرض السؤال في فدني اضغط هنا